ગુજરાત વરસાદ આગાહી : આજે અમદાવાદ સહિત ગુજરાતના 30થી વધુ જિલ્લામાં ગાજવીજ સાથે વરસાદ પડશે, 24 કલાકમાં ક્યાં કેટલો વરસાદ પડ્યો?

Gujarat Rain Forecast, ગુજરાત વરસાદ આગાહી, ગુજરાત વેધર : ગુજરાતમાં ચોમાસાની શરુઆત થવાની સાથે જ મોટાભાગના વિસ્તારોમાં વરસાદ પડવાનો શરૂ થઈ ગયો છે ખાસ કરીને દ્વારકા જિલ્લામાં વરસાદ મનમૂકીને વરસી રહ્યો છે. ત્યારે હવામાન વિભાગે આજે અમદાવાદ, ગાંધીનગર સહિત રાજ્યના 30થી વધુ જિલ્લાઓમાં ગાજવીજ સાથે વરસાદની આગાહી કરી છે. આ વિસ્તારોમાં વાવાઝોડા, વીજળીના કડાકાભડાકા સાથે વરસાદ અને ભારે પવન પણ ફૂંકાશે.

હવામાન વિભાગની આજની આગાહી

હવામાન વિભાગે જાહેર કરેલી ચેતવણી પ્રમાણે આજે 18 જૂન 2024, મંગળવારના રોજ ગુજરાતમાં મોટાભાગના વિસ્તારોમાં ગાજવીજ, વંટોળ સાથે ભારે વરસાદની આગાહી કરાવમાં આવી છે. ગુજરાતમાં ગાંધીનગર, અરવલ્લી, ખેડા, અમદાવાદ, આણંદ, પંચમહાલ, દાહોદ, મહિસાગર, વડોદરા, છોટા ઉદેપુર, નર્મદા, ભરૂચ, સુરત, ડાંગ, તાપી, નવસારી, વલસાડ, દમણ, દાદરા નગર હવેલીમાં વરસાદની શક્યતાઓ છે.

આ ઉપરાંત સૌરાષ્ટ્ર અને કચ્છમાં સુરેન્દ્રનગર, રાજકોટ, જામનગર, પોરબંદર, જૂનાગઢ, અમરેલી, ભાવનગર, મોરબી, દ્વારકા, ગીર સોમનાથ, બોટાદ,કચ્છ અને દીવમાં પણ ભારે વરસાદની આગાહી છે.

આ પણ વાંચો

• સૌરાષ્ટ્રમાં વરસાદી માહોલ યથાવત્, અમરેલીમાં બાબરામાં પોણા બે ઇંચ વરસાદ

• રેલવે ટ્રેક પર સિંહની જાનહાની ટળી, ગુજરાત વન વિભાગની સરાહનીય કામગીરી

ગુજરાતમાં છેલ્લા 24 કલાકમાં ક્યાં કેટલો વરસાદ પડ્યો?

રાજ્યમાં વરસાદ છતાં ગરમી 40 ડિગ્રી પર યથાવત

ગુજરાતમાં મોટા ભાગના વિસ્તારોમાં વરસાદ પડી રહ્યો છે તેમ છતાં ગુજરાતમાં ગરમી ઓછી થવાનું નામ નથી લઈ રહી. હવામાન વિભાગે જાહેર કરેલા આંકડા પ્રમાણે ગુજરાતમાં મહત્તમ તાપમાન 42 ડિગ્રી રહ્યું હતું. 41.9 ડિગ્રી મહત્તમ તાપમાન સાથે વિદ્યાનગર રાજ્યનું સૈથી ગરમ શહેર રહ્યું હતું. ત્યારબાદ 40.6 ડિગ્રી, સાથે અમદાવાદ અને 40.5 ડિગ્રી સાથે ગાંધીનગર રહ્યું હતું. રાજ્યમાં મોટા ભાગના વિસ્તારોમાં ગરમી 40 ડિગ્રીની આસપાસ રહી હતી.