અમદાવાદ પશ્ચિમ લોકસભા ચૂંટણી પરિણામ 2024 : ભાજપની વિજયકૂચ યથાવત્, દિનેશ મકવાણાની જીત

Ahmedabad West Lok Sabha Result 2024 : લોકસભા ચૂંટણી 2024 ના પરિણામો સામે આવી રહ્યા છે. ગુજરાતની અમદાવાદ પશ્ચિમ લોકસભા બેઠકની વાત કરવામાં આવે તો ભાજપના દિનેશ મકવાણાનો કોંગ્રેસના ભરત મકવાણા સામેે 2,86,437 વિજય થયો છે. દિનેશ મકવાણાને 6,11,704 વોટ મળ્યા છે. જ્યારે ભરત મકવાણાને 3,25,267 વોટ મળ્યા છે. અમદાવાદ પશ્ચિમ લોકસભા બેઠક પર ભાજપે ત્રણ ટર્મ સાંસદ રહેલા ડો. કિરીટ સોલંકીને બદલી દિનેશ મકવાણાને ઉમેદવાર બનાવ્યા હતા. આ બેઠક અનુસૂચિત જાતિ (SC) માટે અનામત છે.

અમદાવાદ પશ્ચિમ લોકસભા સીટ પર 55.45 મતદાન

અમદાવાદ પશ્ચિમ લોકસભા સીટ પર 7 મે ના રોજ ત્રીજા તબક્કામા મતદાન થયું હતું. અમદાવાદ પશ્ચિમમાં કુલ 55.45 ટકા મતદાન થયું હતું. વિધાનસભા વિસ્તાર મુજબ મતદાન ટકાવારી પર નજર કરીએ તો એલિસબ્રિજમાં 56.54 ટકા, અમરાઈવાડીમાં 51.35 ટકા, દરિયાપુરમાં 57.80 ટકા, જમાલપુર-ખાડીયા 53.63 ટકા, મણિનગરમાં 56.98 ટકા, અસારવામાં 54.52 ટકા અને દાણીલીમડામાં 56.79 ટકા મતદાન નોંધાયું હતું.

આ પણ વાંચો - લોકસભા ચૂંટણી 2024 પરિણામ, શોભના બારૈયા ભાજપની આશા પર ખરા ઉતરશે કે પછી તુષાર ચૌધરી મારશે બાજી

2019માં શું હતું પરિણામ

2019 લોકસભા ચૂંટણીની વાત કરવામાં આવે ભાજપના ઉમેદવાર ડો. કિરીટ સોલંકીએ કોંગ્રેસના રાજુ પરમાર સામે 3,21,546 મતોથી વિજય મેળવ્યો હતો. ડો. કિરીટ સોલંકીને 64.35 ટકા અને રાજુ પરમારને 32.1 ટકા વોટ મળ્યા હતા.

લોકસભા ચૂંટણી અમદાવાદ પશ્ચિમ બેઠક પર ચૂંટાયેલા સાંસદ

• 2009 - ડો. કિરીટ સોસંકી (ભાજપ)
• 2014 - ડો. કિરીટ સોસંકી (ભાજપ)
• 2019 - ડો. કિરીટ સોસંકી (ભાજપ)
• 2024 - દિનેશ મકવાણા (ભાજપ)

અમદાવાદ પશ્ચિમ લોકસભા બેઠક 06 ઉમેદવારો