શ્રીદેવીનું મોત કેવી રીતે થયું હતું? પાંચ વર્ષ પછી ઉઠ્યો પડદો, જાણો શું થયું હતું?

Sridevi : હિન્દી સિનેમાની પ્રથમ સુપરસ્ટાર અને ચાંદની શ્રીદેવીનું મૃત્યુ એક રહસ્ય છે. આ રહસ્ય પરથી હવે 5 વર્ષ પછી ખુદ ફિલ્મમેકર અને શ્રીદેવીના પતિ બોની કપૂરે પડદો ઉઠાવ્યો છે. બોની કપૂરે શ્રીદેવીના નિધનનું કારણ જાહેર કર્યું છે. તેમણે કહ્યું કે, અભિનેત્રીનું મૃત્યુ કુદરતી નહોતું.

ફિલ્મ નિર્માતા બોની કપૂર, જેમણે છેલ્લા 5 વર્ષથી તેમની પત્ની અને અભિનેત્રી શ્રીદેવીના મૃત્યુ પર મૌન રાખ્યું હતું. હવે તેમણે પહેલીવાર આ મુદ્દે ખુલીને વાત કરી છે. ધ ન્યૂ ઈન્ડિયનને આપેલા ઈન્ટરવ્યુમાં ફિલ્મ નિર્માતાએ કહ્યું, 'તે કુદરતી મૃત્યુ નહોતું. તે આકસ્મિક મૃત્યુ હતું. મેં આ વિશે વાત ન કરવાનો નિર્ણય લીધો હતો કારણ કે જ્યારે મારી તપાસ અને પૂછપરછ કરવામાં આવી રહી હતી ત્યારે મેં લગભગ 24 કે 48 કલાક સુધી આ વિશે વાત કરી હતી.'

આ સાથે બોની કપૂરે કહ્યું કે, 'અધિકારીઓએ કહ્યું કે તેઓએ આ કરવું પડ્યું કારણ કે ભારતીય મીડિયાનું ઘણું દબાણ હતું અને તેમને જાણવા મળ્યું કે તેમાં કોઈ બેઇમાની ન હતી. હું તમામ પરીક્ષણોથી પસાર થયો, જેમાં લાઇવ ડિટેક્ટક ટેસ્ટ અને અન્ય તમામ બાબતોનો સમાવેશ થાય છે અને પછી નિ:સંદેહ, જે રિપોર્ટ આવ્યો તે સ્પષ્ટપણે કહે છે કે તે આકસ્મિક હતું'.

આ પણ વાંચો : શાહરૂખ ખાનની ‘જવાન’ 25માં દિવસે 600 કરોડના ક્લબમાં સામેલ, કિંગ ખાનની ન્યૂ મુવી ‘ડંકી’ આ ફિલ્મનો રેકોર્ડ તોડશે?

વધુમાં બોની કપૂરે જણાવ્યું કે, મૃત્યુ સમયે પણ શ્રીદેવી ડાયટ પર હતી અને કહ્યું કે, 'તે ઘણીવાર ભૂખી રહેતી હતી. તે સારી દેખાવા માંગતી હતી. તે ખાતરી કરવા માંગતી હતી કે તે સારી સ્થિતિમાં છે જેથી તે સ્ક્રીન પર સારી દેખાય. જ્યારથી તેણીએ મારી સાથે લગ્ન કર્યા છે ત્યારથી તેણીને કેટલાક પ્રસંગોએ બ્લેકઆઉટની સમસ્યા હતી અને ડોકટરો કહેતા રહ્યા કે તેણીને લો બ્લડ પ્રેશરની સમસ્યા છે.'

આ ઉપરાંત બોની કપૂરે કહ્યું કે, નાગાર્જુને આવી જ એક ઘટના વિશે વાત કરી હતી જ્યારે શ્રીદેવી શૂટ દરમિયાન બાથરૂમમાં બેહોશ થઈ ગઈ હતી. તેમણે કહ્યું, 'તે દુર્ભાગ્યપૂર્ણ હતું. બાદમાં જ્યારે તેમનું નિધન થયું હતું. નાગાર્જુન શોક વ્યક્ત કરવા ઘરે આવ્યા અને મને કહ્યું કે તેની એક ફિલ્મ દરમિયાન તે ફરીથી ક્રેશ ડાયટ પર હતી અને આ રીતે તે બાથરૂમમાં પડી ગઈ અને તેના દાંત તૂટી ગયા હતા.

આ પણ વાંચો : Gandhi Jayanti 2023 | ગાંધી જયંતિ : મહાત્મા ગાંધી પર બનેલી આ પાંચ ફિલ્મ છે રોમાચિંત, એક્ટરોને શાનદાર એક્ટિંગ માટે એવોર્ડ એનાયત

ફિલ્મ નિર્માતાએ વધુમાં જણાવ્યું હતું કે, 'લગ્ન પછી તેને કડક ડાયટ ફોલો કરવાની તેની આદત વિશે ખબર પડી. તેથી તે તેના ડૉક્ટરને વિનંતી કરતો હતો કે તેને થોડું મીઠું ઉમેરવાની સલાહ આપે. તેણીએ કહ્યું કે રાત્રિભોજન દરમિયાન પણ તે મીઠું રહિત ખોરાક ખાવાની વિનંતી કરતી હતી. તેમણે આગળ કહ્યું, 'દુર્ભાગ્યવશ અભિનેત્રીએ તેને ગંભીરતાથી ન લીધું અને એવું પણ ન વિચાર્યું કે આ ઘટના આટલી ગંભીર હોઈ શકે છે.'