Tamanna Bhatia : તમન્ના ભાટિયા રાધા રાની ફોટોશૂટ । આઉટફિટનેને લીધી થઇ ટ્રોલ, શું એકટ્રેસે ફોટા હટાવ્યા?

Tamanna Bhatia : અભિનેત્રી તમન્ના ભાટિયા તેની એકટિંગ માટે ખુબજ જાણીતી છે. એકટ્રેસ 'સ્ત્રી 2' ફિલ્મ નું આઈટમ ગીત 'આજ કી રાત' માટે પ્રશંસા મેળવી રહી છે. બીજી તરફ તે ટ્રોલિંગનો શિકાર બની છે તેવા સમાચાર સામે આવી રહ્યા છે. નેટીઝન્સે તેની આકરી ટીકા કરી છે. વાસ્તવમાં, અભિનેત્રીએ એક પ્રખ્યાત ફેશન લેબલ માટે રાધા-કૃષ્ણ થીમ પર ફોટોશૂટ કર્યું હતું, જેમાં તે રાધા બની હતી. નેટીઝન્સે અભિનેત્રી પર રાધાને ખોટી રીતે રજૂ કરવાનો આરોપ લગાવ્યો હતો.

એકટ્રેસનું ટ્રોલિંગ શરૂ થયું જ્યારે તમન્નાહ ફેશન ડિઝાઇનર કરણ તૌરાનીની ઝુંબેશ લીલા: ધ ડિવાઇન ઇલ્યુઝન ઑફ લવ'માં દેખાઈ હતી, જે ભગવાન કૃષ્ણ અને રાધા વચ્ચેના પ્રેમના વિવિધ તબક્કાઓ દર્શાવે છે. જ્યાં એક તરફ તેની આ તસવીરોએ કેટલાક લોકોને મંત્રમુગ્ધ કરી દીધા હતા, તો બીજી તરફ સોશિયલ મીડિયા પર એક વર્ગે તેના વિરુદ્ધ અભિયાન ચલાવીને તેની ટીકા પણ કરી હતી. યુઝર્સે તમન્ના અને ડિઝાઈનરની આકરી ટીકા કરી હતી, જેના પછી તમન્નાએ તે તસવીરો હટાવી દેવી પડી હતી.

આ પણ વાંચો: Anushka Sharma : અનુષ્કા શર્મા અને વિરાટ કોહલી પરફેક્ટ પેરેન્ટ્સ છે? એકટ્રેસ બાળકોના સંસ્કાર આપવા પર શું કહ્યું?

એક યુઝરે લખ્યું કે તમારા વેચાણ માટે અમારી પ્રિય રાધા રાણી અને શ્રી કૃષ્ણના શુદ્ધ સંબંધને ખોટી રીતે રજૂ કરવાનું બંધ કરો. આ દરમિયાન, અન્ય એક નેટીઝને એક વિડીયો શેર કર્યો, જેમાં તે સ્ક્રીન પર રાધાનું પાત્ર ભજવવા માટે 'રિવિલિંગ' પોશાક પહેરવા બદલ અભિનેત્રીની ટીકા કરતી જોઈ શકાય છે.

આ પણ વાંચો: Devara: Part 1 Song Daavudi | જાન્હવી કપૂર અને જુનિયર એનટીઆર ગીત દાવુડી પોસ્ટર રિલીઝ, ગીત ક્યારે થશે રિલીઝ?

જેમ જેમ ઓનલાઈન પ્રતિક્રિયા અને ઝુંબેશ વેગ પકડવા લાગી, તેમ તેમ તમન્નાહ અને લેબલ તૌરાની બંનેએ પોતપોતાના સોશિયલ મીડિયા હેન્ડલ્સ પરથી ફોટા અને વિડિયો દૂર કર્યા હતા. તમન્ના ભાટિયાના વર્ક ફ્રન્ટની વાત કરીયે તો તે તાજેતરમાં બ્લોકબસ્ટર ફિલ્મ 'સ્ત્રી 2' માં એક ખાસ ભૂમિકા ભજવતી જોવા મળી હતી. ફિલ્મમાં તેણે 'આજ કી રાત' ગીતમાં અભિનય કર્યો હતો અને તેના ડાન્સે ઈન્ટરનેટ પર સનસનાટી મચાવી હતી. તે જ સમયે, તે સ્વતંત્રતા દિવસે રિલીઝ થયેલી જ્હોન અબ્રાહમની ફિલ્મ 'વેદા'નો પણ એક ભાગ હતી, જેણે બોક્સ ઓફિસ પર ખાસ કમાણી કરી ન હતી.