ભારત પાકિસ્તાન યુદ્ધ જેવી પરિસ્થિતિ વચ્ચે શ્રેયા ઘોષાલએ શો મુલતવી રાખ્યો

પહેલગામ હુમલા (Pahalgam attack) ના જવાબમાં, ભારતે ઓપરેશન સિંદૂર (Operation Sindoor) દ્વારા આતંકવાદીઓ સામે બદલો લીધો. ત્યારથી પાકિસ્તાન ગભરાટની સ્થિતિમાં છે અને ભારતીય સેના તેમના તમામ લશ્કરી સાધનોનો નાશ કરી રહી છે. આ તણાવને ધ્યાનમાં રાખીને, ઘણી મોટી ઘટનાઓ મુલતવી રાખવામાં આવી રહી છે. હવે પ્રખ્યાત ગાયિકા શ્રેયા ઘોષાલે (Shreya Ghoshal) પણ પોતાનો મ્યુઝિક કોન્સર્ટ મુલતવી રાખ્યો છે, જેની માહિતી તેણે પોતાના સોશિયલ મીડિયા પર આપી છે. આ સાથે, ગાયકે લોકોને એકતામાં રહેવાની અપીલ કરી છે.

શ્રેયા ઘોષાલે શો મુલતવી રાખ્યો (Shreya Ghoshal Postpones Show)

ગાયિકા શ્રેયા ઘોષાલે તેના ઇન્સ્ટાગ્રામ એકાઉન્ટ પર એક નોટ શેર કરી છે. તેમાં તેમણે તેના ચાહકોને લખ્યું કે ભારે હૃદયથી કહેવું પડે છે કે 10 મેના રોજ મુંબઈમાં યોજાવાનો કોન્સર્ટ મુલતવી રાખવામાં આવ્યો છે. તમને જણાવી દઈએ કે આ શો જિયો વર્લ્ડ ગાર્ડન, બીકેસી, મુંબઈ ખાતે યોજાવાનો હતો, જે ઓલ હાર્ટ્સ ટૂરનો એક ભાગ હતો.

શો ક્યારે યોજાશે?

શ્રેયા ઘોષાલના શો વિશે વધુ વાત કરતાં, સિંગરે લખ્યું, હું વચન આપું છું કે તે રદ કરવામાં આવશે નહીં, ફક્ત મુલતવી રાખવામાં આવ્યો છે. આપણે ટૂંક સમયમાં ફરી મળીશું, પહેલા કરતાં વધુ મજબૂત અને એક થઈને. નવી તારીખ ટૂંક સમયમાં જાહેર કરવામાં આવશે, અને ખરીદેલી બધી ટિકિટો આગામી કોન્સર્ટ માટે માન્ય રહેશે.

આ પણ વાંચો: Operation Sindoor Movie : ઓપરેશન સિંદૂર પર ફિલ્મ બનશે, ભારત પાકિસ્તાન તણાવ વચ્ચે મૂવીનું પહેલું પોસ્ટિર રિલિઝ

શ્રેયા ઘોષાલે શું અપીલ કરી?

શ્રેયા ઘોષાલે ભારત-પાકિસ્તાન તણાવ અંગે મેસેજ આપ્યો હતો. તેણે કહ્યું, 'આ કોન્સર્ટ મારા માટે દુનિયા છે અને હું તમારા બધા સાથે એક અદ્ભુત સાંજ શેર કરવા માટે આતુર હતી.' પરંતુ એક કલાકાર અને નાગરિક તરીકે, આ સમય દરમિયાન રાષ્ટ્ર સાથે એકતામાં ઊભા રહેવાની મને ઊંડી જવાબદારી લાગે છે. આ સાથે તેણે કહ્યું, 'કૃપા કરીને સુરક્ષિત રહો અને એકબીજાની સંભાળ રાખો.'