રણવીર સિંહની ફિલ્મ ધુરંધર આ દેશોમાં રિલીઝ ના થયું

ઘણી ટીકાઓ છતાં ધુરંધર (Dhurandhar) વૈશ્વિક સ્તરે સારો આંકડો પાર કરવામાં સફળ રહી છે, એમ ઇન્ડસ્ટ્રી ટ્રેકર સેકનિલ્કએ જણાવ્યું છે. જો ફિલ્મ ગલ્ફ દેશો (Gulf countries) માં રિલીઝ થઈ હોત તો આ આંકડો ઘણો વધી શક્યો હોત. જોકે, ફિલ્મ બહેરીન, કુવૈત, ઓમાન, કતાર, સાઉદી અરેબિયા અને યુએઈમાં પ્રદર્શિત થઈ રહી નથી, કારણ કે તે "પાકિસ્તાન વિરોધી" છે.

બોલીવુડ હંગામા અનુસાર નિર્માતાઓએ આ બજારોમાં રિલીઝ મેળવવાનો પ્રયાસ કર્યો હતો પરંતુ ફિલ્મની રાજકીય સ્થિતિને કારણે તેને મંજૂરી આપવામાં આવી ન હતી.

રણવીર સિંહની ફિલ્મ ધુરંધર ગલ્ફ દેશોમાં રિલીઝ ના થઇ

એક સૂત્રએ પ્રકાશનને જણાવ્યું હતું કે રણવીર સિંહ ની ફિલ્મ, "બહેરીન, કુવૈત, ઓમાન, કતાર, સાઉદી અરેબિયા અને યુએઈએ ધુરંધર ફિલ્મ રિલીઝ કરી નથી. એવી આશંકા હતી કે આવું થશે કારણ કે આ ફિલ્મને 'પાકિસ્તાન વિરોધી ફિલ્મ' માનવામાં આવે છે. ભૂતકાળમાં પણ, આવી ફિલ્મો આ ક્ષેત્રમાં રિલીઝ થવામાં નિષ્ફળ ગઈ છે. ટીમે હજુ પણ પ્રયાસ કર્યો હતો, પરંતુ કોઈ પણ દેશે ફિલ્મની થીમને મંજૂરી આપી ન હતી. તેથી જ ધુરંધર કોઈપણ ખાડી પ્રદેશોમાં રિલીઝ થઈ નથી."

આ અગાઉ ફાઇટરને પણ આવી જ અવરોધનો સામનો કરવો પડ્યો હતો. આ ફિલ્મમાં ઋત્વિક રોશન અને દીપિકા પાદુકોણ અભિનય કર્યો હતો. પુલવામા હુમલાનું ચિત્રણ કરતી ફાઇટર ફિલ્મની પાકિસ્તાનના કેટલાક વર્ગો દ્વારા "એક સેન્સિટિવ મુદ્દાનો ઉપયોગ" કરવા બદલ ટીકા થઈ હતી. જોકે નિર્માતાઓએ ગલ્ફ બજારો માટે ફરીથી એડિટ વરઝ્ન સબમિટ કર્યું હતું, પરંતુ UAE મંત્રાલયે તેને પણ નકારી કાઢ્યું હતું.

આ પ્રદેશમાં રિલીઝ ન થયેલી અન્ય તાજેતરની હિન્દી ફિલ્મોમાં સ્કાય ફોર્સ, ધ ડિપ્લોમેટ, આર્ટિકલ 370 અને ટાઇગર 3નો સમાવેશ થાય છે. URI ફેમ આદિત્ય ધર દ્વારા દિગ્દર્શિત, ધુરંધરમાં રણવીર સિંહ, અક્ષય ખન્ના, આર માધવન, સારા અર્જુન, અર્જુન રામપાલ, સંજય દત્ત અને રાકેશ બેદી વગેરે છે.

આ ફિલ્મે ભારતમાં 28 કરોડ રૂપિયાની કમાણી કરી હતી અને સોમવારે ૨૩.૨૫ કરોડ રૂપિયા અને મંગળવાર અને બુધવારે ૨૭ કરોડ રૂપિયાની કમાણી સાથે મજબૂત ગતિ જાળવી રાખી છે. ગુરુવારે, ધુરંધરે રાત્રે 9 વાગ્યા સુધીમાં બોક્સ ઓફિસ પર 22.08 કરોડ રૂપિયાની કમાણી કરી હતી. આદિત્ય ધર ફિલ્મનો બીજો ભાગ 19 માર્ચે રિલીઝ કરશે.