Taapsee Pannu Birthday Special : તાપસી પન્નુ (Taapsee Pannu) હાલમાં બોલિવૂડની સૌથી પ્રતિભાશાળી અભિનેત્રીઓમાંની એક છે. તે તેની અદભુત એકટિંગ માટે જાણીતી છે. એકટ્રેસે અમિતાભ બચ્ચન, શાહરૂખ ખાન, અક્ષય કુમાર અને બૉલીવુડ ઇન્ડસ્ટ્રીના કેટલાક મોટા સ્ટાર્સ સાથે સાથે સહયોગ પણ કર્યો છે. આજે, 1 ઓગસ્ટ 2024 ના રોજ તાપસીના 37માં જન્મદિવસ (Birthday) ના અવસર પર સેલિબ્રિટી બર્થ ડે સિરીઝમાં વાંચો તેની કેટલીક જાણી અજાણી વાતો
તાપસી પન્નુ મુવી કરિયર (Taapsee Pannu Movie Career)
તાપસી પન્નુ મુખ્યત્વે હિન્દી, તેલુગુ અને તમિલ ફિલ્મોમાં કામ કરે છે. તેને બે ફિલ્મફેર એવોર્ડ મળ્યા છે. શોર્ટ મોડલિંગ કરિયર બાદ પન્નુએ વર્ષ 2010ની તેલુગુ ફિલ્મ ઝુમ્મંડી નાદમથી અભિનયની શરૂઆત કરી હતી અને 2011ની તમિલ ફિલ્મ આદુકલમમાં અભિનય કર્યો હતો. તેણે ડેવિડ ધવનની કોમેડી ‘ચશ્મે બદ્દૂર’ (2013) થી હિન્દી ફિલ્મમાં પ્રવેશ કર્યો હતો. ઘણી તેલુગુ અને તમિલ ફિલ્મોમાં અગ્રણી મહિલાની ભૂમિકા ભજવ્યા બાદ, પન્નુએ હિન્દી જાસૂસ થ્રિલર બેબી (2015) અને કોર્ટરૂમ ડ્રામા પિંક (2016)માં તેના અભિનય માટે નોટિસ મેળવી હતી, જે બંને નિર્ણાયક અને કમર્શિયલ સક્સેસ હતી.
આ પણ વાંચો: Hina Khan: હેર શોર્ટ કર્યા બાદ હવે માથું મુંડાવ્યું, હીના ખાન ને ટોપીમાં જોઇ ચાહકોએ લૂંટાવ્યો પ્રેમ
પન્નુએ હિન્દી સિનેમામાં વોર ડ્રામા ધ ગાઝી એટેક (2017), સોશિયલ ડ્રામા મુલ્ક (2018), રોમેન્ટિક ડ્રામા મનમર્ઝિયાં (2018), થ્રિલર ફિલ્મ બદલા (2019), અને સ્પેસ ડ્રામા મિશન મંગલ (2019) જેવી ફિલ્મોમાં કામ કર્યું છે. બાયોપિક સાંદ કી આંખ (2019) માં સેપ્ટ્યુએજરેન શાર્પશૂટર પ્રકાશી તોમરની ભૂમિકા ભજવવા માટે શ્રેષ્ઠ અભિનેત્રીનો ફિલ્મફેર ક્રિટીક્સ એવોર્ડ જીત્યો હતો.
તાપસીએ અનુભવ સિન્હાના સોશિયલ ડ્રામા થપ્પડ (2020) માં છૂટાછેડામાંથી પસાર થઈ રહેલી ગૃહિણીની ભૂમિકા ભજવી હતી જેના માટે શ્રેષ્ઠ અભિનેત્રીનો ફિલ્મફેર પુરસ્કાર મેળવ્યો હતો. ત્યારથી તેણે હસીન દિલરૂબા (2021), રશ્મિ રોકેટ (2021), અને લૂપ લપેટા (2022) સ્ટ્રીમિંગ ફિલ્મોમાં અભિનય કર્યો છે, અને કોમેડી-ડ્રામા ડંકી (2023) તેની સૌથી વધુ કમાણી કરનાર રીલિઝ હતી.
