Rani Mukerji Birthday : બોલિવૂડ અભિનેત્રી રાની મુખર્જી (Rani Mukerji) ઈન્ડસ્ટ્રીની સૌથી સફળ અભિનેત્રીઓમાંની એક રહી છે. શાહરૂખ ખાનથી લઈને સલમાન ખાન સુધી તેણે દરેક મોટા અભિનેતા સાથે કામ કર્યું અને પોતાની ઓળખ બનાવી. રાની મુખર્જીએ તેના વ્યાવસાયિક જીવન તેમજ અંગત જીવન (Rani Mukerji Birthday) માટે ઘણી હેડલાઇન્સ બનાવી. રાની મુખર્જીનું નામ લગ્ન પહેલા ઘણા એક્ટર્સ સંગ ચર્ચામાં આવ્યું હતું. જેમાંથી લગભગ પુરૂષ લગ્ન કરી ચૂક્યા હતા. આવામાં અભિનેત્રી પર ઘણીવાર ઘર તોડવાનું આરોપ લગાવવામાં આવ્યો છે. આ વાત બહુ ઓછી લોકો જાણતા હશે. આજે 21 માર્ચે રાની મુખર્જીનો જન્મદિવસ છે. તે પોતાનો 45મો જન્મદિવસ ઉજવી રહી છે.
ગોવિંદા રાનીના રૂમમાં નાઇટ શૂટમાં જોવા મળ્યો
અહેવાલ અનુસાર રાની મુખર્જી અને ગોવિંદાએ વર્ષ 2000માં ફિલ્મ ‘હદ કર દી આપને’માં સાથે કામ કર્યું હતું. આ દરમિયાન બંને એકબીજાની નિકટ આવ્યા હોવાની ચર્ચા મીડિયામાં થવા લાગી હતી. તે સમયે ગોવિંદાના લગ્ન થઇ ગયા હતા અને તે સુનીતા સાથે ખુશહાલ લગ્નજીવન માણી રહ્યો હતો. મહત્વની વાત છે કે, રાની અને ગોવિંદાના અફેયરની ચર્ચા ત્યારે તેજ થવા લાગી હતી જ્યારે ગોવિંદા રાનીના રૂમમાં નાઇટ શૂટમાં જોવા મળ્યો હતો.
ગોવિંદાનું રાની મુખર્જી સાથે એક્સ્ટ્રા મેરિટલ અફેયર
પ્રાપ્ત વિગત અનુસાર ગોવિંદાનું રાની મુખર્જી સાથે એક્સ્ટ્રા મેરિટલ અફેયર હતું. આ સાથે ગોવિંદાએ રાની મુખર્જીની વૈભવ જીંદગી માટે ખુબ પૈસા પણ ખર્ચ્યા હતા. આ પછી આ ખબર તેના ઘર સુધી પહોંચી ગઇ હતી. જેને પગલે ગોવિંદાની પત્ની સુનિતા તેના બાળકો સાથે ઘર છોડીને ચાલી ગઇ હતી. ત્યારબાદ ગોવિંદાએ તેના લગ્નજીવનને રાબેતા મુજબ કરવા માટે રાની મુખર્જી સાથેના તેના તમામ સંબંધોનો અંત લાવી દીધો હતો.
બોલિવૂડના કોરિડોરમાં ઘણી ચર્ચાઓ
એક સમયે રાની મુખર્જી અને અભિષેક બચ્ચન વચ્ચેના સંબંધોએ બોલિવૂડના કોરિડોરમાં ઘણી ચર્ચાઓ થઈ હતી. જો કે બંનેએ ક્યારેય આ વાતને ઓફિશિયલ નથી કરી. બંને સ્ક્રીન પર કભી અલવિદા ના કહેના, બંટી ઔર બબલી અને અન્ય જેવી ફિલ્મોમાં સાથે જોવા મળ્યા હતા.
જયા બચ્ચન પણ રાનીને પસંદ કરતી હતી
રાનીએ અમિતાભ બચ્ચનની ઘણી ફિલ્મોમાં પણ કામ કર્યું હતું, જેના કારણે તે બચ્ચન પરિવારની ખૂબ નજીક હતી. જયા બચ્ચન પણ રાનીને પસંદ કરતી હતી, જેનું એક કારણ રાની બંગાળી હતી. જો કે આટલું બધું હોવા છતાં તે અભિષેક સાથે લગ્ન કરી શકી ન હતી.
આ કારણથી રાની અને અભિષેકના લગ્ન ના થયા
રાની મુખર્જી 2005માં આવેલી ફિલ્મ બ્લેકમાં અભિષેક બચ્ચન સાથે જોવા મળી હતી. આ ફિલ્મમાં બંને વચ્ચે એક કિસિંગ સીન શૂટ કરવામાં આવ્યો હતો. ઘણા રિપોર્ટ્સમાં કહેવામાં આવ્યું છે કે, આ કિસિંગ સીનના કારણે રાનીના લગ્ન અભિષેક સાથે થઈ શક્યા નથી. એવું કહેવામાં આવે છે કે જયાએ રાનીને આ સીન કરવા માટે મનાઈ કરી હતી, પરંતુ તેણે તે કર્યું, જેના કારણે જયા નારાજ થઈ ગઈ અને અભિષેક સાથે લગ્ન ન કરી શકી.
રાનીએ વર્ષ 2014માં લગ્ન કર્યા
જો કે વર્ષ 2014 માં રાની મુખર્જીએ ફિલ્મ નિર્માતા અને યશ રાજ ફિલ્મ્સના આદિત્ય ચોપરા સાથે લગ્ન કર્યા. બંને તેમના લગ્ન જીવનમાં ખૂબ જ ખુશ છે. બંનેને આદિરા ચોપરા નામની પુત્રી પણ છે.
આ પણ વાંચો: કપિલ શર્મા પર બોલિવૂડ અભિનેતાએ સાધ્યું નિશાન : ‘ઝ્વિગાટો’ પર કરી આવી ટિપ્પણી
રાનીની આ ફિલ્મ લોકોને ખુબ પસંદ આવી
રાની મુખર્જી તાજેતરમાં તેની રિલીઝ થયેલી ફિલ્મ મિસેજ ચેટર્જી Vs નોર્વેના કારણે ખુબ ચર્ચામાં છે. તેની આ ફિલ્મ દર્શકોને ખુબ પસંદ આવી છે. આ સાથે રાનીની આ ફિલ્મની ઘણા દિગ્ગજ સ્ટાર્સ વખાણ કરી ચૂક્યા છે. મિસેજ ચેટર્જી Vs નોર્વેએ રવિવાર (19 માર્ચ) ની કમાણી 2.89 કરોડ સુધી પહોંચી ગઇ હતી.
