Gujarat Budget 2024 Highlights, ગુજરાતમાં કર વેરામાં કોઈ ફેરફાર નહીં, કનુ દેસાઈની જાહેરાત

Gujarat Budget 2024 Highlights, ગુજરાત બજેટ 2024: કેન્દ્રીય નાણામંત્રી નિર્મલા સીતારામને વર્ષ બજેટ 2024 રજૂ કર્યું છે. ત્યારે ગુજરાત સરકારના નાણામંત્રી કનુભાઈ દેસાઈ ગુજરાત વિધાનસભામાં સવારે ગુજરાત બજેટ 2024 કરી રહ્યા છે.. ગુજરાત બજેટ 2024માં ગુજરાતના નાગરિકોને ગણી અપેક્ષાઓ છે. રાજ્ય વિધાનસભાનાં બજેટ સત્રના બીજા દિવસે ગુજરાત બજેટ રજૂ કરવામાં આવશે. તેમજ 1 ફેબ્રુઆરીથી લઈ 29 ફેબ્રુઆરી સુધી બજેટ સત્ર ચાલુ રહેશે. એક મહિના સુધી ચાલનાર બજેટ સત્ર દરમ્યાન 26 બેઠકો યોજાશે.

ગુજરાત બજેટ 2024 પહેલા રાજ્યપાલ દેવવ્રત આચાર્યનું ભાષણ

ગુજરાત બજેટ સત્રમાં તેમના ભાષણમાં રાજ્યપાલે જણાવ્યું હતું કે, ગુજરાતના જે જિલ્લામાં પેન્શનરોની સંખ્યા વધુ છે એવા જિલ્લાઓમાં પેન્શનરોને હાલાકી ન પડે તે માટે પેન્શન ચૂકવવાના કચેરી અલગ શરૂ કરવામાં આવી છે. અત્યાર સુધીમાં અમદાવાદ, ગાંધીનગર, વડોદરા, રાજકોટ અને સુરત જિલ્લાઓમાં અલગ પેન્શન ચૂકવવાના કચેરી શરૂ કરવામાં આવી છે.

આ સિવાય વડોદરા, આણંદ, જામનગર, ભરૂચ અને વ્યારામાં કાર્યરત સરકારી ગ્રંથાલયોને ‘સ્માર્ટ ગ્રંથાલય’ તરીકે વિકસાવવાની કામગીરી અને રાજ્ય મધ્યસ્થ ગ્રંથાલય, ગાંધીનગરના આધુનિકરણની કામગીરી પ્રગતિ હેઠળ છે. તો ગુજરાત સરકારના ઘાસ સુધારણા કાર્યક્રમથી ઘાસ ઉત્પાદનમાં અકલ્પનીય સિદ્ધિ મળી છે. છેલ્લા દસ વર્ષમાં ઘાસના ઉત્પાદનમાં ૩.૫૩ ઘણી વૃદ્ધિ હાંસલ થઈ છે.

Feb 02, 2024 13:31 IST

Gujarat Budget 2024 : ગુજરાત બજેટ 2024 કયા વિભાગ માટે કેટલા કરોડ રુપિયાની જોગવાઇ કરાઇ, જાણો

Gujarat Budget 2024 : ગુજરાત બજેટ 2024 રજુ કરતાં નાણામંત્રી કનુ દેસાઇએ વિકાસનો સૂર વ્યક્ત કર્યો છે. ગુજરાત સરકાર તરફથી નાણામંત્રી કનુભાઈ દેસાઈ 2024-25 નું બજેટ રજૂ કર્યું, રાજ્ય સરકારે આ વખતે ઐતિહાસિક કુલ 3 લાખ 32 હજાર 465 કરોડનું બજેટ રજૂ કર્યું છે, નાણામંત્રી કનુભાઈ દેસાઈ તેમનું ત્રીજુ બજેટ રજૂ કરી રહ્યા છે. તો જોઈએ કયા વિભાગ માટે કેટલા કરોડ ફાળવવામાં આવ્યા છે. વધુ વાંચો





Feb 02, 2024 12:43 IST

Gujarat Budget 2024 Live Updates, ગુજરાત બજેટ 2024 : વન અને પર્યાવરણ વિભાગ માટે કુલ ₹ ૨૫૮૬ કરોડની જોગવાઇ

સાતત્યપૂર્ણ વિકાસ માટે વન અને પર્યાવરણ જતનના ક્ષેત્રોમાં પણ ગુજરાતે હરણફાળ ભરી છે. હાલમાં COP-28 માં માનનીય વડાપ્રધાન શ્રી નરેન્‍દ્રભાઇ મોદીએ ગ્રીન ક્રેડીટ પહેલની શરૂઆત કરેલ છે. નેટ ઝીરોના લક્ષ્યાંક હાંસલ કરવા અને મિશન લાઇફ થકી પર્યાવરણને અનુરૂપ જીવન શૈલીના સિદ્ધાંતોથી પર્યાવરણનું રક્ષણ કરવા સરકાર કટિબદ્ધ છે.





