scorecardresearch

ગુજરાત ગોપનીય : અર્થતંત્ર પર ફોકસ

Gujarat Focus on economy : ગુજરાત સરકાર (Gujarat Goverment) નું ફોકસ એક ટ્રિલિયન અર્થતંત્ર (Economy) બનાવવા પર રહે તેવી સંભાવના, આ માટે બજેટ (Gujarat Budget) માં પણ તેની યોજના હોવાનો અંદાજ છે. અધિકારીઓને શું સૂચના આપવામાં આવી.

ગુજરાત ગોપનીય : અર્થતંત્ર પર ફોકસ
સીએમ ભૂપેન્દ્ર પટેલ

તાજેતરમાં યોજાયેલી ગુજરાત વિધાનસભાની ચૂંટણીમાં સત્તામાં આવ્યા બાદ ભૂપેન્દ્ર પટેલની આગેવાની હેઠળની ભાજપ સરકારે આગામી વર્ષના બજેટની તૈયારીઓ શરૂ કરી દીધી છે. સરકારમાં ઉચ્ચ પદે રહેલા સૂત્રોએ જણાવ્યું હતું કે, સરકારના બજેટમાં ગુજરાતને એક ટ્રિલિયનનું અર્થતંત્ર બનાવવાની લાંબા ગાળાની યોજના હોવાની સંભાવના છે. એક વરિષ્ઠ સરકારી અધિકારીએ જણાવ્યું હતું કે, બજેટની તૈયારીઓ શરૂ થઈ ગઈ છે અને નજીકના ભવિષ્યમાં ગુજરાતને એક ટ્રિલિયન અર્થતંત્ર બનાવવા પર ધ્યાન કેન્દ્રિત કરવામાં આવશે. અને આ માટે અધિકારીએ કહ્યું કે, તેમને આગામી 100 દિવસ માટે રાજ્ય સરકાર માટે લાંબા ગાળાની યોજના બનાવવાની સૂચના આપવામાં આવી રહી છે.

અનુસરવા માટેનું મોડેલ

ઉદ્યોગ, નાગરિક ઉડ્ડયન અને શ્રમ અને રોજગાર વિભાગના કેબિનેટ પ્રધાન બલવંતસિંહ રાજપૂતે શુક્રવારે મુખ્ય પ્રધાન ભૂપેન્દ્ર પટેલને એક પત્ર સુપરત કર્યો હતો જેમાં તેમણે નિયમો મુજબ પ્રધાનોને આપવામાં આવતા પગાર અને ભથ્થાં ન લેવાનું પસંદ કર્યું છે. સીએમને પત્ર સોંપતા રાજપૂતે પૂર્વથી જ આ અંગે જરૂરી કાર્યવાહી કરવા વિનંતી પણ કરી છે. બલવંતસિંહ રાજપૂત પાટણ જિલ્લાના સિદ્ધપુર મતદારક્ષેત્રમાંથી ચૂંટાયા છે. રાજપૂતે 2017માં કોંગ્રેસ છોડી દીધી હતી અને તે વર્ષે યોજાયેલી રાજ્યસભાની ચૂંટણીમાં કોંગ્રેસના દિવંગત નેતા અહેમદ પટેલને ભાજપના ઉમેદવાર તરીકે અસફળ પડકાર ફેંક્યો હતો.

Web Title: Gujarat government focus on economy budget long term plan one trillion economy

Best of Express