SCREEN Launch Updates: શ્રદ્ધા કપૂર 'સ્ક્રીન' મેગેઝીનની કવર ગર્લ બની, ઇવેન્ટમાં રાજકુમાર હિરાનીએ શું કહ્યું

SCREEN Launch Updates: 'ધ ઈન્ડિયન એક્સપ્રેસ'નું સ્ક્રીન મેગેઝિન 11 વર્ષ પછી પરત ફર્યું છે. એક્સપ્રેસના લોકપ્રિય મેગેઝિનને અભિનેત્રી શ્રદ્ધા કપૂરના હાથે ડિજિટલી લોન્ચ કરવામાં આવ્યું છે. આ ઈવેન્ટમાં શ્રદ્ધા કપૂર સ્પેશ્યલ ગેસ્ટ તરીકે હાજર રહી છે. તે પ્રથમ ડિજિટલ કવરનો ભાગ બની છે. સ્ક્રીનના લોન્ચ બાદ 'સ્ક્રીન લાઈવ વિથ શ્રદ્ધા કપૂર' માં શ્રદ્ધા કપૂરે ઘણી વાતો શેર કરી હતી. ફિલ્મ સ્ત્રી 2 ની સફળતા બાદ શ્રદ્ધા કપૂરનો આ પહેલો જાહેર કાર્યક્રમ હતો. 'સ્ક્રીન'ના સ્પેશ્યલ સેગમેન્ટને 'ધ ઈન્ડિયન એક્સપ્રેસ'ના એક્ઝિક્યુટિવ ડાયરેક્ટર અનંત ગોએન્કાએ હોસ્ટ કર્યો હતો.

આ પછી ક્રિએટર એક્સ ક્રિએટર પેનલમાં ડાયરેક્ટર રાજકુમાર હિરાની અને વિજય વર્મા ઉપસ્થિત રહ્યા હતા. જેમણે કરિયર અને લાઈફ વિશે ઘણી વાતો શેર કરી હતી. પહેલીવાર રાજકુમાર હિરાણી અને વિજય વર્માએ સાથે સ્ટેજ શેર કર્યું હતું.

સ્ક્રીનના લોન્ચ પ્રસંગે ધ ઇન્ડિયન એક્સપ્રેસ ગ્રુપના Executive Directorઅને ધ ઈન્ડિયન એક્સપ્રેસમાં ન્યૂ મીડિયાના પ્રમુખ અનંત ગોએન્કાએ કહ્યું કે સ્ક્રીન સારી ફિલ્મ પત્રકારિતા હતી. મને લાગે છે કે હવે સમય આવી ગયો છે કે આપણે તેના પર વિચાર કરીએ કે સારી ફિલ્મ પત્રકારિતા શું છે.

Oct 18, 2024 20:46 IST
SCREEN Launch Live Updates: રાજકુમાર હીરાનીએ બોક્સ ઓફિસ કલેક્શન પર કહી આવી વાત
સ્ક્રીન લોન્ચના પ્રસંગ પર રાજકુમાર હિરાનીએ બોક્સ ઓફિસના આંકડા વાસ્તવિક છે કે નહીં તેને લઇને કહ્યું કે આ સિનેમાને આંકવાની એક ખોટી રીત છે. જેના પર મેકર્સ વર્ષો સુધી કામ કરે છે તેને પૈસાથી આંકવામાં આવે છે, આ દુખદ વાત છે. તેની અમારા પર અસર પડે છે.



Oct 18, 2024 20:17 IST
SCREEN Launch Live Updates: રાજકુમાર હીરાનીએ શેર કરી સ્ક્રીન સાથે જોડાયેલી જૂની યાદો
Creater x Creater સેશન દરમિયાન રાજકુમાર હિરાનીએ કહ્યું કે તેમનો પરિવાર ક્યારેય પણ કોઇ ફિલ્મ મેગેઝીન વિશે વાત કરતો નથી પણ સ્ક્રિન અખબારની જેમ આવતી હતી તો તેમના પરિવારમાં તે વાંચવામાં આવતી હતી.