Advertisment

Feb 02, 2024 12:42 IST

Gujarat Budget 2024 Live Updates, ગુજરાત બજેટ 2024 : ક્લાઇમેટ ચેન્જ વિભાગ માટે કુલ ₹ ૧૧૬૩ કરોડની જોગવાઇ

રિન્યુએબલ ઊર્જા ક્ષેત્રે ગુજરાત મોખરાનું સ્થાન ધરાવે છે. જળવાયુ પરિવર્તનના પડકારોને પહોંચી વળવા ગ્રીન એનર્જી સાથે સરક્યુલર ઇકોનોમી પર ભાર મૂકવામાં આવી રહેલ છે. સૌર અને પવનઊર્જા સાથે ગ્રીન હાઇડ્રોજનને પણ વેગ આપવામાં આવશે. ગુજરાત રહેણાંક શ્રેણીમાં સોલાર રૂફ ટોપ સ્થાપિત કરવામાં ૮૨%ના ફાળા સાથે સમગ્ર દેશમાં પ્રથમ સ્થાને છે. મધ્યમ તેમજ નાના રહેણાંક ગ્રાહકો સોલાર રૂફ ટોપ યોજનાનો લાભ લઇ પોતાનું વીજબીલ ઘટાડી શકે તેમજ રાજયની ઊર્જા જરૂરિયાતને પહોંચી વળવામાં મહત્વનો ફાળો આપી શકે તે માટે સરકાર સતત પ્રયત્નશીલ છે. રૂફટોપ સોલર યોજનાને વધારે વેગ આપી અમુક વિસ્તારોને સંપૂર્ણપણે આવરી લેવાની સરકારની નેમ છે.





Feb 02, 2024 12:39 IST

Gujarat Budget 2024 Live Updates, ગુજરાત બજેટ 2024 : ગૃહ વિભાગ માટે કુલ ₹ ૧૦,૩૭૮ કરોડની જોગવાઇ

ગુજરાત પોલીસ રાજ્યમાં ગુનાખોરીના નિયંત્રણ તથા કાયદો અને વ્યવસ્થાની જાળવણીમાં મહત્વની ભૂમિકા ભજવે છે. સુરક્ષા વ્યવસ્થાને વધુ સુદ્રઢ કરવા અને પોલીસને SMART Police બનાવવાના પ્રયાસોના ભાગરૂપે પોલીસ મહેકમમાં વધારા સાથે આધુનિક વાહનો ખરીદવા અને તાલીમ આપવા ઉપર ભાર મૂકવામાં આવી રહેલ છે. ટ્રાફિક નિયમન અને માર્ગ સુરક્ષા વ્યવસ્થાને વધુ અસરકારક બનાવવા તથા ટેક્નોલોજીનો મહત્તમ ઉપયોગ કરવા વિવિધ યોજનાઓ હાથ ધરવામાં આવશે.





Feb 02, 2024 12:39 IST

Gujarat Budget 2024 Live Updates, ગુજરાત બજેટ 2024 : અન્ન, નાગરિક પુરવઠા અને ગ્રાહકોની બાબતોનો વિભાગ માટે કુલ ₹૨,૭૧૧ કરોડની જોગવાઇ

પાત્રતા ધરાવતાં કુટુંબોને અન્ન સલામતી સાથે પોષણક્ષમ આહાર મળી રહે તે માટે જાહેર વિતરણ વ્યવસ્થા હેઠળ રાહત દરે અનાજ અને અન્ય આવશ્યક ખાદ્યસામગ્રી આપવામાં આવે છે. પ્રધાનમંત્રી ગરીબ કલ્યાણ અન્ન યોજના દ્વારા રાજયના ૭૨ લાખ કુટુંબોને છેલ્લાં ચાર વર્ષમાં ૬૮ લાખ મેટ્રીક ટન અનાજ વિનામૂલ્યે પૂરૂ પાડી સરકારે ભગીરથ કાર્ય કરેલ છે. કેન્‍દ્ર સરકારે આ યોજનાને જાન્યુઆરી-૨૦૨૪ થી વધુ પાંચ વર્ષ માટે લંબાવેલ છે.





