આણંદ અકસ્માત : અમદાવાદ વડોદરા હાઈવે પર આણંદ નજીક ટ્રક અને બસ અકસ્માત, 6ના મોત, 8 ઘાયલ

Accident news, આણંદ અકસ્માત : આજે સોમવારે વહેલી સવારે અમદાવાદ-વડોદરા એક્સપ્રેસ હાઈવે ઉપર આણંદ નજીક ટ્રક અને બસ વચ્ચે ભયાનક અકસ્માત થયો હતો. જેના પગલે છ લોકોના ઘટના સ્થળે જ મોત નીપજ્યા હતા જ્યારે 8 લોકો ઘાયલ થયા હતા. મળતી માહિતી પ્રમાણે ટ્રકનું ટાયર ફાટતા સાઈડમાં ઊભેલી બસને ટક્કર મારી હતી. જેના પગલે બસ ડિવાઈડર પર બેસેલા લોકો ઉપર ફરી વળી હતી. આમ ઘટના સ્થળે 6 લોકોના મોત નીપજ્યા હતા. જ્યારે 8 લોકો ઈજાગ્રસ્ત થતાં સારવાર અર્થે ખસેડવામાં આવ્યા હતા.

ઘટનાની જાણ થતાં જ સ્થાનિક પોલીસ અને 108ની ટીમો દોડતી થઈ હતી. ઘટના સ્થળે પહોંચીને પોલીસની ટીમે આગળની કાર્યવાહી હાથધરી છે. સ્થાનિક પોલીસ મૃતકોની ઓળખ સહિતની કામગીરી કરી રહી છે.

આ ઘટના અંગે વધુ માહિતીની રાહ જોવાઈ રહી છે… સમાચાર અપડેટ થઈ રહ્યા છે.