Advertisment
Oct 18, 2024 20:15 IST
SCREEN Launch LIVE: Munna Bhai 3 ની સ્ક્રીપ્ટ કર કામ કરી રહ્યા છે રાજકુમાર હિરાની
સ્ક્રિનના ક્રિએટર એક્સ ક્રિએટર સત્ર દરમિયાન ડાયરેક્ટર રાજકુમાર હિરાનીએ શેર કર્યું કે તેના પાસે મુન્ના ભાઈ 3 ની ઘણી અડધી અધુરી સ્ક્રિપ્ટ છે.



Oct 18, 2024 20:00 IST
SCREEN Launch Live Updates: રાજકુમાર હિરાની અને વિજય વર્મા સાથે વાતચીત શરુ
પ્રખ્યાત ડાયરેક્ટર રાજકુમાર હિરાની અને એક્ટર વિજય વર્મા હવે ક્રિએટર એક્સ ક્રિએટર સેશન માટે મંચ પર પહોંચી ગયા છે.



Oct 18, 2024 19:54 IST
SCREEN Launch Live Updates: શ્રદ્ધા કપૂરે જણાવ્યું બોલિવૂડમાં શું ફેરફાર આવ્યો
જ્યારે શ્રદ્ધા કપૂરને પૂછવામાં આવ્યું કે તેમના કરિયરના છેલ્લા 14 વર્ષમાં સિનેમામાં શું બદલાવ આવ્યો છે તો તેણે કહ્યું કે હવે અહીં કામ કરવાની વધુ તકો મળે છે.



Oct 18, 2024 19:51 IST
SCREEN Launch Live Updates: સોશિયલ મીડિયા અનુભવ હંમેશા પોઝિટિવ રહ્યો છે - શ્રદ્ધા કપૂર
શ્રદ્ધા કપૂર સોશિયલ મીડિયા પર ખૂબ જ એક્ટિવ રહે છે અને તેના પ્રશંસકો સાથે ફની પોસ્ટ શેર કરતી રહે છે. ઈવેન્ટમાં તેણે પોતાના સોશિયલ મીડિયાના અનુભવ વિશે કહ્યું કે અહીં તેનો અનુભવ હંમેશા પોઝિટિવ રહ્યો છે.



Oct 18, 2024 19:45 IST
SCREEN Launch Live Updates: સ્ક્રીન મેગેઝીનના લોન્ચિંગ સમયે અભિનેત્રી શ્રદ્ધા કપૂર
ઇન્ડિયન એક્સપ્રેસના સ્ક્રીન મેગેઝીનના લોન્ચિંગ સમયે અભિનેત્રી શ્રદ્ધા કપૂર અને ધ ઇન્ડિયન એક્સપ્રેસ ગ્રુપના Executive Director અનંત ગોએન્કા.




Oct 18, 2024 19:35 IST
SCREEN Launch Live Updates: શ્રદ્ધા કપૂરે કહ્યું - સફળતા માટે નિષ્ફળતા જરૂરી
સફળતા વિશે વાત કરતાં શ્રદ્ધા કપૂરે કહ્યું કે હું હજુ પણ મારા માતા-પિતા, મારા ભાઈ અને મારા ડોગ સાથે રહું છું. મને લાગે છે કે હું ખૂબ નસીબદાર છું. પરંતુ હું ખરેખર માનું છું કે સફળતા માટે નિષ્ફળતા ઘણી જરૂરી છે.



Oct 18, 2024 19:19 IST
SCREEN Launch Live Updates: શ્રદ્ધા કપૂર સ્ક્રીન મેગેઝીનની કવર ગર્લ બની
શ્રદ્ધા કપૂર ઇન્ડિયન એક્સપ્રેસની સ્ક્રીન મેગેઝીનની કવર ગર્લ બની હતી. શ્રદ્ધાએ ગ્રાન્ટ ઇવેન્ટમાં પહોંચીને તેણે મેગેઝીન પરથી પડદો ઉંચક્યો હતો.



Oct 18, 2024 19:18 IST
SCREEN Launch Live Updates: અનંત ગોએન્કાએ ફિલ્મ પત્રકારિતા અને સ્ક્રીનનો મોટો જણાવ્યો
સ્ક્રીનના લોન્ચ પ્રસંગે ધ ઇન્ડિયન એક્સપ્રેસ ગ્રુપના Executive Director અને ધ ઈન્ડિયન એક્સપ્રેસમાં ન્યૂ મીડિયાના પ્રમુખ અનંત ગોએન્કાએ કહ્યું કે સ્ક્રીન સારી ફિલ્મ પત્રકારિતા હતી. મને લાગે છે કે હવે સમય આવી ગયો છે કે આપણે તેના પર વિચાર કરીએ કે સારી ફિલ્મ પત્રકારિતા શું છે.