Feb 02, 2024 12:33 IST

Prashant Kishor Express Adda : પ્રશાંત કિશોર ‘એક્સપ્રેસ અડ્ડા’ ના મહેમાન, 2024 ની લોકસભાની ચૂંટણી ઉપરાંત ઘણા પ્રશ્નોના આપશે જવાબ



Prashant Kishor Express Adda : પ્રશાંત કિશોર (Prashant Kishor) પોલિટિકલ અને પોલ સ્ટ્રેટેજીસ્ટ છે, તેઓ નરેન્દ્ર મોદીના 2014ના અભિયાનથી શરૂ કરીને મમતા બેનર્જીની 2021ની જીત સુધીની અનેક ચૂંટણી જીતના પોલ સ્ટ્રેટેજીસ્ટ રહ્યા છે, તેમની ‘એક્સપ્રેસ અડ્ડા’ (Express Adda) ના મહેમાન રહ્યા, પ્રશાંત કિશોરની ધ ઈન્ડિયન એક્સપ્રેસના એક્ઝિક્યુટિવ ડિરેક્ટર અનંત ગોએન્કા (Ananth Goenka) અને ધ ઈન્ડિયન એક્સપ્રેસના નેશનલ ઓપિનિયન એડિટર વંદિતા મિશ્રા (Vandita Mishra) સાથે વાતચીત, વધુ વાંચો





Feb 02, 2024 12:32 IST

Gujarat Budget 2024, ગુજરાત બજેટ 2024 : નમો લક્ષ્મી યોજનાની જાહેરાત, શિક્ષણ વિભાગને શું મળ્યું?



Gujarat Budget 2024, ગુજરાત બજેટ 2024 : નાણામંત્રી કનુભાઈ દેસાઈએ પોતાનું ત્રીજું નાણાકિય વર્ષ 2024-25નું વાર્ષીય ગુજરાત બજેટ 2024 રજૂ કર્યું હતું. જેમાં શિક્ષણ વિભાગ માટે ₹ 55,114 કરોડની ફાળવણી કરવાની સાથે સાથે વિવિધ યોજનાઓની જાહેરાત કરી હતી. શિક્ષણમાં ગુણવત્તાયુક્ત પરિવર્તન કરવાની દિશામાં રાજ્ય સરકાર દ્વારા ખૂબ અસરકારક અને પરિણામલક્ષી કામગીરી થઇ રહી છે જેની નોંધ સમગ્ર દેશમાં અને વૈશ્વિક સ્તરે પણ લેવામાં આવી રહી છે. મિશન સ્કૂલ્સ ઓફ એક્સેલન્સ હેઠળ સરકારી તેમજ અનુદાનિત શાળાઓમાં પ્રાથમિક અને માધ્યમિક શિક્ષણને સુદ્રઢ બનાવવાના હેતુથી ઉચ્ચ કક્ષાની માળખાકીય સુવિધાઓ ઉભી કરવામાં આવી રહી છે. વધું વાંચો





Feb 02, 2024 12:32 IST

ગુજરાત બજેટ 2024 : મહેસાણા સહિત આ સાત નગરપાલિકાને મહાનગરપાલિકાનો દરજ્જો મળશે

ગુજરાત બજેટ 2024 : નાણા

મંત્રી કનુભાઈ દેસાઈ એ બજેટ રજૂ કરતા સમયે સાત નગરપાલિકાને મહાનગર પાલિકા બનાવવાની જાહેરાત કરી, જેમાં મહેસાણા, નવસારી, મોરબી, વાપી, ગાંધીધામ, આણંદ અને સુરેન્દ્રનગર-વઢવાણનો સમાવેશ થાય છે. વધુ વાંચો





Feb 02, 2024 12:31 IST

ગુજરાત બજેટ 2024 : કયા વિભાગ માટે કેટલા કરોડની જોગવાઈ



ગુજરાત બજેટ 2024 : ગુજરાત સરકાર તરફથી નાણામંત્રી કનુભાઈ દેસાઈ 2024-25 નું બજેટ રજૂ કર્યું, રાજ્ય સરકારે આ વખતે ઐતિહાસિક કુલ 3 લાખ 32 હજાર 465 કરોડનું બજેટ રજૂ કર્યું છે, નાણામંત્રી કનુભાઈ દેસાઈ તેમનું ત્રીજુ બજેટ રજૂ કરી રહ્યા છે. તો જોઈએ કયા વિભાગ માટે કેટલા કરોડ ફાળવવામાં આવ્યા છે. વધુ વાંચો





Feb 02, 2024 12:04 IST

Gujarat Budget 2024 Live Updates, ગુજરાત બજેટ 2024 : અન્ય જોગવાઈઓ

• ડૉ. આંબેડકર આવાસ યોજના અને પંડિત દીન દયાળ ઉપાધ્યાય આવાસ યોજના અંતર્ગત મકાન બાંધવા સહાય આપવા માટે ₹૨૪૩ કરોડની જોગવાઇ.

