scorecardresearch

શાહરૂખ ખાને આર્યનની બ્રાન્ડના કપડાની ઉંચી કિંમતો પર આપી પ્રતિક્રિયા, કહ્યું, મને પણ…

Shah Rukh Khan: શાહરૂખ ખાને તેની આગામી ફિલ્મ જવાનની નવી રિલીઝ તારીખની જાહેરાત કર્યા પછી તરત જ ટ્વિટર પર #AskSRK સત્રનું આયોજન કર્યું હતું. સત્ર દરમિયાન એક ચાહકે આર્યન ખાનના કપડાંની બ્રાન્ડ (Aryan khan Brand) ની ઊંચી કિંમતો અંગે સવાલ કર્યો હતો.

shah rukh khan latest news
બોલિવૂડ અભિનેતા શાહરૂખ ખાન અને આર્યન ફાઇલ તસવીર

બોલિવૂડના બાદશાહ શાહરૂખ ખાનનો પુત્ર આર્યન ખાન હાલ ખુબ ચર્ચામાં છે. આર્યન ખાને 30 એપ્રિલ રવિવારના રોજ પોતાની કલોથિંગ બ્રાન્ડ લોન્ચ કરી છે. આ બ્રાન્ડના કપડાની કિંમત જાણીને તમારા હોશ ઉડી જશે. કારણ કે, 24,000 રૂપિયાથી તો માત્ર ટીશર્ટની કિંમત શરૂ થાય છે. એટલું જ નહીં, અહીં 2 લાખથી વધુની કિંમતના જેકેટ પણ મળે છે, પરંતુ આ કિંમતના કારણે લોકો ભારે ટીકા કરી રહ્યા છે. મહત્વનું છે કે, સામાન્ય લોકો તો આ કપડા ખરીદી જ ના શકે અથવા તો ખરીદતા પહેલા 100 વાર વિચાર કરવો પડે. તેવામાં શાહરૂખ ખાનની પ્રતિક્રિયા સામે આવી છે.

શાહરૂખ ખાને તેની આગામી ફિલ્મ જવાનની નવી રિલીઝ તારીખની જાહેરાત કર્યા પછી તરત જ ટ્વિટર પર #AskSRK સત્રનું આયોજન કર્યું હતું. સત્ર દરમિયાન એક ચાહકે આર્યન ખાનના કપડાંની બ્રાન્ડની ઊંચી કિંમતો દર્શાવી પૂછ્યું, “મૈં હંસ્ક યે દ્યાવૂલ એક્સ કે જેકેટ થોડા સા 1000-2000 વાલે ભી બના દો….કારણ કે એ મોંધા જેકેટ ખરીદીશ તો છત જતી રહેશે #AskSRK (sic).” આ સવાલના જવાબમાં શાહરૂખ ખાને પ્રતિક્રિયા આપી કે, તેને પણ તેના પુત્ર તરફથી કોઇ છૂટ મળતી નથી.

આ સિવાય શાહરૂખ ખાને ASKSRK સેશનમાં અન્ય ઘણા વિષયો પર વાત કરી હતી. જેમાં એક ચાહકે તેને આગામી ફિલ્મ જવાનમાં તેના નાના પુત્ર અબરામના લૂક અંગે સવાલ કર્યો હતો. આ સવાલના જવાબમાં શાહરૂખે કહ્યું, “અબરામને લાગે છે કે હું મમ્મી જેવો દેખાઉં છું!”

નોંધનીય છે કે, શાહરૂખ ખાનની આગામી ફિલ્મ જવાન 2 જૂને રિલીઝ થવાની હતી. આ પછી, ફિલ્મની રિલીઝ ડેટ 29 જૂન નક્કી કરવામાં આવી હતી. પરંતુ નવા ટીઝર મુજબ ફિલ્મની રિલીઝ ડેટ 4 મહિના માટે આગળ વધારી દેવામાં આવી છે. હવે આ ફિલ્મ 7 સપ્ટેમ્બરે શ્રી કૃષ્ણ જન્માષ્ટમીના દિવસે રિલીઝ થશે. આ ફિલ્મને લઈને ઘણા સમયથી ચર્ચા ચાલી રહી છે. આવી સ્થિતિમાં, જ્યારે ફિલ્મમાંથી શાહરૂખનો લુક શેર કરવામાં આવ્યો, ત્યારે ચાહકોને આશા હતી કે તેમાં શાહરૂખનો ચહેરો જોવા મળશે. પરંતુ આવું ન થયું. માત્ર શાહરૂખનો પડછાયો જ દેખાતો હતો.

આ પણ વાંચો: જ્યારે અમિતાભ બચ્ચન પાસેથી બોસ્ટનમાં પૈસા, પાસપોર્ટ છીનવી લેવાયા હતા ત્યારે…

હવે આર્યન ખાનના પ્રથમ પ્રોજેક્ટની વાત કરીએ તો રિપોર્ટ અનુસાર, વેબ-સિરીઝમાં છ એપિસોડ હશે અને તેનુ નામ સ્ટારડમ રાખવામાં આવ્યુ છે. આર્યને બિલાલ સાથે સિરીઝનું સહ-લેખન કર્યુ છે. આ સિરીઝને લઈને વધુ અપડેટની રાહ જોવાઈ રહી છે. હાલ તો આર્યનના આ પ્રોજેક્ટની જાહેરાતે ચાહકોનો ઉત્સાહ વધાર્યો છે કે આખરે આમાં ખાસ શુ હશે.

Web Title: Shah rukh khan react aryan brand clothes high price asksrk

Best of Express