Bhavnagar Result 2024 Lok Sabha Election : લોકસભા ચૂંટણી 2024ના પરિણામ સામે આવી ગયા છે. ભાવનગર બેઠક પર ભાજપના નિમુબેન બાંબણિયાએ કોંગ્રેસ-આપના ઈન્ડિયા ગઠબંધનના ઉમેદવાર ઉમેશ મકવાણા સામે 4,55,289 મતોથી જીત મેળવી હતી. નિમુબેનને 7,16,883 મતો મળ્યા હતા. જ્યારે આપ પાર્ટીના ઉમેશ મકવાણાને 2,61,594 મતો મળ્યા હતા.
તમને જણાવી દઈએ કે, ભાજપના ભાવનગર ઉમેદવાર નિમુબેન બે વખત શહેર મેયર રહી ચુક્યા છે, સાથે પાંચ વર્ષ ગુજરાત ઠાકોર કોળી વિકાસ નિગમના ડિરેક્ટર પદ પણ સંભાળી ચુક્યા છે, અને ઠાકોર કોળી સમાજનો મોટો ચહેરો પણ માનવામાં આવે છે, અને બીન વિવાદીત વ્યક્તિ છે. જ્યારે આપ ઉમેદવાર ઉમેશ મકવાણાએ ભાજપના ઘનશ્યામ વિરાણી અને કોંગ્રેસના ઉમેદવાર મનહર પટેલને હરાવી બોટાદ ધારાસભ્ય તરીકે ચૂંટાઈ આવતા બધાને ચોંકાવી દીધા હતા.
ભાવનગર લોકસભા ચૂંટણી પરિણામ 2024: ભાજપ મજબૂત
ઉમેદવાર પક્ષ મળેલ મત હાર જીત ઉમેશ મકવાણા આપ 2,61,594 હાર નીમુબેન બાંભણિયા ભાજપ 7,16,883 જીત
ભાવનગર લોકસભા બેઠક મતદાન
ભાવનગર બેઠકના મતદાનની વાત કરીએ તો, તાજેતર 2024માં 53.92 ટકા મતદાન નોંધાયું છે, તો 2019માં 59.05 ટકા, 2014માં 57.58 ટકા અને 2009માં 45.15ટકા મતદાન નોંધાયું હતુ. જો ભાવનગર લોકસભા બેઠક અંતર્ગત આવતી સાત વિધાનસભા બેઠકોના મતદાનની વાત કરીએ તો, ભાવનગર ઈસ્ટમાં 59.86 ટકા મતદાન, ભાવનગર વેસ્ટમાં 55.87 ટકા, ભાવનગર ગ્રામ્યમાં 57.32 ટકા, બોટાદમાં 56.21 ટકા, ગઢડામાં 44.76 ટકા, પાલિતાણામાં 51.20 ટકા અને તળાજામાં 51.57 ટકા મતદાન નોંધાયું હતુ.
ભાવનગર લોકસભા બેઠક 2019 પરિણામ
ભાવનગર લોકસભા ચૂંટણી 2019 ના પરિણામ પર નજર કરીએ તો, ભાજપના ઉમેદવાર ભારતીબેન શિયાળને 761,273 મત, તો કોંગ્રેસ ઉમેદવાર મનહરભાઈ પટેલને 2,31,754 મત મળ્યા હતા. આ ચૂંટણીમાં ભાજપ 4,29,519 માર્જિન અને 31.65 ટકા વોટશેર સાથે જીત્યું હતુ.
ઉમેદવાર પાર્ટી કેટલા મત મળ્યા જીત-હાર ડો. ભારતીબેન શિયાળ ભાજપ 761,273 જીત મનહરભાઈ પટેલ કોંગ્રેસ 2,31,754 હાર ધરમસિંહ ધાપા વીપીઆરપી 7,836 હાર NOTA – 16,383
ભાવનગર લોકસભા બેઠક 2014 પરિણામ
ભાવનગર લોકસભા બેઠક પરિણામ 2014 ની વાત કરીએ તો, ભાજપે ભારતીબેન શિયાળને જ ટિકિટ આપી હતી. તેમને 5,49,529 મત, તો કોંગ્રેસ ઉમેદવાર પ્રવિણભાઈ રાઠોડને 2,54,041 અને આપ નેતા ડો કનુભાઈ કાલસરિયાને 49,540 મત મળ્યા હતા. ભારતીબેન 2,95,488 મત અને 32.21 વોટશેર સાથે જીત્યા હતા.
ઉમેદવાર પાર્ટી કેટલા મત મળ્યા જીત-હાર ડો. ભારતીબેન શિયાળ ભાજપ 5,49,529 જીત પ્રવિણભાઈ રાઠોડ કોંગ્રેસ 2,54,041 હાર ડો. કનુભાઈ કલસરિયા આપ 49,540 હાર NOTA – 9,590 –
ભાવનગર લોકસભા બેઠક 2009 પરિણામ
2009 ની લોકસભા ચૂંટણીના ભાવનગરના પરિણામને યાદ કરીએ તો, તે સમયે ભાજપના ઉમેદવાર રાજેન્દ્રસિંહ રાણા હતા, તો કોંગ્રેસ ઉમેદવાર મહાવીર સિંહ ગોહિલ વચ્ચે જંગ હતો. જેમાં રાજેન્દ્રસિંહ રાણાને 2,13,358 મત, મહાવીરસિંહ ગોહિલને 2,07,446 મત અને એમજેપી પાર્ટીના ગોરધન ઝડફિયાને 1,56,570 મત મળ્યા હતા. જેઓ પાછળથી ભાજપમાં જોડાઈ ગયા.
