Sanjay Dutt Birthday | મુવીઝ સિવાય પણ ઘણા વ્યવસાયમાં કર્યું રોકાણ, દુબઇ, મુંબઈમાં આલીશાન ઘર, અહીં સંજય દત્તની લક્ઝરી લાઈફ પર એક નજર

Sanjay Dutt Carrer Highlights | સંજય દત્ત (Sanjay Dutt) હિન્દી ફિલ્મ ઇન્ડસ્ટ્રીના સૌથી જાણીતા ચહેરાઓમાંના એક છે અને તેમણે 44 વર્ષના ફિલ્મોના કરિયરમાં અનેક ઉતાર-ચઢાવ જોયા છે. સુપ્રસિદ્ધ અભિનેતા સુનીલ દત્ત અને નરગીસના પુત્ર હોવાને કારણે વર્ષ 1981માં જ્યારે તેણે રોકી ફિલ્મ કરિયરની શરૂઆત કરી ત્યારે બધાની નજર સંજય પર હતી. ત્યારથી, સંજયે ઘણી પ્રતિષ્ઠિત ફિલ્મો આપી છે.

વાસ્તવ, કાંટે, ખલ નાયક, મુન્ના ભાઈ MBBS સિરીઝ વગેરે, પરંતુ ફિલ્મો તેની આવકનો એકમાત્ર સ્ત્રોત નથી. અભિનેતાએ અનેક પ્રોફેશનમાં રોકાણ કર્યું છે અને મુંબઈ અને દુબઈમાં મિલકતો પણ ધરાવે છે. અહીં તેની કુલ સંપત્તિ અને તેની લાઇફસ્ટાઇલ પર એક નજર,

પાલી હિલમાં સંજય દત્ત 40 કરોડ રૂપિયાનું ભવ્ય ઘર

સંજય દત્ત મુંબઈના પોશ વિસ્તારમાં પાલી હિલ, બાંદ્રામાં એક કિંમતી ઘર ધરાવે છે. તે શાહરૂખ ખાન, સલમાન ખાન , સૈફ અલી ખાન , કરીના કપૂર , રેખા, ફરહાન અખ્તર અને ઘણા બધા બોલીવુડના દિગ્ગજોના પાડોશી છે. ઈમ્પીરીયલ હાઇટ્સ જ્યાં સંજય તેની પત્ની માન્યતા અને તેના જોડિયા બાળકો, શહરાન અને ઈકરા સાથે દુબઈ જતા પહેલા રહેતા હતા, તે જમીન પર બનાવવામાં આવી હતી જ્યાં તેના માતાપિતા સુનીલ અને નરગીસ નો અજંતા નામનો બંગલો હતો.

આ બંગલાને આખરે તોડી પાડીને એક બહુમાળી ઇમારત બનાવવામાં આવી છે. જેનું નામ ઇમ્પિરિયલ હાઇટ્સ હતું. સંજય દત્તની સાથે તેની બહેનો પ્રિયા અને નમ્રતા દત્ત પણ આ જ ઇમારતમાં ફ્લેટ ધરાવે છે. મીડિયા રિપોર્ટ મુજબ, સંજય દત્તના એપાર્ટમેન્ટની કિંમત આશરે 40 કરોડ રૂપિયા છે.

દુબઈમાં સંજય દત્તની હવેલી

સંજય દત્ત 2020 પહેલા દુબઈ શિફ્ટ થઈ ગયો હતો. અભિનેતાએ ખુલાસો કર્યો કે તેની પત્નીએ યુએઈમાં પોતાનો વ્યવસાય શરૂ કર્યા પછી અને તેના બાળકોને ત્યાં રહેવાનું ગમ્યું તે પછી તેઓ ત્યાં ગયા. તેમણે ટાઈમ્સ ઓફ ઈન્ડિયાને કહ્યું, “તેમને ત્યાં ખૂબ જ ગમે છે. તેમને તેમની શાળા અને તેની પ્રવૃત્તિઓ ગમે છે. મારી પત્નીનો બિઝનેસ ત્યાં સ્થાયી થયો છે. તેઓને ત્યાં મોકલવાનો કોઈ પ્લાન ન હતો.તે ફક્ત પોતાની મેળે થયું. માન્યતા દુબઈમાં પોતાનો બિઝનેસ કરી રહી હતી, તે સફળ થયો અને તે ગઈ, અને બાળકો તેની સાથે ગયા.” સંજય દત્ત ભારતમાં કામની પ્રતિબદ્ધતાઓ અને યુએઈમાં ફેમિલી લાઈફને સંતુલિત કરવા માટે મુંબઈ અને દુબઈ વચ્ચે ફરતા રહે છે.

