પાકિસ્તાનની જેલમાં ગુજરાતના વધુ એક માછીમારનું મોત, 3 મહિનામાં આ બીજું મૃત્યુ

ગોપાલ કટેસિયા : ગુજરાતના ગીર સોમનાથ જિલ્લાના એક માછીમારનું આ મહિનાની શરૂઆતમાં પાકિસ્તાનની જેલમાં મૃત્યુ થયું હતું, જે છેલ્લા ત્રણ મહિનામાં આ બીજું મૃત્યુ છે.

ગુજરાતમાં માછીમારોના કલ્યાણ માટે કામ કરતી બિન-સરકારી સંસ્થા (એનજીઓ) સમુદ્ર શ્રમિક સંઘ (એસએસએસ) એ મંગળવારે જણાવ્યું હતું કે, 55 વર્ષીય ભૂપતભાઈ જીવાભાઈ વાળાનો પરિવાર તેમના નશ્વર અવશેષોના વતન પરત આવવાની રાહ જોઈ રહ્યો છે.

બાલુ સોચા, પ્રમુખ, એસએસએસએ મંગળવારે ધ ઈન્ડિયન એક્સપ્રેસને જણાવ્યું હતું કે, "વાળાના પરિવારને કરાચી જેલમાં બંધ અન્ય સાથી માછીમારો તરફથી સમાચાર મળ્યા કે, તેનું 9 ઓક્ટોબર, 2023 ના રોજ અવસાન થયું હતું. ત્યારબાદ, પરિવારે અમારો સંપર્ક કર્યો, અંતિમ સંસ્કાર કરવા માટે વાળાના મૃતદેહને તેમના ગામમાં લાવવામાં મદદ માંગી છે."

માછીમારના પરિવારમાં તેની પત્ની મણિ, ત્રણ પુત્રીઓ અને એક પુત્ર છે, એમ એનજીઓએ ઉમેર્યું.

કોડીનાર બ્લોકના દુદાના ગામના રહેવાસી વાળાનું મૃત્યુ બ્લોક નાનાવાડા ગામના માછીમાર જગદીશ મંગલ બામણિયાના અંતિમ સંસ્કાર 17 સપ્ટેમ્બરના રોજ કરવામાં આવ્યાના, ત્રણ અઠવાડિયા પછી થયું છે.

બામણિયાનું આ વર્ષે 6 ઓગસ્ટના રોજ પાકિસ્તાનના કરાચીની મલીર જેલમાં અવસાન થયું હતું અને તેમના પરિવારને 42 દિવસ પછી તેમનો પાર્થિવ દેહ મળ્યો હતો.

ગીર સોમનાથ જિલ્લાના કોડીનાર શહેરમાં સ્થિત એનજીઓ એસએસએસએ જણાવ્યું હતું કે, વાળાને પાકિસ્તાન મરીન સિક્યુરિટી એજન્સી (PMSA) દ્વારા 12 ઓક્ટોબર, 2021ના રોજ અરબી સમુદ્રમાં રાજ ત્રિશુલ બોટ સાથે માછીમારી કરતી વખતે પકડવામાં આવ્યો હતો. પાકિસ્તાનની પ્રાદેશિક જળસીમાનું કથિત ઉલ્લંઘન કરી રહ્યું છે, જેને પગલે કરાચીની જેલમાં બંધ હતો.

પાકિસ્તાન ઈન્ડિયા પીપલ્સ ફોરમ ફોર પીસ એન્ડ ડેમોક્રેસી (PIPFPD) ના ભારતીય ચેપ્ટરના ભૂતપૂર્વ જનરલ સેક્રેટરી જતીન દેસાઈએ જણાવ્યું હતું કે, "તેમનું નામ જુલાઈની શરૂઆતમાં મુક્ત કરાયેલા ભારતીય કેદીઓની યાદીમાં સીરીયલ નંબર 112 પર હતું, જે સૂચવે છે કે, તે 100 માછીમારોના જૂથનો ભાગ ન હતા, જેમને કરાચી જેલમાંથી મુક્ત કરવામાં આવશે અને આ વર્ષે જુલાઈમાં ભારત પરત મોકલવામાં આવશે, જેની જાહેરાત કરવામાં આવી હતી. જોકે, અજ્ઞાત કારણોસર ત્યારથી મુક્તિ અને પ્રત્યાવર્તન અટકી ગયું છે."

આ પણ વાંચો - Navratri 2023 : વડોદરા, અમદાવાદથી કાઠિયાવાડ, અહીં થાય છે ગુજરાતના અનોખા ગરબા, જે જૂની પરંપરાને જીવંત રાખી રહ્યા

દેસાઈ, જે મુંબઈ સ્થિત પત્રકાર અને શાંતિ કાર્યકર્તા છે, તેમણે કહ્યું કે, પાકિસ્તાનમાં તેમના સમકક્ષોએ વાળાના મૃત્યુની પુષ્ટિ કરી છે. "જો કે, ભારત સરકારના વિદેશ મંત્રાલય (MEA) તરફથી કોઈ ઔપચારિક સંદેશાવ્યવહાર નથી."

ગુજરાતના મત્સ્યોદ્યોગ વિભાગના એક વરિષ્ઠ અધિકારીએ જણાવ્યું હતું કે, તેઓને પણ આ વિશે કોઈ ઔપચારિક માહિતી નથી. અધિકારીએ નામ ન આપવાની શરતે જણાવ્યું હતું કે, "અમને હજુ સુધી આ સંદર્ભમાં MEA તરફથી કોઈ સૂચના મળી નથી. માછીમારના પરિવારે સીધો અમારો સંપર્ક કર્યો નથી."