Gujarat Summer weather update : ગુજરાતમાં સતત બીજા દિવસે ગરમીમાં આંશિક રાહત, ક્યાં કેટલી ગરમી નોંધાઈ?

Gujarat Summer weather update, ગુજરાત વેધર :ગુજરાતમાં સતત બીજા દિવસે મહત્તમ તાપમાનમાં ઘટાડો નોંધાયો હતો. જેના પગલે લોકોને ગરમીમાંથી આંશિક રાહત મળી હતી. બે દિવસ પહેલા રાજ્યમાં મહત્તમ તાપમાન 43 ડિગ્રી નજીક પહોંચી ગયું હતું. જોકે, સતત બે દિવસથી મહત્તમ તાપમાનમાં ઘટાડો નોંધાતા તાપમાન 40 ડિગ્રી નજીક પહોંચ્યું છે.

40 ડિગ્રી મહત્તમ તાપમાન સાથે કંડલા રાજ્યનું સૌથી ગરમ શહેર રહ્યું

ગુજરાતમાં તાપમાનમાં ઘટાડો થઈ રહ્યો છે. ત્યારે હવામાન વિભાગે આપેલા તાપમાનના આંકડા પ્રમાણે ગુજરાતમાં 31.4 ડિગ્રીથી લઈને 40.7 ડિગ્રી વચ્ચે મહત્તમ તાપમાન નોંધાયું હતું. જેમાં કંડલા પોર્ટ અને કંડલા એરપોર્ટ અનુક્રમે 40.7 ડિગ્રી અને 40 ડિગ્રી મહત્તમ તાપમાન નોંધાયું હતું. જ્યારે દ્વારકામાં 31.4 ડિગ્રી મહત્તમ તાપમાન નોંધાયું હતું.

અમદાવાદ અને ગાંધીનગરમાં તાપમાન 39 ડિગ્રી નજીક પહોંચ્યું

રાજ્યના મોટા ભાગના વિસ્તારોમાં મહત્તમ તાપમાનન 39 ડિગ્રીથી નીચે ઉતરી ગયું છે ત્યારે અમદાવાદ અને ગાંધીનગરમાં પણ મહત્તમ તાપમાન 39.3 ડિગ્રી અને 39.4 ડિગ્રી નોંધાયું હતું. અમદાવાદમાં સવારમાં થોડી ઠંડકનો અનુભવ થાય છે જોકે, બપોરે આકરી ગરમી અનુભવાઈ રહી છે. છેલ્લા બે દિવસમાં તાપમાનમાં ઘટાડો થતાં લોકોને ગરમીમાંથી આંશિક રાહત મળી હતી.

ગુજરાતમાં ક્યાં કેટલું તાપમાન નોંધાયું?

ગુજરાતના તમામ સમાચારો વાંચવા માટે અહીં ક્લિક કરો

ગરમી અંગે હવામાન વિભાગે શું કરી આગાહી?

ગુજરાતમાં ઉનાળો જામી ગયો છે. શરુઆતમાં ઉનાળાએ પોતાનું રૌદ્ર સ્વરૂપ દેખાડવાનું શરૂ પણ કરી દીધું હતું. જોકે છેલ્લા બે દિવસથી તાપમાનમાં સતત ઘટાડો નોંધાઈ રહ્યો છે. હવામાન વિભાગે આગામી 3 દિવસમાં મહત્તમ તાપમાનમાં 2-3 ડિગ્રી સુધી ઘટાડો નોંધાવાની શક્યતા સેવી છે.