• ₹૧૨૨ કરોડના ખર્ચે બનનાર સરકારી કુમાર અને કન્યા છાત્રાલય અને આદર્શ નિવાસી શાળા માટે અદ્યતન સુવિધા સાથેના નવા મકાનો બાંધવા માટે પ્રથમ તબકકે ₹૪૦ કરોડની જોગવાઇ.

• ₹૬૮ કરોડના ખર્ચે નિર્માણ પામનાર ૪ નવા સમરસ કન્યા છાત્રાલયોના બાંધકામ માટે ₹૨૨ કરોડની જોગવાઇ.

• પાંચ નવા ચિલ્ડ્રન હોમ બનાવવા માટે ₹૧૫ કરોડની જોગવાઈ.





Feb 02, 2024 12:04 IST

Gujarat Budget 2024 Live Updates, ગુજરાત બજેટ 2024 : આર્થિક ઉત્કર્ષ

• ગુજરાત બિન અનામત શૈક્ષણિક અને આર્થિક વિકાસ નિગમ દ્વારા બિન અનામત વર્ગો માટે વિવિધ શૈક્ષણિક ધિરાણ અને સહાયની યોજનાઓ માટે ₹૬૦૦ કરોડની જોગવાઇ.

• અનુસૂચિત જાતિ વિકાસ નિગમ, સફાઇ કામદાર વિકાસ નિગમ, ડૉ.આંબેડકર અંત્યોદય વિકાસ નિગમ, ગુજરાત પછાત વર્ગ વિકાસ નિગમ, ગુજરાત અલ્પ સંખ્યક નાણા અને વિકાસ નિગમ, ગુજરાત ગોપાલક વિકાસ નિગમ, ગુજરાત ઠાકોર અને કોળી વિકાસ નિગમ અને ગુજરાત વિચરતી વિમુકત જાતિ વિકાસ નિગમને રાજય સરકારના ફંડમાંથી લાભાર્થીઓને ધિરાણ આપવા માટે ₹૨૫૦ કરોડની જોગવાઇ.

• માનવ ગરિમા યોજના અંતર્ગત અનુસૂચિત જાતિ અને વિકસતી જાતિના લાભાર્થીઓને વિનામૂલ્યે સ્વરોજગારીના સાધનો આપવા માટે ₹૫૯ કરોડની જોગવાઇ.





Feb 02, 2024 12:04 IST

Gujarat Budget 2024 Live Updates, ગુજરાત બજેટ 2024 : શૈક્ષણિક ઉત્કર્ષ

• પી.એમ. યશસ્વી શિષ્યવૃત્તિ યોજના અંતર્ગત ધોરણ-૯, ૧૦ અને પોસ્ટ મેટ્રીકના અંદાજે ૧૦ લાખ વિદ્યાર્થીઓને શિષ્યવૃત્તિ આપવા માટે ₹૫૪૦ કરોડની જોગવાઇ.

• ધોરણ-૧ થી ૧૦ માં અભ્યાસ કરતા અનુસૂચિત જાતિ અને વિકસતી જાતિના અંદાજે ૪૦ લાખ વિદ્યાર્થીઓને શિષ્‍યવૃત્તિ આપવા માટે ₹૩૬૦ કરોડની જોગવાઇ.

• ધોરણ-૧ થી ૮ માં ભણતા અનુસૂચિત જાતિ અને વિકસતી જાતિના અંદાજે ૩૮ લાખથી વધુ વિદ્યાર્થીઓને ગણવેશ સહાય માટે ₹૩૪૫ કરોડની જોગવાઇ.

• અનુસૂચિત જાતિ અને વિકસતી જાતિના ગ્રાન્ટ ઇન એઇડ છાત્રાલયો તેમજ આશ્રમ શાળાઓમાં અંદાજે ૧ લાખથી વધુ વિદ્યાર્થીઓને વિનામૂલ્યે રહેવા-જમવા અને ભણવાની સવલત આપવા માટે ₹૩૩૫ કરોડની જોગવાઇ.

• વિદેશમાં ઉચ્ચ અભ્યાસ માટે અનુસૂચિત જાતિ અને વિકસતી જાતિના અંદાજે ૧૦૦૦ વિધાર્થીઓને લોન આપવા માટે ₹૧૫૨ કરોડની જોગવાઇ.

• સરસ્વતી સાધના યોજના અંતર્ગત ધોરણ-૯માં અભ્યાસ કરતી અનુસૂચિત જાતિ અને વિકસતી જાતિની અંદાજે ૧ લાખ ૫૦ હજાર કન્‍યાઓને વિનામૂલ્‍યે સાયકલ આપવા માટે ₹૮૪ કરોડની જોગવાઇ.





