Prabhas | સાઉથ એક્ટર પ્રભાસ (Prabhas) આ દિવસોમાં તેની ઘણી ફિલ્મોને કારણે ચર્ચામાં છે, જેમાં ‘ધ રાજા સાબ’ ઉપરાંત, પ્રશાંત વર્માની આગામી ફિલ્મનું નામ પણ સામેલ છે. આ ફિલ્મનું નામ ‘બકા’ રાખવામાં આવી શકે છે. પ્રભાસ મુવી કલ્કિ 2898 એડીમાં તેણે ભૈરવાનો રોલ કર્યો હતો જેમાં તેની એકટિંગ શાનદાર હતી.
પ્રભાસની આગામી ફિલ્મ (Prabhas Upcoming Movie)
તેલુગુ ન્યુઝ રિપોર્ટ અનુસાર, પ્રભાસ દિગ્દર્શક પ્રશાંત વર્મા સાથે એક ફિલ્મ બનાવવાની યોજના બનાવી રહ્યો છે જે ‘બકાસુર’ ની જૂની વાર્તા પર આધારિત હશે. પ્રશાંત વર્મા અને પ્રભાસની આ ફિલ્મનું નામ ‘બકા’ હોઈ શકે છે.
પ્રભાસ નો લુક ટેસ્ટના અને એક જાહેરાત વિડિઓના તાજેતરમાં પ્રશાંત વર્માની આગામી ફિલ્મ માટે હૈદરાબાદમાં શૂટ કરવામાં આવ્યો હતો. આ ફિલ્મની સત્તાવાર જાહેરાત આવતા મહિને થઈ શકે છે. ‘મિસ્ટર બચ્ચન’ અભિનેત્રી ભાગ્યશ્રી બોરસે આ ફિલ્મમાં મુખ્ય નાયિકા બની શકે છે. ઉપરાંત, એવું પણ કહેવામાં આવી રહ્યું છે કે પ્રભાસ આ ફિલ્મમાં એક અલગ પ્રકારનું પાત્ર ભજવશે, જે થોડું નકારાત્મક હશે.
આ પણ વાંચો: ગુજ્જુ ગર્લ જાનકી બોડીવાલાનો બોલિવૂડમાં વાગ્યો ડંકો, શાહરૂખ ખાનના હાથે મળ્યો IIFA એવોર્ડ
મીડિયા રિપોર્ટ્સ અનુસાર, રણવીર સિંહ પહેલા હનુમાનના દિગ્દર્શક પ્રશાંત વર્મા સાથે આ પ્રોજેક્ટ પર કામ કરી રહ્યા હતા. તેમનો એક જાહેરાતનો વીડિયો પણ શૂટ કરવામાં આવ્યો હતો, પરંતુ કોઈને ખબર નથી કે અચાનક એવું શું થયું કે રણવીરે આ ફિલ્મ છોડી દીધી. રણવીર બાદ હવે પ્રભાસને આ ફિલ્મ માટે ફાઇનલ કરવામાં આવ્યો છે.
પ્રભાસ મુવીઝ (Prabhas Movies)
પ્રભાસ ‘ધ રાજા સાબ’ અને હનુ રાઘવપુડીની ફિલ્મના શૂટિંગમાં વ્યસ્ત છે. આ યાદીમાં તેમની પાસે ‘સ્પિરિટ’, ‘કલ્કી 2’ અને ‘સલાર 2’ જેવી મોટી ફિલ્મો પણ છે. આમાંથી, ‘ધ રાજા સાબ’, જે મારુતિ દ્વારા દિગ્દર્શિત એક રોમેન્ટિક હોરર ફિલ્મ છે, તે આ બધી ફિલ્મોમાં રિલીઝ થનારી પહેલી ફિલ્મ હશે.
