રશ્મિકા મંદાના વિજય દેવરકોંડા રિસેપ્શનનો ખાસ ઈમોશનલ વિડીયો કર્યો શેર, ચાહકોએ વરસાવ્યો પ્રેમ, જુઓ

મનોરંજન ન્યૂઝ | બે અઠવાડિયાની ઉજવણી પછી અભિનેતા રશ્મિકા મંદાના (Rashmika Mandanna) અને વિજય દેવરકોંડા (Vijay Deverakonda) એ આખરે 4 માર્ચે હૈદરાબાદમાં ભવ્ય રિસેપ્શન સાથે તેમના લગ્ન સમારોહ પૂર્ણ કર્યા હતા. 

રશ્મિકા મંદાના (Rashmika Mandanna) અને વિજય દેવરકોંડા (Vijay Deverakonda)એ હવે એક સંયુક્ત ઇન્સ્ટાગ્રામ પોસ્ટ શેર કરી છે જેમાં ઉજવણી દરમિયાન હાજર દરેકનો આભાર માન્યો છે. ગુરુવારે નવદંપતીએ તેમના રિસેપ્શન સાંજનો એક વિડિઓ એક ખાસ ઈમોશનલ નોટ સાથે પોસ્ટ કર્યો હતો.

રશ્મિકા મંદાના વિજય દેવરકોંડા રિસ્પેશન લેટેસ્ટ વિડીયો 

ક્લિપમાં આ કપલ સ્થળ પર ભેગા થયેલા મીડિયાનું સ્વાગત કરતી વખતે હાથમાં હાથ નાખીને ચાલતા જોઈ શકાય છે. તેઓએ કેમેરા સામે હાથ જોડીને ઉદારતાથી પોઝ આપ્યો હતો, અને આવેલ બધા મહેમાનોને પ્રેમ અને શુભેચ્છાઓ માટે કૃતજ્ઞતાથી નમન કર્યું હતું.

આ પ્રસંગે રશ્મિકા રેડ સિલ્ક સાડીમાં ખૂબ જ સુંદર લાગી રહી હતી. તેના દક્ષિણ ભારતીય મૂળને વળગી રહીને તેણે પરંપરાગત સોનાના મંદિરના ઘરેણાંથી આ લુકને ખાસ બનાવ્યો અને નવી દુલ્હન તરીકે તેણે સિંદૂર પણ કર્યું હતું. બીજી બાજુ, વિજયે પરંપરાગત વેષ્ટીમાં તેને ક્લાસિક રાખ્યું હતું.

View this post on Instagram

રશ્મિકા મંદાના વિજય દેવરાકોંડા રિસેપ્શન, અલ્લુ અર્જુનથી ચિરંજીવી સહિત સાઉથ સિનેમા સ્ટાર્સ રહ્યા હાજર,

વીડિયો શેર કરતાં કપલે લખ્યું, “04.03.2026. રિસેપ્શન સાંજ. આ છેલ્લા બે અઠવાડિયા આનંદદાયક રહ્યા છે. દરેક દિવસ, દરેક ઘટના, દરેક ક્ષણ અને દરેક વ્યક્તિએ અમને પ્રેમથી ભરી દીધા છે. બધાને ખુબજ પ્રેમ અને અમારી કૃતજ્ઞતા.”

પોસ્ટ થયાના માત્ર બે કલાકમાં, આ વિડિઓને લગભગ બે મિલિયન લાઈક્સ અને પંદર મિલિયન વ્યૂઝ મળી ચૂક્યા છે, ચાહકોએ કમેન્ટ સેકશનમાં અભિનંદન મેસેજ અને આ કપલ માટે શુભેચ્છાઓ પાઠવી છે.