Feb 02, 2024 12:03 IST

Gujarat Budget 2024 Live Updates, ગુજરાત બજેટ 2024 : સામાજિક ઉત્કર્ષ

• રાષ્ટ્રીય વૃધ્ધ પેન્શન યોજના અને રાજ્ય સરકારની નિરાધાર વૃધ્ધો માટે આર્થિક સહાય યોજના અંતર્ગત અંદાજિત ૧૧ લાખ લાભાર્થીઓને માસિક પેન્શન આપવા ₹૧૩૯૮ કરોડની જોગવાઈ.

• સંત સુરદાસ યોજનાનો લાભ, બી.પી.એલ. કાર્ડ સિવાયના વ્યક્તિઓ તથા ૦ થી ૧૭ વર્ષની ઉંમરના લોકોને પણ આપવાનો સરકારે નિર્ણય કરેલ છે. રાષ્ટ્રીય દિવ્યાંગ પેન્શન યોજના અને સંત સુરદાસ દિવ્યાંગ પેન્શન યોજના અંતર્ગત દિવ્યાંગોને પેન્શન આપવા કુલ ₹૮૭ કરોડની જોગવાઈ.

• મસ્ક્યુલર ડિસ્ટ્રોફી, થેલેસેમિયા, ક્રોનિક ન્યુરોલોજિકલ સ્થિતિ જેવી ૪૦% કે તેથી વધુ દિવ્યાંગતા ધરાવતા દિવ્યાંગજનોને પણ માસિક પેન્‍શન આપવાનો સરકારે નિર્ણય કર્યો છે. બૌદ્ધિક અસર્મથતા ધરાવતા (મનો દિવ્યાંગ) ૭૦ હજાર લાભાર્થીઓને માસિક પેન્‍શન આપવા માટે ₹૮૪ કરોડની જોગવાઈ.

• દિવ્યાંગ વ્યક્તિને એસ.ટી બસમાં નિ:શુલ્ક મુસાફરી આપવાની યોજના હેઠળ પાર્કિન્સન, હિમોફિલિયા, મસ્ક્યુલર ડિસ્ટ્રોફી, થેલેસેમિયા, ક્રોનિક ન્યુરોલોજિકલ જેવી દિવ્યાંગતામાં તેમની સાથે તેમના સહાયકને પણ ૧૦૦% નિ:શુલ્ક મુસાફરીનો લાભ આપવાનો સરકારે નિર્ણય કરેલ છે. દિવ્યાંગજનોને સાધન સહાય તથા એસ.ટી. બસમાં નિ:શુલ્ક મુસાફરીનો લાભ આપવા ₹૬૫ કરોડની જોગવાઈ.

• અનુસૂચિત જાતિ અને વિકસતી જાતિની અંદાજે ૬૧ હજાર કન્‍યાઓને મામેરા માટે સહાય આપવા ₹૭૪ કરોડની જોગવાઇ.

• પાલક માતા-પિતા યોજના હેઠળ નિરાધાર બાળકોને માસિક ધોરણે આર્થિક સહાય આપવા માટે ₹૭૪ કરોડની જોગવાઈ.

• પાલક માતા-પિતા અને મુખ્યમંત્રી બાળ સેવા યોજનાનો લાભ લેતી કન્યાઓના લગ્ન સમયે ₹૨ લાખની સહાય આપવા ₹૩૦ કરોડની જોગવાઈ.

• ડૉ. સવિતા આંબેડકર આંતરજ્ઞાતિય લગ્ન સહાય યોજનામાં યુગલોને સહાય આપવા માટે ₹૨૦ કરોડની જોગવાઇ.

• સંકટમોચન યોજના અંતર્ગત ગરીબી રેખા હેઠળનાં કુટુંબનાં મુખ્ય કમાનાર વ્યકિતના દુ:ખદ અવસાન બાદ કુટુંબને સહાય માટે ₹૨૦ કરોડની જોગવાઈ.

• સાતફેરા સમૂહ લગ્ન યોજના અંતર્ગત અનુસૂચિત જાતિ અને વિકસતી જાતિના અંદાજે ૫૦૦૦ યુગલોને સહાય આપવા ₹૮ કરોડની જોગવાઇ.

• દિવ્યાંગ લગ્ન સહાય યોજના હેઠળ ₹૭ કરોડની જોગવાઈ.