દુબઈમાં આવેલી તેની હવેલીની ચોક્કસ કિંમત જાહેરમાં અવેલેબલ નથી, છતાં માન્યતા વારંવાર સોશિયલ મીડિયા પર તેના વૈભવી ઘરની ઝલક શેર કરે છે. પેઇન્ટિંગ્સ, વૈભવી ઝુમ્મર, ચામડાના સોફા, વિશાળ સફેદ રસોડું અને સ્વિમિંગ પૂલથી શણગારેલી આ મિલકત તેની વૈશ્વિક લાઇફસ્ટાઇલને પ્રતિબિંબિત કરે છે.

ભારત અને દુબઈમાં સંજય દત્તનો બિઝનેસ

સંજય દત્તે ફિલ્મોથી આગળ વધીને અનેક પ્રોફેશનમાં રોકાણ કર્યું છે. તેણે 2023 લંકા પ્રીમિયર લીગમાં ભાગ લેનારી ફ્રેન્ચાઇઝી ક્રિકેટ ટીમ બી-લવ કેન્ડીના સહ-માલિક છે. GQ અનુસાર, તેમણે સ્ટાર્ટઅપ ડોનટાઉનમાં 4 કરોડ રૂપિયાનું રોકાણ કર્યું હતું, જે એક સ્નીકર્સ અને સ્ટ્રીટવેર રિટેલર છે. તે સાયબર મીડિયા ઇન્ડિયામાં પણ હિસ્સો ધરાવે છે. તાજેતરમાં તેણે પોતાની સ્કોચ વ્હિસ્કી બ્રાન્ડ, ધ ગ્લેનવોક લોન્ચ કરવા માટે આલ્કોહોલ પ્રોડક્ટ કાર્ટેલ એન્ડ બ્રોસ સાથે ભાગીદારી કરી હતી.

પોતાના બિઝનેસ રોકાણો ઉપરાંત, સંજય દત્ત બે પ્રોડક્શન હાઉસ ધરાવે છે, સંજય દત્ત પ્રોડક્શન્સ અને થ્રી ડાયમેન્શન મોશન પિક્ચર્સ. તેના બેનર દ્વારા તાજેતરમાં મલ્ટી-સ્ટારર ફિલ્મ ભૂતનીનું સમર્થન કરવામાં આવ્યું હતું. જોકે તેની અભિનય કારકિર્દીથી વિપરીત, દત્તને નિર્માતા તરીકે વધુ સફળતા મળી નથી, અને તેના મોટાભાગના પ્રોજેક્ટ્સ બોક્સ ઓફિસ પર નિષ્ફળ ગયા છે. ગયા વર્ષે ડિસેમ્બરમાં, સંજય દત્તે દુબઈમાં દત્તની ફ્રેન્કટીઆના લોન્ચ સાથે ક્લિનરી એરેનામાં પ્રવેશ કર્યો હતો, જે એક ઓનલાઈન ચા અને સ્ટ્રીટ ફૂડ બ્રાન્ડ છે.

સંજય દત્ત લક્ઝરી કાર

ખલ નાયક સ્ટાર લક્ઝરી ઓટોમોબાઈલમાં તેના શોખ માટે જાણીતા છે. રિપોર્ટ અનુસાર, તેના કલેક્શનમાં બજારમાં ઉપલબ્ધ કેટલીક સૌથી પ્રીમિયમ કારનો સમાવેશ થાય છે, રોલ્સ-રોયસ ઘોસ્ટ (₹ 6.95–7.95 કરોડ), લેન્ડ રોવર રેન્જ રોવર ઓટોબાયોગ્રાફી (₹ 2.99 કરોડ), ઓડી R8 (₹ 2.72 કરોડ), ફેરારી 599 GTB (₹ 1.3 કરોડ), અને ઓડી Q7 (₹ 99.81 લાખ). તેમની પાસે હાર્લી-ડેવિડસન ફેટ બોય (₹ 25.68 લાખ) અને ડુકાટી મલ્ટીસ્ટ્રાડા (₹ 21.48–31.48 લાખ) જેવી હાઇ-એન્ડ મોટરસાઇકલ પણ છે.

સંજય દત્ત નેટ વર્થ

ફાઇનાન્શિયલ એક્સપ્રેસ અનુસાર સંજય દત્તની કુલ સંપત્તિ આશરે 295 કરોડ રૂપિયા હોવાનો અંદાજ છે, જેમાં તેના સફળ અભિનય કરિયરનો મુખ્ય ફાળો છે.