તાપસી પન્નુ એજ્યુકેશન (Taapsee Pannu Education)
તાપસી પન્નુએ જય કૌર પબ્લિક સ્કૂલમાં સ્કૂલિંગ કર્યા હતું અને ગુરુ તેગ બહાદુર ઇન્સ્ટિટ્યૂટ ઓફ ટેક્નોલોજીમાં કમ્પ્યુટર સાયન્સ અને એન્જિનિયરિંગનો અભ્યાસ કર્યો હતો. સ્નાતક કર્યા બાદ પન્નુએ સોફ્ટવેર એન્જિનિયર તરીકે કામ કર્યું હતું. એકટ્રેસે ઓડિશન આપ્યા બાદ તે ફૂલ ટાઈમ મોડલ બની ગઈ હતી અને ‘ચેનલ વી’ના 2008ના ટેલેન્ટ શો ગેટ ગોર્જિયસ માટે તેની પસંદગી કરવામાં આવી હતી, ત્યારબાદ તેણે અભિનયની શરૂઆત કરી હતી.
તાપસી પન્નુ મેરેજ (Taapsee Pannu Marriage)
23 માર્ચ 2024ના રોજ તાપસી પન્નુએ તેના બોયફ્રેન્ડ મેથિયાસ બો સાથે અગિયાર વર્ષ સુધી ડેટિંગ કર્યા ઉદયપુરમાં ધામધૂમથી લગ્ન કર્યા હતા. તે હાલમાં પેરિસમાં છે, જ્યાં તેના પતિ ચાલુ ઓલિમ્પિક રમતોમાં ભારત માટે બેડમિન્ટન કોચ છે.
તાપસી પન્નુ અપકમિંગ મુવીઝ (Taapsee Pannu Upcoming Movies)
તાપસી પન્નુની ફિર આયી હસીન દિલરૂબા જે તેની રોમેન્ટિક થ્રિલર હસીન દિલરૂબાની સિક્વલ છે તે ફિલ્મ 9 ઓગસ્ટ 2024 ના રોજ નેટફ્લિક્સ પર સ્ટીમિંગ થશે. તાપસી રાનીની ભૂમિકા નિભાવે છે તે ફરી એકવાર વિક્રાંત મેસી સાથે જોડાય છે, જે રિશુનું પાત્ર ભજવે છે. સની કૌશલ અને જીમી શેરગિલ પણ મુખ્ય ભૂમિકામાં આ ફિલ્મનો ભાગ છે. કલર યલો પ્રોડક્શન્સ અને ટી-સિરીઝ ફિલ્મ્સ દ્વારા નિર્દેશિત, ફિર આયી હસીન દિલરૂબાનું નિર્દેશન જયપ્રદ દેસાઈ દ્વારા કરવામાં આવ્યું છે અને કનિકા ધિલ્લોન દ્વારા લખવામાં આવ્યું છે.
ત્યારબાદ તાપસીની આગામી ફિલ્મ ‘ખેલ ખેલ મે’ સ્વતંત્રતા દિવસએ રિલીઝ થશે. જે કોમેડી ડ્રામા ફિલ્મ છે જે ત્રણ કપલના જીવન પર છે તાપસીની સાથે, ફિલ્મની જોડીમાં અક્ષય કુમાર, ફરદીન ખાન, વાણી કપૂર, આદિત્ય સીલ, એમી વિર્ક અને પ્રજ્ઞા જયસ્વાલનો સમાવેશ થાય છે.
આ ફિલ્મનું નિર્દેશન મુદસ્સર અઝીઝ દ્વારા કરવામાં આવ્યું છે અને ભૂષણ કુમાર, ક્રિષ્ન કુમાર, વિપુલ ડી. શાહ, અશ્વિન વર્દે, રાજેશ બહલ, શશિકાંત સિંહા અને અજય રાય દ્વારા નિર્મિત છે. ખેલ ખેલ મે 15 ઓગસ્ટે બોક્સ ઓફિસ પર અન્ય બે રિલીઝ સાથે ટકરાશે જેમાં વેદા અને સ્ત્રી 2 લિસ્ટમાં છે.