Feb 02, 2024 12:03 IST

Gujarat Budget 2024 Live Updates, ગુજરાત બજેટ 2024 : સામાજિક ન્યાય અને અધિકારીતા વિભાગ માટે કુલ ₹૬૧૯૩ કરોડની જોગવાઇ

સમાજના જરૂરિયાતમંદ, નબળા અને વંચિત વર્ગને સામાજિક સુરક્ષા પૂરી પાડી સામાજિક ન્યાય સુનિશ્ચિત કરવો તે અમારી સરકારની પ્રાથમિકતા છે. અનુસૂચિત જાતિ, સામાજિક અને શૈક્ષણિક રીતે પછાતવર્ગો, વિચરતી અને વિમુક્ત જાતિ, આર્થિક રીતે પછાત વર્ગ અને લઘુમતીઓ જેવા વિવિધ સામાજિક વર્ગોનો સામાજિક ઉત્કર્ષ થાય અને તેઓ નવી આર્થિક તકોનો લાભ લઇ શકે, તેવી કલ્યાણકારી યોજનાઓ સરકારે અમલમાં મૂકી છે. વૃદ્ધો અને દિવ્યાંગો જેવા વિશિષ્ટ જરૂરિયાત ધરાવતા વર્ગો માટે પેન્‍શન યોજનાઓ પણ અમલમાં છે.





Feb 02, 2024 12:01 IST

Gujarat Budget 2024 Live Updates, ગુજરાત બજેટ 2024 : રાજયમાં અંદાજે નવ લાખ જેટલા ખેડૂતો પ્રાકૃતિક ખેતી કરતાં થયા

જળવાયુ પરિવર્તનના પડકારો સામે વસતિની અન્નની જરૂરિયાતને સંતોષવા પ્રાકૃતિક ખેતી અને જાડાધાનને પ્રોત્સાહન આપવું જરૂરી બન્યું છે. રાજયમાં અંદાજે નવ લાખ જેટલા ખેડૂતો પ્રાકૃતિક ખેતી કરતાં થયા છે. પ્રાકૃતિક ખેતીનો વ્યાપ વધારી, વધારે ખેડૂતોને આ દિશામાં આકર્ષવા અમારી સરકારે અનેકવિધ પગલાઓ લીધેલ છે.





Feb 02, 2024 11:58 IST

Gujarat Budget 2024 Live Updates, ગુજરાત બજેટ 2024 : ગુજરાતની મહિલાઓએ અગ્રગણ્ય ભૂમિકા

આજે ભારત જ્યારે અન્ન સુરક્ષા મેળવી, વિશ્વબજારમાં અન્ય પાકોના ઉત્પાદન પર ધ્યાન કેન્‍દ્રિત કરી રહ્યું છે ત્યારે ગુજરાતે પણ રોકડીયા પાકો જેવા કે કપાસ, તેલીબિયા, મસાલા પાકો અને બાગાયતી પાકો થકી કૃષિ ઉત્પાદનની ગતિ જાળવી રાખેલ છે. શ્વેતક્રાંતિની આગેવાની લઇ દેશમાં દૂધ ઉત્પાદનના ક્ષેત્રે ક્રાંતિકારી પરિવર્તન લાવવામાં ગુજરાતની મહિલાઓએ અગ્રગણ્ય ભૂમિકા ભજવેલ છે. છેલ્લાં દશકમાં કૃષિ અને આનુષાંગિક ક્ષેત્રે ૧૧.૨%નો વૃદ્ધિ દર હાંસલ કરી અન્નદાતાઓની આવક વધારવા કરેલ સંકલ્પને અમારી સરકારે મૂર્તિમંત કરેલ છે.





Feb 02, 2024 11:49 IST

Gujarat Budget 2024 Live Updates, ગુજરાત બજેટ 2024 : યુવાધનને રોજગારી આપવામાં ગુજરાતે દેશમાં મોખરાનું સ્થાન મેળવેલ

રાજયમાં થયેલ આર્થિક અને સામાજિક વિકાસને કારણે રોજગારીની વિપુલ તકોનું સર્જન થયેલ છે. યુવાધનને રોજગારી આપવામાં ગુજરાતે દેશમાં મોખરાનું સ્થાન મેળવેલ છે. ઉચ્ચ ટેકનિકલ અને મૂલ્યવર્ધન કરનાર ઉદ્યોગો, નવા સેવાકીય સેકટરો અને વૈશ્વિક બજારમાં કુશળ વર્કફોર્સની માંગને પહોંચી વળવા સરકારે યુવાધનને તાલીમબદ્ધ કરવાનો નિર્ધાર કર્યો છે. રાજયના યુવાધનનો શિક્ષણ સાથે કૌશલ્ય વિકાસ કરવા માટે ભવિષ્યલક્ષી આયોજન કરવું એ અમારી નેમ છે.





