Salman khan death threats : NCP નેતા બાબા સિદ્દીકીની હત્યા બાદ સલમાન ખાનને ખાસ સુરક્ષા આપવામાં આવી છે. તેને Y+ સુરક્ષા આપવામાં આવી છે. તેની તમામ મીટિંગ અને શૂટિંગ પણ કેન્સલ કરી દેવામાં આવ્યા છે. આ ઉપરાંત તેમના નજીકના લોકોને પણ તેમને ન મળવાની સલાહ આપવામાં આવી છે.
બાબા સિદ્દીકીની હત્યાની જવાબદારી લેતા લોરેન્સ બિશ્નોઈ ગેંગને સલમાન ખાનથી દૂર રહેવાની સલાહ આપવામાં આવી હતી. આવી સ્થિતિમાં ફરી એકવાર સમાચાર સામે આવી રહ્યા છે કે બિશ્નોઈ ગેંગના નામે સલમાન ખાનને ધમકી આપવામાં આવી છે અને 5 કરોડ રૂપિયાની ખંડણી માંગવામાં આવી છે.
ANI અનુસાર મુંબઈ ટ્રાફિક પોલીસના વોટ્સએપ નંબર પર એક ધમકીભર્યો મેસેજ આવ્યો છે, જેમાં સલમાન ખાન પાસેથી 5 કરોડ રૂપિયાની ખંડણી માંગવામાં આવી છે. મોકલનારએ દાવો કર્યો કે’આને હળવાશથી ન લો. જો સલમાન ખાને જીવિત રહેવું હોય અને લોરેન્સ બિશ્નોઈ સાથેની દુશ્મની ખતમ કરવી હોય તો તેણે 5 કરોડ રૂપિયા ચૂકવવા પડશે. જો પૈસા નહીં આપવામાં આવે તો સલમાન ખાનની હાલત બાબા સિદ્દીકી કરતા પણ ખરાબ થશે. મુંબઈ પોલીસે આ અંગે તપાસ શરૂ કરી છે.
શું સલમાન ખાનની હત્યા કરવાની યોજના છે?
આ પહેલા મુંબઈ પોલીસે સલમાન ખાનની હત્યાનું કાવતરું ઘડવા બદલ એક આરોપીની ધરપકડ કરી હતી. બુધવારે એક પોલીસ અધિકારીએ જણાવ્યું કે, હરિયાણાના પાણીપતથી એક આરોપીની ધરપકડ કરવામાં આવી છે. તે બિશ્નોઈ ગેંગનો શાર્પ શૂટર હોવાનું કહેવાય છે, જેની ઓળખ સુખા નામથી થઈ રહી છે. એવું પણ કહેવામાં આવી રહ્યું છે કે તેણે સલમાન ખાનના ફાર્મ હાઉસની રેકી પણ કરી હતી. ધરપકડ બાદ તેને નવી મુંબઈ લાવવામાં આવ્યો છે.
સલમાન ખાનના ઘરે ફાયરિંગ કરવામાં આવ્યું હતું
આ વર્ષની શરૂઆતમાં સલમાન ખાનના ઘરે ફાયરિંગનો મામલો સામે આવ્યો હતો. સલમાન ખાનને 2018થી લોરેન્સ બિશ્નોઈ તરફથી સતત ધમકીઓ મળી રહી છે. આ દરમિયાન તેની હત્યાના અનેક પ્રયાસો કરવામાં આવ્યા અને ઘણી ધરપકડ પણ કરવામાં આવી. કાળા હરણના શિકારના કારણે બિશ્નોઈ ગેંગ સલમાનની પાછળ છે. તેનું કહેવું છે કે જો અભિનેતા જોધપુરમાં તેના કોઈ મંદિરમાં જઈને માફી માંગે તો તે તેને છોડી દેશે.
