Today havaman, gujarat rain forecast, આજનું હવામાન, ગુજરાતમાં વરસાદની આગાહી : ગુજરાતમાં હવે સત્તાવાર ચોમાસું બેશી ગયું છે. છેલ્લા ત્રણ દિવસથી રાજ્યમાં મોટાભાગના વિસ્તારોમાં વરસાદ પડ્યો હતો. બુધવારના દિવસે ડાંગ જિલ્લામાં સૌથી વધારે વરસાદ પડ્યો હતો. વરસાદી માહોલ વચ્ચે હવામાન વિભાગે દક્ષિણ ગુજરાત અને સૌરાષ્ટ્રમાં આજે અતિ ભારે વરસાદની આગાહી કરવામાં આવી છે.
24 કલાક માટે દક્ષિણ ગુજરાત અને સૌરાષ્ટ્રમાં ભારેથી અતિ ભારે વરસાદની આગાહી
હવામાન વિભાગે આગામી સાત દિવસ વરસાદની આગાહી કરી છે ત્યારે આજે 19 જૂન 2025, ગુરુવારના દિવસે રાજ્યના દક્ષિણ ભાગ અે સૌરાષ્ટ્ર વિસ્તારમાં ભારેથી અતિ ભારે વરસાદની આગાહી કરી છે. હવામાન વિભાગ પ્રમાણે આજે ભરૂચ, સુરત, ડાંગ, નવસારી, તાપી, દમણ, દાદરા નગર હવેલી તેમજ સૌરાષ્ટ્રના પોરબંદર, જૂનાગઢ, અમરેલી, ભાવનગર, ગીર સોમનાથ અને દીવમાં ભારેથી અતિ ભારે વરસાદની આગાહી કરી છે.
આ ઉપરાંત બનાસકાંઠા, સાબરકાંઠા, અરવલ્લી, પંચમહાલ, દાહોદ, મહિસાગર, વડોદરા, છોટા ઉદેપુર, નર્મદા, રાજકોટ અને બોટાદમાં ભારે વરસાદની આગાહી કરી છે.
આ પણ વાંચોઃ- ભાવનગરમાં મેઘો મુશળધાર; મહુવામાં વરસાદે તારાજી સર્જી, રાજ્યમાં વરસાદી આફતના કારણે 18 લોકોના મોત
આ વિસ્તારોમાં ગાજવીજ સાથે પડશે વરસાદ
હવામાન વિભાગ પ્રમાણે પાટણ, મહેસાણા, ગાંધીનગર,ખેડા, અમદાવાદ,જામનગર, બોટાદ, દ્વારકા, ગીર સોમનાથ, ભાવનગર અને દીવમાં ગાજવીજ સાથે વરસાદની આગાહી કરી છે.
