Vidya Balan NetWorth : ફિલ્મોથી દૂર છતાં કરોડોની કમાણી કરે છે વિદ્યા બાલન, એક્ટ્રેસની નેટવર્થ જાણીને આંખો પહોળી થઇ જશે

Vidaya Balan : બોલિવૂડની દિગ્ગજ અને બિન્દાસ્ત અભિનેત્રી વિદ્યા બાલને 2005માં આવેલી ફિલ્મ 'પરિણીતા'થી હિન્દી સિનેમામાં પ્રવેશ કર્યો હતો. આ ફિલ્મમાં તે સૈફ અલી ખાન અને સંજય દત્ત જેવા સ્ટાર્સ સાથે જોવા મળી હતી. પહેલી જ ફિલ્મમાં વિદ્યાને ઘણી પ્રશંસા મળી હતી. વિદ્યા તેની ગંભીરતા અને જબરદસ્ત અભિનયથી ચાહકોમાં પોતાની છાપ છોડવામાં માહેર છે. વિદ્યાની આ કળા તેના દ્વારા ભજવવામાં આવેલા પાત્રો પરથી સરળતાથી સમજી શકાય છે. વિદ્યા બાલન આજે 1 જાન્યુઆરીએ પોતાનો જન્મદિવસ ઉજવી રહી છે. ભિનેત્રી લાંબા સમયથી મોટા પડદાથી દૂર હોવા છતાં તેની કમાણી પર કોઈ અસર જોવા મળી નથી. આજે આ અહેવાલમાં જાણો એક્ટ્રેસની વૈભવી લાઇફસ્ટાઇન અને નેટવર્થ વિશે.

વિદ્યાનો જન્મ 1 જાન્યુઆરી 1978ના રોજ થયો હતો. તેનું શાળાકીય શિક્ષણ મુંબઈની સેન્ટ એન્થોની સ્કૂલમાંથી પૂર્ણ થયું હતું અને ઉચ્ચ શિક્ષણ માટે તેમણે પ્રથમ સેન્ટ ઝેવિયર્સ કોલેજમાંથી સ્નાતક થઈ અને પછી મુંબઈ યુનિવર્સિટીમાંથી સમાજશાસ્ત્રમાં માસ્ટર ડિગ્રી મેળવી. હિન્દી સિનેમા જગતમાં એવી ઘણી ઓછી અભિનેત્રીઓ છે જેમની પાસે માસ્ટર ડિગ્રી છે અને આ બાબત તેને અન્ય અભિનેત્રીઓથી અલગ પાડે છે.

અત્રે નોંધનીય છે કે, વિદ્યા બાલન એક ફિલ્મ કરવા માટે કરોડો રૂપિયા લે છે. અભિનેત્રી લાંબા સમયથી મોટા પડદાથી દૂર હોવા છતાં તેની કમાણી પર કોઈ અસર જોવા મળી નથી. રિપોર્ટ્સનું માનીએ તો વિદ્યા એક ફિલ્મ માટે 2-3 કરોડ રૂપિયા લે છે.

વિદ્યાના પતિ સિદ્ધાર્થ રોય કપૂરની કુલ સંપત્તિ લગભગ $476 મિલિયન છે. તો અભિનેત્રી પોતે પણ કમાણીના મામલામાં પોતાના પતિથી પાછળ નથી. વિદ્યાએ પોતાની મહેનતથી કરોડોની સંપત્તિ બનાવી છે. મીડિયા રિપોર્ટ્સ અનુસાર, વિદ્યા બાલનની કુલ સંપત્તિ 18 મિલિયન યુએસ ડોલર એટલે કે અંદાજે 134 કરોડ રૂપિયા છે. ફિલ્મો ઉપરાંત વિદ્યા બ્રાન્ડ એન્ડોર્સમેન્ટથી લાખોની કમાણી કરે છે.

વિદ્યા બાલનને કારનો પણ ઘણો શોખ છે. તેમના કાર કલેક્શનમાં ઘણા મોંઘા વાહનો સામેલ છે. વિદ્યા પાસે મર્સિડીઝ ઈ-ક્લાસ, સેડાન અને મર્સિડીઝ બેન્ઝ જેવી કાર છે.

વિદ્યા બાલને મુંબઈ અને ખારમાં કેટલાક એપાર્ટમેન્ટ્સ ખરીદ્યા છે. તેના પતિએ તેને 14 કરોડ રૂપિયાનો ફ્લેટ ભેટમાં આપ્યો છે. અભિનેત્રી પાસે પોતાનો ફ્લેટ છે, જેની કિંમત 8 કરોડ રૂપિયા છે.

એટલું જ નહીં, વિદ્યા ઘણી રિયલ એસ્ટેટ પ્રોપર્ટીની પણ માલિક છે. વિદ્યાના કરિયરની વાત કરીએ તો તેણે નાના પડદાથી અભિનયની શરૂઆત કરી હતી. તે પહેલીવાર કોમેડી શો 'હમ પાંચ'માં જોવા મળ્યો હતો.

આ પણ વાંચો : Kader Khan : એક સમયે મસ્જિદ બહાર ભીખ માંગી પેટ ભરતા હતા, પછી માંની એક સલાહએ જીંદગી બદલી નાંખી

2011માં રિલીઝ થયેલી ફિલ્મ 'ધ ડર્ટી પિક્ચર'થી વિદ્યાને ઘણી લોકપ્રિયતા મળી હતી. આ ફિલ્મ માટે તેને નેશનલ એવોર્ડ પણ મળ્યો હતો. એટલું જ નહીં, વિદ્યાને પદ્મશ્રી એવોર્ડથી પણ સન્માનિત કરવામાં આવી છે.