Feb 02, 2024 11:47 IST

Gujarat Budget 2024 Live Updates, ગુજરાત બજેટ 2024 : આઇ.ટી., નાણાકીય સેવાઓ, ફિનટેક, પ્રવાસન જેવા ક્ષેત્રોમાં રોજગારીની દૂરોગામી સંભાવનાઓ

અમૃતકાળમાં સેવાક્ષેત્રે વિકાસ દર વધારવા અમારી સરકાર કામ કરી રહી છે. આઇ.ટી., નાણાકીય સેવાઓ, ફિનટેક, પ્રવાસન જેવા ક્ષેત્રોમાં રોજગારીની દૂરોગામી સંભાવનાઓ રહેલી છે. આ ક્ષેત્રના વિકાસ અને મૂડી રોકાણ માટે સરકારે આંતરમાળખાકીય સુવિધાઓ પૂરી પાડી આઇ.ટી./બી.ટી., ઇલેક્ટ્રોનિક્સ, સેમી કન્‍ડકટર સેકટર માટે વિવિધ નીતિઓ ઘડેલ છે.





Feb 02, 2024 11:47 IST

Gujarat Budget 2024 Live Updates, ગુજરાત બજેટ 2024 : સફેદ રણનાં હાર્દસમા કચ્છના ધોરડોને યુનાઇટેડ નેશન્સ વર્લ્ડ ટૂરિઝમ ઓર્ગેનાઇઝેશન દ્વારા “બેસ્ટ ટુરિઝમ વિલેજ” નો એવોર્ડ

ભક્તિ, શક્તિ તેમજ સંસ્કૃતિના પર્યાયસમા ગરવી ગુજરાતના પરંપરાગત “ગરબા”ને યુનેસ્કો દ્વારા માનવ સભ્યતા માટે “ઇન્‍ટેંજિબલ કલ્ચરલ હેરિટેજ” જાહેર કરાયેલ છે, જે આપણા સૌ માટે ગૌરવની વાત છે. સફેદ રણનાં હાર્દસમા કચ્છના ધોરડોને યુનાઇટેડ નેશન્સ વર્લ્ડ ટૂરિઝમ ઓર્ગેનાઇઝેશન દ્વારા “બેસ્ટ ટુરિઝમ વિલેજ” નો એવોર્ડ મળેલ છે. માનનીય વડાપ્રધાન નરેન્‍દ્રભાઇ મોદીના દૂરોગામી વિઝનથી વિકાસ પામેલ ધોરડો અને સ્ટેચ્યુ ઓફ યુનિટી-એકતાનગરના કારણે રાજય MICE (મિટીંગ, ઇન્‍સેન્‍ટીવ, કોન્‍ફરન્‍સ અને એક્ઝિબિશન) ઇન્‍ડસ્ટ્રી માટે બેસ્ટ ચોઇસ બની રહ્યું છે.





Feb 02, 2024 11:45 IST

Gujarat Budget 2024 Live Updates, ગુજરાત બજેટ 2024 : પાંચ આઇકોનિક પ્રવાસન સ્થળોના વિકાસ

પાંચ આઇકોનિક પ્રવાસન સ્થળોના વિકાસ સાથે પ્રવાસન ક્ષેત્રને ઉત્તેજન આપવા માટે વર્ષ ૨૦૨૩-૨૪ના બજેટમાં નોંધપાત્ર વધારાની જાહેરાત કરવામાં આવેલ હતી. જે અન્‍વયે સુનિયોજિત રણનીતિ સાથે અમે આગળ વધી રહ્યાં છીએ. ઉત્તર ગુજરાતના અંબાજી-ધરોઇ-તારંગા-વડનગર વિસ્તારનો વર્લ્ડ કલાસ સસ્ટેનેબલ ટૂરિસ્ટ પિલ્ગ્રિમેજ ડેસ્ટીનેશન તરીકે વિકાસ કરવામાં આવી રહ્યો છે. અમારી સરકારના આવા પગલાઓથી પ્રવાસન ક્ષેત્રે મોટા પ્રમાણમાં સારી આવક આપતી રોજગારીના સર્જનની સાથોસાથ સાંસ્કૃતિક ધરોહરનું સંરક્ષણ અને વિકાસ થશે. અયોધ્યાધામ ખાતે ગુજરાતી પ્રવાસીઓની સગવડો અર્થે ગુજરાત યાત્રી ભવન માટે જમીન મેળવી લેવામાં આવેલ છે અને તેના નિર્માણનું કાર્ય ટૂંક સમયમાં હાથ ધરવામાં આવશે.