ઉમેદવાર પાર્ટી કેટલા મત મળ્યા જીત-હાર રાજેન્દ્રસિંહ રાણા ભાજપ 2,13,358 જીત મહાવીરસિંહ ગોહિલ કોંગ્રેસ 2,07,446 હાર ગોરધન ઝડફિયા એમ.જે.પી. 1,56,570 હાર
ભાવનગર લોકસભા બેઠક પરિણામ ઈતિહાસ
ભાવનગર લોકસભા બેઠકના ઈતિહાસની વાત કરીએ તો, ભાવનગર બેઠક પર 1952 થી અત્યાર સુધીમાં 18 વખત ચૂંટણી થઈ ચુકી છે. જેમાં આઠ વખત કોંગ્રેસની જીત, 1-1 વાર પ્રજા સોશિયલ પાર્ટી અને જનતા પાર્ટી તો 1991 થી સળંગ 33 વર્ષથી 8 વખતથી ભાજપ પાર્ટી ચૂંટણી આવી રહી છે.
વર્ષ ઉમેદવાર પાર્ટી 1952 ચિમનલાલ શાહ કોંગ્રેસ 1957 બલવંતરાય મહેતા કોંગ્રેસ 1962 જશવંત મહેતા પ્રજા સોશિયલ પાર્ટી 1967 જીવરાજ મહેતા કોંગ્રેસ 1969 પ્રસન્નભાઈ મહેતા કોંગ્રેસ 1971 પ્રસન્નભાઈ મહેતા કોંગ્રેસ 1977 પ્રસન્નભાઈ મહેતા જનતા પાર્ટી 1980 ગીગાભાઈ ગોહિલ કોંગ્રેસ (આઈ) 1984 ગીગાભાઈ ગોહિલ કોંગ્રેસ 1989 શશિભાઈ જામોદ કોંગ્રેસ 1991 મહાવીર ગોહિલ ભાજપ 1996 રાજેન્દ્રસિંહ રાણા ભાજપ 1998 રાજેન્દ્રસિંહ રાણા ભાજપ 1999 રાજેન્દ્રસિંહ રાણા ભાજપ 2004 રાજેન્દ્રસિંહ રાણા ભાજપ 2009 રાજેન્દ્રસિંહ રાણા ભાજપ 2014 ભારતીબેન શિયાળ ભાજપ 2019 ભારતીબેન શિયાળ ભાજપ
લોકસભા બેઠક પર કેટલા ઉમેદવારો મેદાનમાં હતા
ભાવનગર લોકસભા બેઠક પર 2024 ની ચૂંટણીમાં 13 ઉમેદવારો મેદાનમાં હતા, જોકે ખરો જંગ ભાજપ ઉમેદવાર નિમુબેન બાંભણિયા અને આપ ઉમેદવાર ઉમેશ મકવાણા વચ્ચે છે.
ક્રમ ઉમેદવાર પાર્ટી 1 ઉમેશ મકવાણા આમ આદમી પાર્ટી 2 દિનેશભાઈ રાઠોડ બસપા 3 નિમુબેન બાંંભણિયા ભાજપા 4 અનિલભાઈ ચાવડા સ્વતંત્ર અભિવ્યક્તિ પાર્ટી 5 શ્રી ટીડાભાઈ દેવશીભાઈ ગુજરાત સર્વ સમાજ પાર્ટી 6 રાજેશકુમાર પરમાર ન્યુ ઈન્ડિયા યુનાઈટેડ પાર્ટી 7 ભૂપતભાઈ વાળા રાઈટ ટુ રિકોલ પાર્ટી 8 સાગરભાઈ કલાણીયા આપકી આવાજ પાર્ટી 9 નરેશભાઈ રાઠોડ અપક્ષ 10 ભગવતીબેન બ્રહ્મક્ષત્રિય અપક્ષ 11 મૂળશંકરભાઈ ચૌહાણ અપક્ષ 12 સંજયભાઈ મકવાણા અપક્ષ 13 હર્ષ ગોકલાણી અપક્ષ
આ પણ વાંચો – શોભના બારૈયા ભાજપની આશા પર ખરા ઉતર્યા, તુષાર ચૌધરી સામે જીત મેળવી
ઉલ્લેખનીય છે કે રાજ્યમાં લોકસભા ચૂંટણી 2024 માં ગુજરાતમાં કોંગ્રેસ અને આપ ગઠબંધન સાથે ચૂંટણી લડી હતી. જેથી આ બેઠક પર કોંગ્રેસનો કોઈ ઉમેદવાર મેદાનમાં ન હતો.
