વારાણસી મુવી અપડેટ, પ્રિયંકા ચોપરા અભિનીત મુવી કેટલા પાર્ટમાં રિલીઝ થશે? ડાયરેક્ટર એસએસ રાજામૌલીએ જણાવ્યું

મનોરંજન ન્યૂઝ | જયારે એસએસ રાજામૌલી (ss rajamouli) કોઈ નવી ફિલ્મની જાહેરાત કરે છે, ત્યારે તે ચાહકોમાં એક અનોખો માહોલ બનાવે છે. તેની ફિલ્મો સાંભળીને જ ભવ્ય સેટ, પાવરફુલ સ્ટોરી અને તીવ્ર એક્શનની યાદો તાજી થઈ જાય છે. આ જ કારણ છે કે દર્શકો તેમની આગામી ફિલ્મ વારાણસી માટે ભારે ઉત્સાહ અનુભવી રહ્યા છે. 

એસએસ રાજામૌલી (ss rajamouli)  ની મુવીની સોશિયલ મીડિયા પર તેની સતત ચર્ચા થઈ રહી છે, અને દરેક વ્યક્તિ જાણવા માંગે છે કે આ ફિલ્મ કેવી હશે અને તેના કેટલા ભાગ રિલીઝ થશે. ત્યારે ફિલ્મના દિગ્દર્શક રાજામૌલીએ ફિલ્મ વિશે મહત્વપૂર્ણ માહિતી શેર કરી છે.

વારાણસી મુવીના કેટલા ભાગ હશે?

તાજેતરના એક ઇન્ટરવ્યુમાં એસએસ રાજામૌલીએ ખુલાસો કર્યો કે વારાણસી એક જ ફિલ્મ તરીકે રિલીઝ થશે, એક વિભાજિત ફિલ્મ તરીકે નહીં. આ સમાચાર ખાસ કરીને તે લોકો માટે ચિંતાજનક છે જેઓ તેમની પાછલી ફિલ્મોની જેમ આ ફિલ્મ બહુ-ભાગીય પ્રોજેક્ટ હોવાની અપેક્ષા રાખતા હતા. વારાણસીના દિગ્દર્શક એસએસ રાજામૌલી સાથેનો એક ઇન્ટરવ્યુ r/tollywood નામના રેડિટ પેજ પર શેર કરવામાં આવ્યો હતો.

આ મુલાકાતમાં તેઓ સમજાવે છે કે "થોડા સમય માટે અમે વારાણસીને બે પાર્ટમાં બનાવવાનું વિચાર્યું હતું, પરંતુ અમે તે વિચારને ઝડપથી છોડી દીધો. ફિલ્મનો રનટાઇમ 3 કલાકથી 3 કલાક અને 20 મિનિટનો હશે, એટલે કે તે એક ભાગની ફિલ્મ હશે. ફિલ્મ ચોક્કસપણે લાંબી હશે, પરંતુ આખી સ્ટોરી એક જ ફિલ્મમાં રજૂ કરવામાં આવશે." તેમણે એમ પણ કહ્યું કે સ્ટોરી એટલી શક્તિશાળી છે કે તેને એક ભાગમાં રજૂ કરવાનું યોગ્ય લાગ્યું હતું. તેને બે ભાગમાં વિભાજીત કરવાથી સ્ટોરીનો પ્રભાવ ઓછો થયો હોત.

દો દીવાને શહેર મેં ટ્રેલર રિલીઝ, મૃણાલ ઠાકુર સિદ્ધાંત ચતુર્વેદીની જોરદાર કેમેસ્ટ્રી, જુઓ ટ્રેલર

પ્રિયંકા ચોપરા વારાણસી મુવી 

પ્રિયંકા ચોપરા અને મહેશ બાબુ પહેલીવાર વારાણસીમાં સાથે જોવા મળશે. એસએસ રાજામૌલીની ફિલ્મો એક સાબિત ટ્રેક રેકોર્ડ પ્રદાન કરે છે, જે દર્શકોને પુષ્કળ મનોરંજન પૂરું પાડે છે. બાહુબલી અને આરઆરઆર જેવી ફિલ્મોએ સાબિત કર્યું છે કે જો કન્ટેન્ટ મજબૂત હોય તો લાંબો સમય વાંધો નથી. આ આત્મવિશ્વાસના આધારે, તેઓ વારાણસીને મોટા પાયે રજૂ કરવા જઈ રહ્યા છે. આ ફિલ્મમાં બોલિવૂડની દેશી ગર્લ પ્રિયંકા ચોપરા મહેશ બાબુ સાથે જોવા મળશે. વધુમાં, વારાણસી પહેલી વાર બનશે જ્યારે પ્રિયંકા ચોપરા અને મહેશ બાબુ સાથે જોવા મળશે.

આજકાલ મોટા બજેટની ફિલ્મો બે કે ત્રણ પાર્ટમાં બની રહી છે, પરંતુ એસએસ રાજામૌલીએ વારાણસી ફિલ્મ ફક્ત એક જ ભાગમાં રિલીઝ થવાની પુષ્ટિ આપી છે, જેનાથી પ્રેક્ષકોની ઉત્સુકતા અને ઉત્સાહમાં વધારો થયો છે. નહિંતર, આજકાલ મોટાભાગની ફિલ્મો ઓછામાં ઓછા બે ભાગમાં આવી રહી છે. ભલે તે સફળ થાય કે ન થાય, બે પાર્ટની ફિલ્મોનો ક્રેઝ આજકાલ વધી ગયો છે.