Vidyut Jamwal Nandita Mahtani : કોણ છે નંદિતા મહતાની જેની સાથે વિદ્યુત જામવાલ લગ્ન કરશે, કરિશ્મા કપૂર સાથે છે ખાસ કનેક્શન

Vidyut Jamwal Wedding with Nandita Mahtani : વિદ્યુત જામવાલ-નંદિતા મહતાની વેડિંગઃ બોલિવૂડ એક્ટર વિદ્યુત જામવાલ તેની ફિલ્મો કે એક્શન સિક્વન્સને કારણે ઘણીવાર મીડિયાની હેડલાઈન્સમાં રહે છે, પરંતુ આ વખતે મામલો કંઈક અલગ છે. જો તમે વિચારી રહ્યા હોવ કે આ સોશિયલ મીડિયા પોસ્ટની વાત છે, તો એવું બિલકુલ નથી. વિદ્યુત જામવાલ આ વખતે તેના લગ્નના સમાચારોને લઈને ચર્ચામાં છે. વિદ્યુત જામવાલ અને તેની ગર્લફ્રેન્ડ નંદિતા મહતાની વિશે સમાચાર આવી રહ્યા છે કે તે બંને લંડનની સાત ફેરા લેવાના છે. આ કપલે બે વર્ષ પહેલા 2021માં તેમની સગાઈ બાદ તેમના સંબંધોને સત્તાવાર બનાવ્યા હતા. આવી સ્થિતિમાં અચાનક લગ્નના સમાચારે ચાહકોને ચોંકાવી દીધા છે. આ અવસર પર જણાવીએ કે વિદ્યુત જામવાલ ભાવિ દુલ્હન નંદિતા મહતાની કોણ છે…?

વિદ્યુત જામવાલની મંગેતર નંદિતા મહતાની કોણ છે? (Who is nandita mahtani )

વિદ્યુત જામવાલની ભાવિ દુલ્હન નંદિતા મહતાની વિશે વાત કરીયે તો તે ફેશન ડિઝાઇનર છે. જો મીડિયા રિપોર્ટ્સનું માનીએ તો એવું કહેવાય છે કે તે એક્ટર ડીનો મૌર્ય સાથે પ્લેગ્રાઉન્ડ નામની કંપની પણ ચલાવે છે. એટલું જ નહીં, રિપોર્ટ્સમાં એવું પણ કહેવાય છે કે તે છેલ્લા ઘણા સમયથી ભારતીય ક્રિકેટ ટીમના કેપ્ટન વિરાટ કોહલીની ડિઝાઇનર અને સ્ટાઈલિશ પણ છે.

નંદિતા મહતાની કરિશ્મા કપૂરનું તેના પૂર્વ પતિ સાથે ખાસ કનેક્શન (Nandita Mahtani karishma kapoor ex husband sanjay kapoor)

એટલું જ નહીં, નંદિતા મહતાનીનું બોલિવૂડ અભિનેત્રી કરિશ્મા કપૂરના પૂર્વ પતિ સંજય કપૂર સાથે પણ ખાસ કનેક્શન છે. ખરેખર, નંદિતા સંજયની પહેલી પત્ની છે. જો મીડિયા રિપોર્ટ્સનું માનીએ તો તેમનો સંબંધ લાંબો સમય ટકી શક્યો નહીં અને પછી તેઓ અલગ થઈ ગયા. તેની સાથે છૂટાછેડા લીધા પછી, સંજયે કરિશ્મા કપૂર સાથે લગ્ન કર્યા, જો કે, તે લગ્ન પણ વધારે સમય સુધી ટકી શક્યા નહીં અને 2016માં કરિશ્મા સાથે ડિવોર્સ લીધા.

તો બીજી બાજુ સંજય સાથે નંદિતાના સંબંધો તૂટ્યા બાદ તેનું નામ બોલિવૂડના ઘણા કલાકારો સાથે જોડાયું. આમાં રણબીર કપૂર અને ડિનો મોરિયા જેવા સ્ટાર્સનો સમાવેશ થાય છે, જેમની સાથે નંદિતાના લિંક અપના અહેવાલો આવ્યા છે, જો કે, તેમના દ્વારા આ અંગે ક્યારેય કોઈ સત્તાવાર નિવેદન આપવામાં આવ્યું નથી.

વિદ્યુત જામવાલ - નંદિતા મહતાએ 2021માં સગાઈ કરી સૌને ચૌંકાવી દીધા (vidyut jamwal nandita mahtani engagement)

તમને જણાવી દઇીયે કે, નંદિતા મહતાની અને વિદ્યુત જામવાલના ડેટિંગના સમાચાર જાન્યુઆરી 2021થી આવવા લાગ્યા હતા. અભિનેતાએ તેની સાથેનો એક ફોટો શેર કર્યો હતો, જેની સાથે તેણે લખ્યું હતું, 'જીતી લીધું' આ પછી તેમના અફેરની ચર્ચાઓ થવા લાગી. ત્યારબાદ વિદ્યુત અને નંદિતાએ તેમની સગાઈના સમાચારથી ચાહકોને ચોંકાવી દીધા હતા. બંનેએ ગુપ્ત રીતે સગાઈ કરી લીધી અને ફોટો શેર કરીને તેની તેમના રિલેશનની સત્તાવાર ઘોષણા કરી હતી.