Rajasthan Hospital fire: અમદાવાદની રાજસ્થાન હોસ્પિટલમાં આગ, ફાયર બ્રિગેડની 22 ગાડીઓ ઘટનાસ્થળે પહોંચી, 100થી વધુ દર્દી અન્ય હોસ્પિટલમાં ખસેડાયા

અમદાવાદમાં શાહીબાગ ખાતે આવેલી રાજસ્થાન હોસ્પિટલમાં આગ લાગવાની ગંભીર ઘટના બની છે. પ્રાપ્ત માહિતી અનુસાર રાજસ્થાન હોસ્પિટલના બેઝમેન્ટમાં રવિવાર 30 જુલાઇના રોજ વહેલી સવારે આગ લાગી હતી. જો કે સદનસીબે હજી સુધી કોઇ જાન હાની ન થઇ હોવાના અહેવાલ છે. રાજસ્થાન હોસ્પિટલમાં આગ લાગવાની ઘટનાના સમાચાર મળતા ફાયર વિભાગની 31 ગાડીઓ ઘટનાસ્થળે પહોંચી છે.

રાજસ્થાન હોસ્પિટલમાં આગ, 100થી વધુ દર્દીઓને અન્યત્ર ખસેડાયા

રાજસ્થાન હોસ્પિટલમાં રવિવારે બેઝમેન્ટમાં આગ લાગી હતી. આગ લાવાથી હોસ્પિટલના બેઝમેન્ટ અને વોર્ડમાં ધૂમાડો ફેલાતા અફરાતફરી મચી ગઇ છે. આગ લાવાની ગંભીર ઘટના બાદ હોસ્પિટલમાં સારવાર લઇ રહેલા 100 જેટલા દર્દીઓને અન્ય હોસ્પિટલમાં ખસેડવાની ફરજ પડી છે.

રાજસ્થાન હોસ્પિટલની આગ ઓલવાવા ફાયર વિભાગની 22 ગાડીઓ પહોંચી

રાજસ્થાન હોસ્પિટલમાં આગ લાગવાના સમાચાર બાદ અમદાવાદ ફાયર વિભાગની 22 ગાડીઓ ઘટનાસ્થળે પહોંચી છે. હોસ્પિટલના બેઝમેન્ટમાં આગ લાગવાથી ભયંકર ધુમાડો ફેલાયો છે અને તેના પગલે ફાયર બ્રિગેડને હોસ્પિટલની અંદર જવામાં અને આગ ઓલવવામાં મુશ્કેલીનો સામનો કરવો પડ્યો છે.