અમદાવાદ સાયબર ક્રાઈમ : 'અજાણ્યા પુરૂષે એપલ એરટેગ ડિવાઇસથી કથિત રીતે ત્રણ મહિના મહિલાનો પીછો કર્યો'

Ahmedabad Cyber crime Case : અમદાવાદ સાયબર ક્રાઈમ પોલીસે શુક્રવારે એફઆઈઆર નોંધી હતી, જ્યારે શહેરની એક મહિલાએ આરોપ મૂક્યો હતો કે, Apple AirTag ડિવાઈસ દ્વારા તેણીને ત્રણ મહિના સુધી ફોલો કરવામાં આવી હતી.

પોલીસે જણાવ્યું હતું કે, દેશમાં વિવાદાસ્પદ એરટેગ દ્વારા પીછો કરવાનો આ પ્રથમ કિસ્સો છે. Apple AirTags એ નાનું બ્લૂટૂથ ટ્રેકર્સ છે, જે લોકોને ખોવાયેલી વસ્તુઓ શોધવામાં મદદ કરે છે. તેઓ સુરક્ષિત બ્લૂટૂથ સિગ્નલ મોકલે છે, જે નજીકના ડિવાઈસ દ્વારા Find My Network માં શોધી શકાય છે.

સાયબર ક્રાઈમ બ્રાન્ચના નાયબ પોલીસ અધિક્ષક અજિત રાજિયને જણાવ્યું હતું કે, અમે આરોપીની ઓળખ કરી લીધી છે અને અમે વ્યક્તિને શોધવાનો પ્રયાસ કરી રહ્યા છીએ. એફઆઈઆર ભારતીય દંડ સંહિતાની કલમ 354(ડી) (પીછો કરવો) અને આઈટી એક્ટની કલમ 66(ઈ) (કોઈની ગોપનીયતાનું ઉલ્લંઘન) હેઠળ નોંધવામાં આવી છે.

પદ્ધતિ સમજાવતા, એક સાયબર ક્રાઇમ અધિકારીએ જણાવ્યું હતું કે, મૂળભૂત રીતે, ઘણા iPhone યુઝર્સ તેમના બ્લૂટૂથ અને વાઇફાઇ વિકલ્પોને સક્ષમ રાખે છે. “આ કિસ્સામાં, મહિલા તેના ફોનને કારની મ્યુઝિક સિસ્ટમ સાથે કનેક્ટ કરવાની આદત ધરાવતી હતી. તે તેણીને સૂચના આપતી હતી અને તેણી તેના માટે હા દબાવતી હતી, જેણે એરટેગ ઉપકરણને ફોનની ઍક્સેસ આપી હતી."

આ પણ વાંચો - ગુજરાતમાં ઓગસ્ટમાં 90 ટકા ઓછો વરસાદ, તમામ જિલ્લાના ખેડૂતોને સિંચાઈ માટે 2 કલાક વધુ વીજળી મળશે

પોલીસના જણાવ્યા અનુસાર આરોપીએ મહિલાને મેથી જુલાઈ સુધી ટ્રેક કરી હતી

અમદાવાદ સાયબર ક્રાઈમ બ્રાન્ચના નિવેદનમાં જણાવાયું છે કે, તેના વાહનમાં પેસેન્જર સીટની નીચેની બાજુએ સીટ કવરની અંદર ટેપ કરાયેn એરટેગ ડિવાઈસ ફરિયાદીના iPhone 13 Pro Max સાથે જોડાયેલું હતું. નિવેદનમાં જણાવાયું છે કે, સતત સૂચનાઓને કારણે, ફરિયાદી સર્વિસ સ્ટેશન પર ગઈ અને કારની તપાસ કરી અને ડિવાઈસ શોધી કાઢ્યું.