ગુજરાતના પૂર્વ ધારાસભ્ય મહેશ વસાવા અને મહેશ પટેલ ભાજપમાં જોડાયા

લોકસભાની ચૂંટણી પહેલા, કોંગ્રેસના એક પછી એક નેતાઓ ભાજપમાં જોડાઈ રહ્યા છે. હવે ભારતીય ટ્રાઇબલ પાર્ટી (BTP)ના નેતા અને ગુજરાતના નર્મદા જિલ્લાના ડેડિયાપાડા મતવિસ્તારના પૂર્વ ધારાસભ્ય મહેશ વસાવા ભાજપમાં જોડાયા છે, આ સિવાય કોંગ્રેસના પૂર્વ ધારાસભ્ય મહેશ પટેલ પણ સોમવારે સમર્થકો સાથે ભાજપમાં જોડાયા હતા. ભાજપ ગુજરાત અધ્યક્ષ પાર્ટી અધ્યક્ષ સી આર પાટીલએ બંનેને ખેસ કેસરીયો ખેસ ધારણ કરાવ્યો.

મહેશ વસાવા અને મહેશ પટેલ, રાજ્ય ભાજપના મુખ્યમથક શ્રી કમલમ ખાતે આયોજિત એક કાર્યક્રમમાં વિવિધ પક્ષોના 2,500 લોકોમાં સામેલ હતા જેઓ ભારતીય જનતા પાર્ટીમાં જોડાયા હતા.

ભાજપમાં જોડાયા બાદ મીડિયાને સંબોધતા વસાવાએ વડાપ્રધાન નરેન્દ્ર મોદીના વખાણ કર્યા હતા અને કહ્યું હતું કે, તેઓ 2002 માં પહેલીવાર ધારાસભ્ય બન્યા ત્યારથી મોદી સાથે તેમનો લાંબો સંબંધ રહ્યો છે. વસાવાએ કહ્યું કે, જે કામ કોંગ્રેસ સાત દાયકામાં કરી શકી નથી, તે કામ પીએમ મોદી, કેન્દ્રીય ગૃહમંત્રી અમિત શાહ અને ગુજરાતના મુખ્યમંત્રી ભૂપેન્દ્ર પટેલના નેતૃત્વમાં 10 વર્ષમાં થઈ ગયું છે.

BTP ભાજપમાં ભળી જશે કે કેમ તે અંગેના પ્રશ્નના જવાબમાં વસાવાએ કહ્યું, 'અમે તેના વિશે (પછીથી) વાત કરીશું.' જ્યારે તેમના પિતા અને ટોચના BTP નેતા છોટુ વસાવા સાથે મતભેદો વિશે પૂછવામાં આવ્યું ત્યારે તેમણે કહ્યું, 'તે અમારા વડીલ છે અને અમે તેમના આશીર્વાદથી આગળ વધી રહ્યા છીએ.'

મહેશ પટેલે તેમના તરફથી દેશની 'વિકાસ યાત્રા'માં તેમને સામેલ કરવા બદલ ભાજપનો આભાર માન્યો હતો. તેમણે કહ્યું કે, "ભવિષ્યમાં પાર્ટી મને જે પણ જવાબદારી આપશે તે હું ઈમાનદારીથી નિભાવીશ."

ભાજપમાં જોડાનારાઓમાં આમ આદમી પાર્ટી (AAP) ના ઘણા કાર્યકરો અને પૂર્વ મુખ્યમંત્રી અને કોંગ્રેસના નેતા છબીલદાસ મહેતાની પુત્રી નીતા મોદીનો પણ સમાવેશ થાય છે.

આ પણ વાંચો - પૂર્વ ધારાસભ્ય નિરંજન પટેલ ભાજપમાં જોડાયા: સીઆર પાટીલે જાતિની રાજનીતિ, ગરીબીના નારા પર કોંગ્રેસની કરી ટીકા

આ પ્રસંગે બોલતા પાટીલે ભાજપમાં જોડાનારા તમામનું સ્વાગત કર્યું અને કહ્યું કે, પીએમ મોદીના નેતૃત્વમાં બધાએ ભારતને વિકસિત દેશ બનાવવો છે. તેમણે કહ્યું કે, રાજકીય પંડિતો અને રાજકીય વિરોધીઓ પણ માને છે કે, મોદી 2024ની લોકસભા ચૂંટણી પછી ત્રીજી વખત વડાપ્રધાન તરીકે તૈયાર છે.