Gujarat today Rain forecast: આજે દક્ષિણ ગુજરાત અને સૌરાષ્ટ્રમાં ભારેથી અતિ ભારે વરસાદની આગાહી

Today havaman, gujarat rain forecast, આજનું હવામાન, ગુજરાતમાં વરસાદની આગાહી : ગુજરાતમાં ચોમાસું જામી ગયું છે. સોમવારના દિવસે સુરત સહિત દક્ષિણ ગુજરાતના વિસ્તારોમાં અતિ ભારે વરસાદ ખાબક્યો હતો. વરસાદે સુરત શહેરમાં જળબંબાકારની સ્થિતિ સર્જી દીધી હતી. લોકોના ઘરોમાં અને માર્કેટના બેઝમેન્ટોમાં પાણી ભરાયા હતા. આવી સ્થિતિ વચ્ચે હવામાન વિભાગે આજે મંગળવારના દિવસે પણ સુરત સહિત દક્ષિણ અને સૌરાષ્ટ્રના વિસ્તારોમાં ભારેથી અતિ ભારે વરસાદની આગાહી કરી છે.

આજે દક્ષિણ ગુજરાત અને સૌરાષ્ટ્રમાં ભારેથી અતિ ભારે વરસાદ પડશે

વરસાદી મોસમ વચ્ચે હવામાન વિભાગે મધ્ય ગુજરાતના દાહોદ, પંચમહાલ, વડોદરા, છોટા ઉદેપુર સહિત દક્ષિણ ગુજરાતમાં નર્મદા, સુરત, ભરૂચ, નવસારી,વલસાડ, દમણ અને દાદરા નગર હવેલીમાં ભારેથી અતિ ભારે વરસાદની આગાહી કરી છે. સૌરાષ્ટ્રના જૂનાગઢ, અમરેલી, ભાવનગર, ગીર સોમનાથ, દીવ અને કચ્છમાં ભારેથી અતિ ભારે વરસાદની આગાહી કરી છે.

અમદાવાદ, ગાંધીનગર સહિત ઉત્તર ગુજરાતમાં ભારે વરસાદની આગાહી

હવામાન વિભાગે આજે 24 જૂન 2025ના દિવસે બનાસકાંઠા, પાટણ, મહેસાણા, સાબરકાંઠા, ગાંધીનગર, અરવલ્લી, ખેડા, અમદાવાદ, આણંદ, મહિસાગર, ડાંગ, તાપીમાં ભારે વરસાદની આગાહી તેમજ સુરેન્દ્રનગર, રાજકોટ, પોરબંદર, દ્વારકા અને બોટાદમાં ભારે વરસાદની આગાહી કરી છે.

આ પણ વાંચોઃ-વિસાવદરમાં જીત બાદ ગોપાલ ઇટાલિયાએ કહ્યું – ગુજરાતને ભાજપના ચૂંડાલમાંથી છોડાવવાની લડાઇ લડીએ

ઉત્તરપૂર્વ રાજસ્થાન અને તેની આસપાસના વિસ્તારોમાં ઉપરની હવાનું ચક્રવાતી પરિભ્રમણ સરેરાશ સમુદ્ર સપાટીથી 1.5 કિમી સુધી ફેલાયેલું છે. દક્ષિણપશ્ચિમ બિહાર અને મધ્યપ્રદેશના મધ્ય ભાગોમાં સરેરાશ સમુદ્ર સપાટીથી 3.1 કિમી ઉપર નીચા દબાણવાળા ક્ષેત્ર સાથે સંકળાયેલ ચક્રવાતી પરિભ્રમણમાં ઉત્તરપૂર્વ બાંગ્લાદેશથી દક્ષિણ ગુજરાત પ્રદેશ સુધી એક ટ્રફ રેન્જ આવેલી છે.