Oct 18, 2024 19:03 IST
SCREEN Launch Live Updates: અમિતાભ બચ્ચને અભિનંદન પાઠવ્યા
સ્ક્રીન લોન્ચના પ્રસંગે બોલિવૂડના દિગ્ગજ અભિનેતા અમિતાભ બચ્ચને વીડિયો મેસેજ દ્વારા ઇન્ડિયન એક્સપ્રેસને અભિનંદન પાઠવ્યા છે.



Oct 18, 2024 18:54 IST
SCREEN Launch Live Updates: સ્ક્રીન લોન્ચ માટે શ્રદ્ધા કપૂર પહોંચી
સ્ક્રીન લોન્ચ માટે અભિનેત્રી શ્રદ્ધા કપૂર પહોંચી ગઇ છે. થોડીવારમાં તે સ્ક્રીન મેેગેઝીન લોન્ચ કરશે.



Oct 18, 2024 18:34 IST
SCREEN Launch Live Updates: મનોજ વાજપેયીએ શેર કર્યો પોતાનો સ્ક્રીન અનુભવ
સ્ક્રીન ફિલ્મ પ્રેમીઓની મનપસંદ રહી છે. મનોજ બાજપેયી પણ આ મેગેઝિનને પસંદ કરતા હતા. પોતાના એક ઈન્ટરવ્યુમાં તેમણે કહ્યું હતું કે જ્યારે હું મોટો થઈ રહ્યો હતો, ત્યારે અમે સ્ક્રીન મેગેઝિન ખરીદતા હતા, જે તે સમયે એક અખબારની જેમ આવતી હતી. મારી પાસે હજુ પણ તે સમયની સ્ક્રીન ની યાદો છે.



Oct 18, 2024 18:23 IST
SCREEN Launch Live Updates: નાના પાટેકર અને માધુરી દીક્ષિતે પ્રથમ સ્ક્રીન એવોર્ડમાં ટ્રોફી જીતી હતી
શું તમે જાણો છો કે સ્ક્રીન મેગેઝિન દ્વારા પ્રતિષ્ઠિત સ્ક્રીન એવોર્ડની સ્થાપના કરવામાં આવી હતી? જો તમે તેના વિશે જાણતા ન હોત, તો તમને એ પણ ખબર નહીં હોય કે ઇન્ડિયન એક્સપ્રેસ દર વર્ષે બેસ્ટ ફિલ્મ, શ્રેષ્ઠ દિગ્દર્શક, શ્રેષ્ઠ અભિનેતા, શ્રેષ્ઠ અભિનેત્રી, શ્રેષ્ઠ સપોર્ટિંગ એક્ટર, બેસ્ટ સપોર્ટિંગ અભિનેત્રી, બેસ્ટ વિલન અને બેસ્ટ કોમિક એક્ટરનો એવોર્ડ આપતું રહ્યું છે. 1995માં પ્રથમ વખત નાના પાટેકરને બેસ્ટ એક્ટરનો એવોર્ડ મળ્યો હતો. જ્યારે માધુરી દીક્ષિતને હમ આપકે હૈ કોન ફિલ્મમાં તેના રોલ માટે બેસ્ટ અભિનેત્રીનો એવોર્ડ આપવામાં આવ્યો હતો.



Oct 18, 2024 17:51 IST
SCREEN Launch Live Updates: શાહરૂખ ખાન, અમિતાભ બચ્ચને બેસ્ટ અભિનેતાના 4 સ્ક્રીન એવોર્ડ જીત્યા
શાહરૂખ ખાન, અમિતાભ બચ્ચન અને ઋતિક રોશને ચાર-ચાર વખત બેસ્ટ અભિનેતાનો સ્ક્રીન એવોર્ડ જીત્યો છે. જ્યારે વિદ્યા બાલને પાંચ વખત શ્રેષ્ઠ અભિનેત્રીનો એવોર્ડ જીત્યો છે. તેણે 2010 થી 2013 સુધી અને 2018 સુધી સતત એવોર્ડ મેળવ્યા હતા. સંજય લીલા ભણસાલી એકમાત્ર એવા દિગ્દર્શક છે જેમણે ત્રણ વખત શ્રેષ્ઠ દિગ્દર્શકનો સ્ક્રીન એવોર્ડ જીત્યો છે.



