Suhana Khan : શાહરુખ ખાનની પુત્રી સુહાના ખાન ખેતી કરશે! પોતાને ખેડૂત ગણાવી દોઢ એકર જમીન ખરીદી, કિંમત જાણીને દંગ રહી જશો

શાહરૂખ ખાનની લાડલી દીકરી સુહાના ખાન થોડા સમયથી સતત ચર્ચામાં છે. સુહાના ખાન ટૂંક સમયમાં ઝોયા અખ્તરની ફિલ્મ 'ધ આર્ચીઝ' દ્વારા બોલિવૂડમાં પર્દાપર્ણ કરવા જઇ રહી છે. આ સિવાય સુહાના ખાન આંતરરાષ્ટ્રીય ફેમસ કોસ્મેટિક કંપની મેબલીનની બ્રાન્ડ એમ્બેસેડર પણ છે. આ વચ્ચે હાલમાં સુહાના ખાને બધાને દંગ કરી દીધા છે. પ્રાપ્ત વિગત અનુસાર, સુહાના ખાને ખેતી માટે જમીન ખરીદી છે. એટલું જ નહીં તેણે પોતાને ખેડૂત પણ ગણાવી છે. જેની કિંમત સાંભળીને ખરેખર તમારા હોશ ઉડી જશે.

મળતી માહિતી અનુસાર, હાલમાં જ સુહાના ખાને ખેતી માટે દોઢ એકર જમીન રૂપિયા 12.91 કરોડ રૂપિયામાં ખરીદી છે. આ ડીલ 1 જૂનના રોજ પાક્કી કરાઇ હતી. સુહાના ખાને જમીન માટે 77 લાખ 46 હજાર રૂપિયાની સ્ટેમ્પ ડ્યૂટી પણ જમા કરી છે. સુહાના ખાને આ જમીન ત્રણ બહેન અંજલિ, રેખા અને પ્રિયા પાસેથી ખરીદી છે. સુહાના ખાને આ જમીન મહારાષ્ટ્રના ગોવા તરીકે ઓળખાતા અલીબાગમાં ખરીદી છે. જ્યાં શાહરૂખ પાસે પહેલાથી જ પ્રોપર્ટી છે. જો હિંદુસ્તાનના અહેવાલ પર વિશ્વાસ કરીએ તો સુહાના ખાને દસ્તાવેજમાં પોતાને કિસાન દેખાડી છે.

આ પણ વાંચો: Bawaal Premiere: એફિલ ટાવર પર વરૂણ ધવન અને જાહ્નવી કપૂરની આગામી ફિલ્મ બવાલનું પ્રીમિયર થશે, આવું કરનારી પહેલી ભારતીય ફિલ્મ

સુહાના ખાનની બોલિવૂડ ડેબ્યૂ ફિલ્મ ધ આર્ચીઝ નેટફ્લિક્સ પર રિલીઝ થવાની છે. ત્યારે થોડા દિવસ પહેલાં જ આ ફિલ્મનું પોસ્ટર રિલીઝ કરવામાં આવ્યું હતું. જેમાં સુહાના ખાનનો એકદમ અલગ અંદાજ જોવા મળ્યો હતો. તેમજ આ ફિલ્મમાં તમામ કલાકાર એકદમ યંગ અને નવા છે. ત્યારે દર્શકોને આ ફિલ્મ અવશ્ય પસંદ આવશે. આપને જણાવી દઇએ કે, ધ આર્ચીઝમાં સુહાના ખાન સાથે શ્રદેવીની પુત્રી ખુશી કપૂર પણ છે. ત્યારે ફેન્સ આ ફિલ્મની આતુરતાથી રાહ જોઇ રહ્યા છે. જો કે હજુ સુધી આ ધ આર્ચીઝની રિલીઝ ડેટ જાહેર કરવામાં આવી નથી. પરંતુ ફિલ્મનું ટ્રેલર રિલીઝ કરી દેવામાં આવ્યું છે.