O Romeo Poster: શાહિદ કપૂર 'ઓ રોમિયો' ફિલ્મ ફર્સ્ટ લૂક સામે આવ્યું, લોહીથી લથબથ ચહેરો... આવતીકાલે રિલીઝ થશે ટ્રેલર

Shahid Kapoor's O Romeo First Poster OUT: બોલીવુડ એક્ટર શાહિદ કપૂરની અપકમિંગ મૂવી 'ઓ રોમિયો' નો ફર્સ્ટ લુક સામે આવ્યો છે. શુક્રવાર,9 જાન્યુઆરી, 2026 ના રોજ, નિર્માતાઓએ અપકમિંગ મૂવીનું ફિલ્મનું પોસ્ટર રિલીઝ કર્યું હતું, જેને શાહિદ કપૂરે પણ પોતાના સોશ્યલ મિડિયા હેન્ડલ પર શૅર કર્યું હતું અને કહ્યું હતું કે તેનું ટ્રેલર આવતીકાલે એટલે કે 10 જાન્યુઆરીએ આવવાનું છે. આ સાથે જ ફિલ્મની રિલીઝ તારીખ પણ જાહેર કરી છે.

ઓ રોમિયો ફિલ્મ ક્યારે રિલીઝ થશે?

પોસ્ટર શેર કરતા શાહિદ કપૂરે કેપ્શનમાં લખ્યું, "રોમિયો ઓ રોમિયો તમે ક્યાં છો ઓ'રોમિયો!" #ORomeo દુનિયાની એક ઝલક જોઇ લો. (Romeo O Romeo where art thou O’ROMEO!” #ORomeo)  આવતીકાલે રિલીઝ થશે! સાજિદ નડિયાદવાલા પ્રસ્તુત કરે છે, વિશાલ આર ભારદ્વાજની ફિલ્મ 13 ફેબ્રુઆરી 2026 ના રોજ થિયેટરોમાં રિલીઝ થઈ રહી છે. ”

ઓ રોમિયો ફિલ્મના ફર્સ્ટ લુક પોસ્ટરમાં શાહિદ કપૂર મોઢું ખુલ્લું રાખીને ચીસો પાડતો જોવા મળી રહ્યો છે. તેનો ચહેરો, ગરદન અને હાથ લોહીથી લથબથ છે. તેણે ડાર્ક રંગનો શર્ટ પહેર્યો છે જેમાં કેટલાક બટન ખુલ્લા છે, તેમજ બેલ્ટ, રિંગ્સ, બ્રેસલેટ અને ચેઇન તેના ગળામાં છે, જે તેના લુકને બહુ જ ભયંકર બનાવે છે.

ઓ રોમિયો' શાહિદ કપૂર અને વિશાલ ભારદ્વાજની સાથે મળીને ચોથી ફિલ્મ છે. પિંકવિલાની નજીકના સૂત્રોએ આપેલી માહિતી મુજબ આ ફિલ્મમાં અભિનેતાના આખા શરીર પર ટેટૂ છે, જે કહાણી માટે પણ ખૂબ જ મહત્ત્વના છે.

View this post on Instagram

તમને જણાવી દઈએ કે ઓ રોમિયો પ્રેમ, જુસ્સો, ગુસ્સો અને વિશ્વાસઘાત જેવા વિષયો પર આધારિત છે. જેમાં શાહિદ સાથે મુખ્ય અભિનેત્રી તરીકે તૃપ્તિ ડિમરી છે.

શાહિદ કપૂર આ ફિલ્મમાં પણ જોવા મળશે

2012માં આવેલી ફિલ્મ 'કોકટેલ'ના બીજા પાર્ટ્સ વિશે પણ સમાચાર આવ્યા છે કે આ ફિલ્મની સિક્વલ આવવાની છે. શાહિદ કપૂર તેમાં જોવા મળવાનો છે અને તેની લાંબી સમય રાહ જોવી પડશે નહીં. અહેવાલો અનુસાર, આ ફિલ્મ સપ્ટેમ્બર 2026 માં રિલીઝ થવાની છે.