ગુજરાત : લોકસભા ચૂંટણી પહેલા કોંગ્રેસના મનોબળમાં વધારો : BJP, AAP, BTP ના 500 નેતાઓ અને કાર્યકરો પાર્ટીમાં જોડાયા

Gujarat Congress : લોકસભા ચૂંટણી (Lok Sabha Election 2023) પહેલા ગુજરાત કોંગ્રેસના મનોબળમાં વધારો થયો છે. રાજ્યમાં ભાજપ, આમ આદમી પાર્ટી (AAP) અને ભારતીય ટ્રાઇબલ પાર્ટી (BTP) ના ઓછામાં ઓછા 500 નેતાઓ અને કાર્યકરો ગુરુવારે ગુજરાતની મોટી જૂની પાર્ટીમાં જોડાયા છે.

અમદાવાદમાં રાજીવ ગાંધી ભવનમાં ઓલ ઈન્ડિયા કોંગ્રેસ કમિટી (AICC) ના જનરલ સેક્રેટરી મુકુલ વાસનિક અને ગુજરાત પ્રદેશ કોંગ્રેસ કમિટી (GPCC) ના વડા શક્તિસિંહ ગોહિલની હાજરીમાં પાર્ટીમાં તેમનું સ્વાગત કરવામાં આવ્યું હતું.

કોંગ્રેસના પ્રવક્તા મનીષ દોશીએ ધ ઈન્ડિયન એક્સપ્રેસને જણાવ્યું હતું કે, “અન્ય રાજકીય સંગઠનોના 500 થી વધુ નેતાઓ કોંગ્રેસમાં જોડાયા. જેમાં AAP ના 250, BJP ના 70 અને BTP ના બાકીના સભ્યોનો સમાવેશ થાય છે. એકલા સાબરકાંઠા જિલ્લામાંથી કુલ 310 આગેવાનો જોડાયા હતા. જેમાં ભાજપના 53, BTP ના 154 અને AAP ના 86 નો સમાવેશ થાય છે. આ ઉપરાંત, સૌરાષ્ટ્ર, ઉત્તર ગુજરાત અને મધ્ય ગુજરાત પ્રદેશોના વધારાના 200 નેતાઓ અને કાર્યકરો પણ પાર્ટીમાં જોડાયા છે”.

,

• ભારતીય જનતા પાર્ટી, આમ આદમી પાર્ટીના હોદ્દેદારો, કાર્યકરો અને આગેવાનો તિરંગો ખેસ ધારણ કરીને કોંગ્રેસ પક્ષમાં વિધીવત રીતે જોડાયા.
• ધરમપુર વિધાનસભાના પૂર્વ ધારાસભ્યશ્રી ઈશ્વરભાઈ ડી. પટેલ સહિત અનેક આગેવાનો કોંગ્રેસ પક્ષમાં જોડાયા.
• રાષ્ટ્રીય અને આંતરરાષ્ટ્રીય ખેલ સ્પર્ધામાં… pic.twitter.com/wO2zHu0djY

— Gujarat Congress (@INCGujarat) October 19, 2023

ભાજપમાંથી કોંગ્રેસમાં જોડાનાર અગ્રણી સભ્યોમાં ગીર સોમનાથ જિલ્લાના કોડીનાર તાલુકાના ભાજપના પૂર્વ પ્રમુખ પ્રવિણસિંહ ઝાલાનો સમાવેશ થાય છે. આ ઉપરાંત સંતરામપુર નગરપાલિકાના પૂર્વ સદસ્ય હર્ષદ મહેતાએ પણ સ્વીચ કર્યું હતુ.

આ પણ વાંચો - ખેડા થાંભલે પકડી માર મારવાનો મામલો : ગુજરાત હાઈકોર્ટે ચાર પોલીસકર્મીઓને 14 દિવસની જેલ ફટકારી, શું છે પૂરો મામલો?

શક્તિસિંહ ગોહિલે જણાવ્યું હતું કે, “એક પ્રખ્યાત વકીલ અને રમતવીર મોહમ્મદ આરિફ અંસારી AAP છોડીને કોંગ્રેસમાં જોડાઈ ગયા છે. હું તેમને મારા હૃદયથી આવકારું છું.”

દોશીએ ઉમેર્યું હતું કે, ધરમપુરના પૂર્વ ધારાસભ્ય ઈશ્વર પટેલ અને AAP ના નર્મદા જિલ્લાના પૂર્વ વડા ધરમવેન્દ્ર ગોહિલ, અન્ય AAP નેતાઓ કોંગ્રેસમાં જોડાયા હતા.