Sitaare Zameen Par | આમિર ખાન એ આપી સિતારે જમીન મુવી પર અપડેટ, આ દિવસે થશે રિલીઝ

Sitaare Zameen Par | આમિર ખાન (Aamir Khan) આ દિવસોમાં તેની બહુપ્રતિક્ષિત ફિલ્મ સિતારે જમી પર (Sitaare Zameen Par) માટે ચર્ચામાં છે. આ ફિલ્મ આ વર્ષે રિલીઝ થવા જઈ રહી છે. હવે આમિર ખાને પોતે તેની રિલીઝ વિશે એક રોમાંચક અપડેટ શેર કરી છે. ગઈ કાલે પ્રજાસત્તાક દિવસ (Republic Day) ની ઉજવણી કરતી વખતે આમિર ખાને ફિલ્મની રિલીઝ ડેટનો સંકેત આપ્યો હતો.

આમિર ખાન (Aamir Khan) રવિવારે ગુજરાતમાં સ્ટેચ્યુ ઓફ યુનિટી ખાતે પ્રજાસત્તાક દિવસ (Republic Day) ની ઉજવણીમાં હાજર રહેલા અભિનેતા તેના આગામી પ્રોજેક્ટ વિશે માહિતી શેર કરી હતી.

સિતારે જમીન પર મુવી (Sitaare Zameen Par Movie)

તેણે જણાવ્યું કે તેની આગામી ફિલ્મ 'સિતારે જમીન પર'નું ક્લાઈમેક્સ ગુજરાતના વડોદરામાં શૂટ કરવામાં આવ્યું છે. તે તારે જમીન પરની સિક્વલ છે. આમિર ખાને એ પણ ખુલાસો કર્યો હતો કે આ ફિલ્મ જે મૂળ રીતે ગયા વર્ષે રિલીઝ થવાની હતી, તે હવે ક્રિસમસ 2025 પર રિલીઝ થવાની સંભાવના છે. 'સિતારે જમીન પર' 2024 માં રિલીઝ થવાની હતી, પોસ્ટ-પ્રોડક્શન કામ બાકી હોવાને કારણે તેને મોકૂફ રાખવી પડી હતી. હવે તે ક્રિસમસ પર રિલીઝ થઇ શકે છે.

આ પણ વાંચો: Republic Day | પ્રજાસત્તાક દિવસ પર બોક્સ ઓફિસ પર સૌથી વધુ કમાણી છેલ્લા 10 વર્ષમાં કઈ ફિલ્મે કરી? જુઓ લિસ્ટ

સિતારે જમીન પર કાસ્ટ (Sitaare Zameen Par Cast)

આમિર ખાન સિતારે જમીન પર માટે અભિનેતા દર્શિલ સફારી સાથે ફરી જોડાઈ રહ્યો છે. દર્શીલે તારે જમીન પર પણ મુખ્ય ભૂમિકા ભજવી હતી. આ ફિલ્મનું દિગ્દર્શન શુભ મંગલ સાવધાન ફેમ આર.એસ. પ્રસન્ના દ્વારા કરવામાં આવ્યું છે અને તે સ્પેનિશ ફિલ્મ કેમ્પિયોન્સ (2018)નું ભારતીય અનુકૂલન છે.

રિપોર્ટમાં દાવો કરવામાં આવ્યો છે કે આમિર ફિલ્મ શેપથી ખુશ છે અને તેને દર્શકો સમક્ષ લાવવા માટે ઉત્સાહિત છે. જો કે, પોસ્ટ-પ્રોડક્શનને આમિર જે હાંસલ કરવા માંગે છે તે હાંસલ કરવા માટે થોડો વધુ સમય લેશે.