Feb 02, 2024 11:45 IST

Gujarat Budget 2024 Live Updates, ગુજરાત બજેટ 2024 : સ્ટાર્ટ-અપ પ્રતિભાશાળી યુવાઓને ઉદ્યોગ જગત સાથે જોડતી મહત્વપૂર્ણ કડી

સ્ટાર્ટ-અપ પ્રતિભાશાળી યુવાઓને ઉદ્યોગ જગત સાથે જોડતી મહત્વપૂર્ણ કડી છે. મને જણાવતાં આનંદ થાય છે કે ગુજરાતે છેલ્લાં ત્રણ વર્ષથી સ્ટાર્ટઅપ ક્ષેત્રે દેશમાં પ્રથમ સ્થાન જાળવી રાખેલ છે. સરકારે ઉચ્ચ તકનીકી શિક્ષણ સંસ્થાઓથી માંડી ઉદ્યોગક્ષેત્રે સ્ટાર્ટઅપને પ્રોત્સાહન આપવા વિવિધ યોજનાઓ અમલમાં મૂકી છે.





Feb 02, 2024 11:44 IST

Gujarat Budget 2024 Live Updates, ગુજરાત બજેટ 2024 : વિકસિત ગુજરાત @૨૦૪૭ ના અમારા આયોજનમાં ઉદ્યોગોનો મહત્વનો ફાળો રહેશે

વિકસિત ગુજરાત @૨૦૪૭ ના અમારા આયોજનમાં ઉદ્યોગોનો મહત્વનો ફાળો રહેશે. હાલના મહત્વના ક્ષેત્રો જેમ કે ટેકસટાઇલ, કેમિકલ, ફાર્માસ્યુટિકલ, મશીનરી, ઓટોમોબાઇલ વગેરે સાથે સસ્ટેનેબલ મેન્યુફેકચરિંગ માટે સેમિકન્‍ડકટર, ગ્રીન એનર્જી, ગ્રીન હાઇડ્રોજન, બેટરી અને તેનાથી સંચાલિત વાહનો આધારિત ઉદ્યોગો ભવિષ્યમાં ગુજરાતના વિકાસના પાયામાં રહે તેવા પ્રયત્નો સરકારે આદર્યા છે. તાજેતરમાં યોજાયેલ વાઇબ્રન્‍ટ ગુજરાતની ૧૦મી આવૃતિમાં ઉદ્યોગકારોએ દાખવેલ રસ દર્શાવે છે કે ભવિષ્યલક્ષી ઉદ્યોગ ક્ષેત્રે (ન્યુએજ AI/ML, IoT વગેરે) ગુજરાત દેશમાં જ નહી પરંતુ વિશ્વમાં અગ્રણી બની રહેશે.





Feb 02, 2024 11:33 IST

Gujarat Budget 2024 Live Updates, ગુજરાત બજેટ 2024 : 7 નગરપાલિકા બનશે મહાનગરપાલિકા, કનુ દેસાઈની જાહેરાત

ગુજરાત બજેટ 2024માં કનુભાઈ દેસાઈએ રાજ્યની મહેસાણા, વાપી, આણંદ, સુરેન્દ્રનગર- વઢવાણ, નવસારી, મોરબી, ગાંધીધામ નગરપાલિકાને મહાનગરપાલિકાનો દરજ્જો આપવાની જાહેરાત કરી.





Feb 02, 2024 11:28 IST

Gujarat Budget 2024 Live Updates, ગુજરાત બજેટ 2024 : વિવિધ ક્ષેત્રો માટેની જોગવાઈ

ક્લાઈમેટ ચેન્જ વિભાગ માટે કુલ 1163 કરોડની જોગવાઈ

ગૃહ વિભાગ માટે કુલ 10378 કરોડની જોગવાઈ

કાયદા વિભાગ માટે કુલ 2559 કરોડની જોગવાઈ

મહેસુલ વિભાગ માટે કુલ 5195 કરોડની જોગવાઈ

સામાન્ય વહીવટી વિભાગ માટે 2239 કરોડની જોગવાઈ

માહિતી અને પ્રસારણ વિભાગ માટે 384 કરોડની જોગવાઈ




• Feb 02, 2024 11:28 IST

  Gujarat Budget 2024 Live Updates, ગુજરાત બજેટ 2024 : વિવિધ ક્ષેત્રો માટેની જોગવાઈ

• વિજ્ઞાન અને પ્રૌદ્યોગિકી વિભાગ માટે 2421 કરોડની જોગવાઈ
• કૃષિ ખેડૂત કલ્યાણ અને સહકાર વિભાગ માટે 22194 કરોડની જોગવાઈ
• ઉદ્યોગ અને ખાણ વિભાગ માટે કુલ 9228 કરોડની જોગવાઈ
• પ્રવાસન યાત્રાધામ અને નાગરિક ઉડ્ડયન માટે 2098 કરોડની જોગવાઈ
• વન અને પર્યાવરણ વિભાગ માટે કુલ 2586 કરોડની જોગવાઈ