War 2 Cast Fees | વોર 2 એક બિગ બજેટ મુવી, સ્ટારકાસ્ટ ની ફી જાણી ચોંકી જશો !

War 2 Movie Budget | વોર 2 મુવી 14 ઓગસ્ટ રિલીઝ થવાનું છે, જેની મુવી લવર્સ ઘણા સમયથી રાહ હોઈ રહ્યા છે તેઓએ આવતી કાલે ગુરુવારે થિયેટરના જોઈ શકે છે. ઋતિક રોશન અને જુનિયર એનટીઆરની બહુપ્રતિક્ષિત ફિલ્મ બિગ બજેટ ફિલ્મ છે. ફિલ્મને લઈને દર્શકોમાં ભારે ઉત્સાહ છે. આ ફિલ્મ ખૂબ મોટા પાયે બનાવવામાં આવી છે. અહીં જાણો આ ફિલ્મ માટે કયા અભિનેતાએ કેટલા ફી લીધી છે?

વોર 2 મુવી સ્ટારકાસ્ટ ફી (War 2 Movie Starcast Fee)

વોર 2 ફિલ્મમાં જબરદસ્ત એક્શન અને અદ્ભુત સિનેમેટોગ્રાફી હશે, જેની ઝલક ટ્રેલરમાં જ જોઈ શકાય છે. આ ફિલ્મનું શૂટિંગ વિદેશમાં અલગ અલગ સ્થળોએ કરવામાં આવ્યું છે. જેને જોઈને લાગે છે કે નિર્માતાઓએ ફિલ્મ માટે ઘણા પૈસા ખર્ચ્યા છે.

વોર 2 ઋતિક રોશન ફી

વોર 2 માં ઋતિક રોશન ફરી એકવાર RAW એજન્ટ કબીર ધાલીવાલની ભૂમિકામાં જોવા મળશે. 2019માં રિલીઝ થયેલી વોર માં ઋતિકે પોતાના અભિનય અને લુક્સથી બધાને પ્રભાવિત કર્યા હતા. હવે ફરી એકવાર 'વોર 2'ની સફળતાની મોટી જવાબદારી ઋતિકના ખભા પર છે. આ માટે ઋતિકે મોટી રકમ પણ લીધી છે. રિપોર્ટ મુજબ વિશ્વાસ કરવામાં આવે તો, ઋતિકે 'વોર 2' માટે લગભગ 48 કરોડ રૂપિયા ચાર્જ કર્યા છે. તે જ સમયે કેટલાક અહેવાલોમાં એવો પણ દાવો કરવામાં આવી રહ્યો છે કે આ ફી સાથે ઋતિક ફિલ્મની કમાણીમાં પણ હિસ્સો લેશે.

વોર 2 જુનિયર એનટીઆર ફી

તેલુગુ સિનેમાના સુપરસ્ટાર જુનિયર એનટીઆર 'વોર 2' થી બોલિવૂડમાં ડેબ્યૂ કરી રહ્યા છે. ફિલ્મમાં તેના પાત્રને લઈને ઘણી ચર્ચા ચાલી રહી છે. તે જ સમયે ચાહકો તેના અને ઋત્વિક રોશન વચ્ચેની એક્શન જોવા માટે ખૂબ જ ઉત્સાહિત છે. આવી સ્થિતિમાં જુનિયર એનટીઆરે મોટી ફી લીધી હશે તે સ્વાભાવિક છે. અહેવાલો અનુસાર જુનિયર એનટીઆરે વોર 2 માટે લગભગ 60 થી 70 કરોડ રૂપિયા ફી લીધી છે. આ તેની બ્લોકબસ્ટર ફિલ્મ 'RRR' ની ફી કરતાં વધુ છે, જ્યાં તેમને 45 કરોડ રૂપિયા મળ્યા હતા.

War 2 | વોર 2, 14 ઓગસ્ટે વોર 2 મુવી કુલી સામે ટકરાશે, કેટલી ટિકિટ વેચાણી? પહેલા દિવસે કેટલું રહેશે બોક્સ ઓફિસ? જાણો

વોર 2 કિયારા અડવાણી ફી

વોર 2 કિયારા અડવાણી જોવા મળશે. ફક્ત પુરુષ કલાકારો જ નહીં, ફિલ્મની હિરોઈન કિયારા અડવાણીને પણ આ ફિલ્મ માટે સારી રકમ મળી છે. અહેવાલો અનુસાર, કિયારાએ 'વોર 2' માટે લગભગ 15 કરોડ લીધા છે. આ અત્યાર સુધીની તેની સૌથી વધુ ફી હોવાનું કહેવાય છે. આનો અર્થ એ થયો કે ફિલ્મ રિલીઝ થાય તે પહેલાં જ 'વોર 2' કિયારાના કરિયર માટે એક મહત્વપૂર્ણ ફિલ્મ બની ગઈ છે.

બ્રહ્માસ્ત્ર' અને 'યે જવાની હૈ દીવાની' જેવી સુપરહિટ ફિલ્મો આપનાર દિગ્દર્શક અયાન મુખર્જી પહેલીવાર એક્શન-થ્રિલર ફિલ્મનું દિગ્દર્શન કરી રહ્યા છે. આવી સ્થિતિમાં મેકર્સે 'વોર 2' માટે અયાનને મોટી રકમ પણ આપી છે. રિપોર્ટ્સમાં એવો દાવો કરવામાં આવી રહ્યો છે કે 'વોર 2' માટે અયાન મુખર્જીને લગભગ 32 કરોડ રૂપિયા મળ્યા છે. આ આંકડો તેમને આજે ઇન્ડસ્ટ્રીમાં સૌથી વધુ કમાણી કરતા દિગ્દર્શકોમાંના એક બનાવે છે.

વોર 2 વિશે

વોર 2 ને યશ રાજ ફિલ્મની જાસૂસી યુનિવર્સની સૌથી મોંઘી ફિલ્મ કહેવામાં આવી રહી છે. ઘણા રિપોર્ટમાં ફિલ્મનું બજેટ 400 કરોડ રૂપિયા કહેવામાં આવી રહ્યું છે. જ્યારે કેટલાક રિપોર્ટ આ બજેટ 200 થી 250 કરોડ રૂપિયાની વચ્ચે કહેવામાં આવી રહ્યું છે. આ ફિલ્મનું શૂટિંગ સ્પેન, ઇટાલી, અબુ ધાબી, રશિયા, જાપાન અને ભારતમાં થયું છે.

વોર 2 રિલીઝ ડેટ

વોર 2 14 ઓગસ્ટે રિલીઝ થઈ રહી છે, આ મુવી હિન્દી ઉપરાંત તમિલ, તેલુગુ, મલયાલમ અને કન્નડ ભાષાઓમાં પણ જોવા મળશે.