Oct 18, 2024 17:28 IST
SCREEN Launch Live Updates: ફરી પાછા આવ્યા જૂના સારા દિવસો
આ માત્ર મનોરંજનના નવા યુગની શરૂઆત જ નથી પરંતુ તે જૂના દિવસોની યાદોની વાપસી પણ છે જ્યારે આપણે દર અઠવાડિયે સ્ક્રીન મેગેઝિનના નવા કવરની રાહ જોતા હતા. આપણા મનમાં પણ આવા જ વિચારો આવતા હતા કે કાશ આપણે એ દિવસો પાછા જીવી શકીએ. તેથી અમે અમારા દર્શકોને ફરી એકવાર SCREEN નો અનુભવ આપવાનું નક્કી કર્યું છે. સારા જૂના દિવસો અને નવી ટેકનોલોજીનો મોર્ડન ટચ. નવી શરૂઆત માટે ચીયર્સ.



Oct 18, 2024 17:17 IST
SCREEN Launch Live Updates: 'સ્ક્રીન' લોન્ચ થયા બાદ બે પેનલ રાખવામાં આવી
'સ્ક્રીન' લોન્ચ થયા બાદ બે પેનલ રાખવામાં આવી છે. આમાં પ્રથમ પેનલ 'સ્ક્રીન લાઈવ વિથ શ્રદ્ધા કપૂર'. અને બીજો ‘ક્રિએટર એક્સ ક્રિએટર હશે’. બીજી પેનલમાં વિજય વર્મા ડાયરેક્ટર રાજકુમાર હિરાની સાથે વાત કરતા જોવા મળશે. ધ ઈન્ડિયન એક્સપ્રેસના ફિલ્મ સમીક્ષક શુભ્રા ગુપ્તા આ સ્ટાર્સ સાથે વાતચીત કરશે. 'સ્ક્રીન'ના સ્પેશ્યલ સેગમેન્ટને 'ધ ઈન્ડિયન એક્સપ્રેસ'ના એક્ઝિક્યુટિવ ડાયરેક્ટર અનંત ગોએન્કા હોસ્ટ કરશે.



Oct 18, 2024 17:16 IST
SCREEN Launch Live Updates: રાજકુમાર હિરાની અને વિજય વર્મા પણ ઉપસ્થિત રહેશે
શ્રદ્ધા કપૂર સાથે આ ઇવેન્ટમાં ડાયરેક્ટર રાજકુમાર હિરાની અને વિજય વર્મા પણ ઉપસ્થિત રહેશે, જે કરિયર અને લાઈફ વિશે ઘણી વાતો શેર કરશે. ફિલ્મ સ્ત્રી 2 ની સફળતા બાદ શ્રદ્ધા કપૂરનો આ પહેલો જાહેર કાર્યક્રમ હશે. આ સિવાય આ પહેલીવાર હશે જ્યારે રાજકુમાર હિરાણી, વિજય વર્મા સાથે સ્ટેજ શેર કરશે.



Oct 18, 2024 17:11 IST
SCREEN Launch Live Updates: આજે 'ધ ઈન્ડિયન એક્સપ્રેસ' ના સ્ક્રીન મેગેઝીનનું ડિજિટલ કવર લોન્ચ થશે
'ધ ઈન્ડિયન એક્સપ્રેસ'નું સ્ક્રીન મેગેઝિન 11 વર્ષ પછી પરત ફર્યું છે. એક્સપ્રેસના લોકપ્રિય મેગેઝિનને ડિજિટલી લોન્ચ કરવામાં આવશે. આ ઈવેન્ટમાં શ્રદ્ધા કપૂર સ્પેશ્યલ ગેસ્ટ તરીકે હાજર રહેશે. તે પ્રથમ ડિજિટલ કવરનો ભાગ બનશે