યામી ગૌતમની IAS ઓફિસર બનવાથી લઇને અભિનેત્રી બનવાની સફર, એક્ટ્રેસ આજે કરોડોની સંપત્તિની માલકિન

Yami Gautam Birthday : બૉલિવૂડ બ્યૂટી યામી ગૌતમ આજે સોમવારે તેનો 35મો બર્થડે પતિ અને પરિવાર સાથે ઉત્સાહભેર સેલિબ્રેટ કરી રહી છે. યામીએ 2012માં ફિલ્મ 'વિક્કી ડોનર'થી ડેબ્યુ કર્યુ હતુ. આ ફિલ્મ હિટ સિદ્ધ થઈ અને યામીના કામ તથા સુંદરતા બન્નેના ખૂબ વખાણ થયા.યામી ગૌતમ આજે મોટું નામ છે. આ સુંદર એક્ટ્રેસને ઈંડસ્ટ્રીમાં 10 વર્ષ થઈ ગયા છે. જો ફિલ્મ ઈન્ડસ્ટ્રીની અભિનેત્રીઓના ભણતર (Study) ની વાત કરીએ તો યામી ગૌતમનું નામ પણ ઘણું ઊંચું આવશે, કારણ કે અભિનેત્રી અભ્યાસમાં ઘણી આગળ હતી. ચાલો જાણીએ તેમના જન્મદિવસ પર 10 ખાસ વાતો.

હિમાચલ પ્રદેશના બિલાસપુરમાં જન્મી યામી ગૌતમના પિતા મુકેશ ગૌતમ પંજાબી ફિલ્મોના ડાયરેકટર છે. યામી વિશે એક રસપ્રદ માહિતી એ છે કે બોલિવૂડમાં આવતા પહેલા તેણે કન્નડ, પંજાબી અને તેલુગુ ફિલ્મોમાં કામ કર્યું હતું. યામીની બહેન સુરીલી ગૌતમ પણ પંજાબી ફિલ્મોની અભિનેત્રી છે. તેણે 'પાવર કટ'થી પંજાબી ફિલ્મોમાં ડેબ્યુ કર્યું હતું.

યામીએ એક ઈન્ટરવ્યુમાં જણાવ્યું હતું કે, મેં એક મોટા પ્રોડક્શન હાઉસ અને ખૂબ જ લોકપ્રિય કાસ્ટિંગ ડિરેક્ટરને ઓડિશન આપ્યું હતું. દિગ્દર્શકે મને કહ્યું કે તારું ઓડિશન સારું હતું તે સાંભળીને હું ખુબ ખુશ થઈ હતી.આ પછી તેણે કહ્યું, તમે શોર્ટલિસ્ટ પણ થઇ ગયા છો.પરંતુ સમસ્યા એ છે કે તમારે તમારી ઉંમર પ્રમાણે કપડાં પહેરવા જોઈએ. તમે આવા કપડાં કેમ પહેર્યા છે?

ઉલ્લેખનીય છે કે, યામી બાળપણમાં IAS ઓફિસર બનવાનું સપનું જોયું હતું. પરંતુ ભાગ્યએ તેના માટે કંઈક બીજું જ આયોજન કર્યું હતું. યામીએ એલએલબીનો અભ્યાસ કર્યો છે. માત્ર 20 વર્ષની ઉંમરે અત્રિનેત્રીએ જે શાળા અને કોલેજમાં ટોચના વિદ્યાર્થીઓમાંથી એક હતી, તેણે નક્કી કર્યું કે તે અભિનયમાં કારકિર્દી બનાવશે. જેને પગલે તે મુંબઇ આવી પહોંચી.

યામીના કરિયર અંગે વાત કરીએ તો ડેઈલી સોપ 'ચાંદ કે પાર ચલો'માં લીડ રોલથી ડેબ્યૂ કરનાર યામી ગૌતમે અનેક જાહેરાતો અને અન્ય સિરિયલોમાં કામ કર્યું છે. આ પછી વર્ષ 2012માં આયુષ્માન ખુરાના સાથે ફિલ્મમાં અભિનયની શરૂઆત કરી હતી. ફિલ્મ'વિકી ડોનર'થી અભિનેત્રીએ બોલિવૂડમાં પ્રવેશ કર્યો હતો. જે બાદ 'ઉરી: ધ સર્જિકલ સ્ટ્રાઈક', 'બાલા', 'દસવી' ની જેવી ફિલ્મોમાં તેના અભિનયની ખુબ પ્રશંસા કરવામાં આવી છે.

આ પાણ વાંચો : Express Adda: ‘ટાઇગર 3’ નો ટોવેલ સીન જોઇને વિક્કી કૌશલે કેટરિનાના કાનમાં કહ્યું હતું – હવે હું તારી સાથે દલીલ નહીં કરું

જો યામી ગૌતમની નેટવર્થની વાત કરીએ તો caknowledge અનુસાર, અભિનેત્રી 12 મિલિયન સંપત્તિની માલિકિન છે. અભિનેત્રીની આવકનો મુખ્ય સ્ત્રોત બ્રાન્ડ એન્ડોર્સમેન્ટ અને ફિલ્મો છે. યામી ગૌતમ મહિનામાં એકંદરે 50 લાખ રૂપિયા કમાણી કરે છે. આ સાથે વાર્ષિક આવક 7 કરોડ છે.