Ahmedabad East Lok Sabha Result 2024 : લોકસભા ચૂંટણી 2024ના પરિણામો સામે આવી રહ્યા છે. ગુજરાતની અમદાવાદ પૂર્વ લોકસભા બેઠકની વાત કરવામાં આવે તો ભાજપના હસમુખ પટેલ ફરી જીત મેળવવા સફળ રહ્યા છે. હસમુખ પટેલનો 4,61,755 મતોથી ભવ્ય વિજય થયો છે. ભાજપના ઉમેદવાર હસમુખ પટેલને 7,70,459 વોટ મળ્યા હતા. જ્યારે કોંગ્રેસનાઉમેદવાર હિંમતસિંહ પટેલને 3,08,704 વોટ મળ્યા હતા.
અમદાવાદ પૂર્વ લોકસભા સીટ પર 54.72 ટકા મતદાન
અમદાવાદ પૂર્વ લોકસભા સીટ પર 7 મે ના રોજ ત્રીજા તબક્કામા મતદાન થયું હતું. અમદાવાદ પૂર્વમાં કુલ 54.72 ટકા મતદાન થયું હતું. વિધાનસભા વિસ્તાર મુજબ મતદાન ટકાવારી પર નજર કરીએ તો બાપુનગરમાં 53.34 ટકા, દહેગામમાં 54.56 ટકા, ગાંધીનગર સાઉથમાં 58.56 ટકા, નરોડામાં 50.61 ટકા, નિકોલમાં 55.08 ટકા, ઠક્કરબાપા નગરમાં 59.93 ટકા અને વટવામાં 55.07 ટકા મતદાન નોંધાયું હતું.
આ પણ વાંચો – લોકસભા ચૂંટણી 2024 પરિણામ, અમદાવાદ વેસ્ટમાં ભાજપ ફટકારશે જીતનો ચોગ્ગો કે કોંગ્રેસ મારશે બ્રેક
2019માં શું હતું પરિણામ
2019 લોકસભા ચૂંટણીની વાત કરવામાં આવે ભાજપના ઉમેદવાર હસમુખ પટેલે કોંગ્રેસના ગીતાબેન પટેલ સામે 4,34,330 મતોથી વિજય મેળવ્યો હતો. હસમુખ પટેલને 67.17 ટકા અને ગીતાબેન પટેલને 28.26 ટકા વોટ મળ્યા હતા.
લોકસભા ચૂંટણી અમદાવાદ પૂર્વ બેઠક પર ચૂંટાયેલા સાંસદ
- 2009 – હરિન પાઠક (ભાજપ)
- 2014 – પરેશ રાવલ (ભાજપ)
- 2019 – હસમુખ પટેલ (ભાજપ)
- 2024 – હસમુખ પટેલ (ભાજપ)
અમદાવાદ પૂર્વ લોકસભા બેઠક 18 ઉમેદવારો
ક્રમ ઉમેદવાર પાર્ટી 1 જયંતીભાઈ મકવાણા બસપા 2 હસમુખભાઈ પટેલ ભાજપા 3 કલ્પેશભાઈ શેટે ગુંજ સત્ય ની જનતા પાર્ટી 4 ધનંજય રાજપુત ભારતીય જન પરિષદ 5 પિયુષ ભાવસાર યુથ ઈન્ડિયા પિસ પાર્ટી 6 પ્રમોદ ગૌડે સ્વતંત્ર અભિવ્યક્તિ પાર્ટી 7 મનિષ દુબે સ્વરાજ ક્રાંતિ પાર્ટી 8 રાજેશ મૌર્ય પ્રજાતંત્ર આધાર પાર્ટી 9 હિતેન્દ્ર પટેલ આદી ભારત પાર્ટી 10 રૂપેશભાઈ ઈંગોલ અપક્ષ 11 મોહમ્મદફારૂક ચૌહાણ અપક્ષ 12 સંજય ઝાલા અપક્ષ 13 દશરથ પંચાલ અપક્ષ 14 વિષ્ણુ પટની અપક્ષ 15 બ્રિજેશ શર્મા અપક્ષ 16 મહેશ ઠાકોર અપક્ષ 17 હર્ષેદ નાંદોલિયા અપક્ષ 18 હિંમતસિંહ પટેલ કોંગ્રેસ
