Patan Lok Sabha Election Result 2024 : પાટણ બેઠક લોકસભા ચૂંટણી પરિણામ 2024, કોંગ્રેસ ઉમેદવાર ચંદુજી ઠાકોર જીત તરફ આગળ

Patan Lok Sabha constituency : પાટણ લોકસભા ચૂંટણી 2024 પરિણામ જાહેર થઇ રહ્યા છે. સવારથી મત ગણતરી ચાલી રહી છે. પ્રારંભિક વલણમાં કોંગ્રેસ ઉમેદવાર ચંદુજી ઠાકોર હરિફ ભાજપ ઉમેદવાર ભરતસિંહ ડાભીને ટક્કર આપી રહ્યા છે. ચંદુજી ઠાકોર આગળ ચાલી રહ્યા છે. છેલ્લા કેટલાર સમયથી ભાજપનો ગઢ મનાતી આ બેઠક ફરી એકવાર કોંગ્રેસ પોતાના હાથમાં લે એવા સંકેત જોવા મળી રહ્યા છે. પાટણ લોકસભાની સીટ પર ભાજપે વર્તમાન સાંસદ ભરતસિંહ ડાભીને ટિકિટ આપી છે. જ્યારે કોંગ્રેસે સિદ્ધપુરના પૂર્વ ધારાસભ્ય ચંદનજી ઠાકોરને ટિકિટ આપી છે.

પાટણ લોકસભા સીટમાં કુલ 7 વિધાનસભા સીટ

પાટણ લોકસભા વિસ્તારમાં કુલ 7 વિધાનસભા સીટો આવે છે. જેમાં પાટણ, રાધનપુર, વડગામ, કાંકરેજ, ચાણસ્મા, સિદ્ધપુર અને ખેરાલુનો સમાવેશ થાય છે. જેમાં 3 બેઠકો પર ભાજપ પાસે છે. જ્યારે 4 બેઠકો કોંગ્રેસ પાસે છે.

પાટણ લોકસભા ચૂંટણી પરિણામ 2024: કોંગ્રેસ મજબૂત

2019માં શું હતું પરિણામ

2019 લોકસભા ચૂંટણીની વાત કરવામાં આવે તો ભાજપે વર્તમાન ઉમેદવાર ભરતસિંહ ડાભીને ઉમેદવાર બનાવ્યા હતા. જ્યારે જગદીશ ઠાકોરને ટિકિટ આપી હતી. જેમાં ભાજપના ઉમેદવાર ભરતસિંહનો 1,93,879 મતોથી વિજય થયો હતો. ભરતસિંહને 56.24 ટકા અને જગદીશ ઠાકોરને 39.02 ટકા વોટ મળ્યા હતા.

પાટણ લોકસભા બેઠક પર ચૂંટાયેલા સંસદ સભ્યો

આ પણ વાંચો - પીએમ નરેન્દ્ર મોદીનો ગુજરાતમાં ચૂંટણી પ્રચારનો કાર્યક્રમ, બે દિવસમાં 6 સભા સંબોધશે

સૌથી વધુ મતદારો ઠાકોર જ્ઞાતિના

પાટણ લોકસભા મતક્ષેત્રમાં જ્ઞાતિ સમીકરણ સૌથી મહત્વની ભૂમિકા ભજવે છે. પાટણ બેઠક પર સૌથી વધુ મતદારો ઠાકોર જ્ઞાતિના છે, જે ઓબીસી કેટેગરીમાં આવે છે. ભાજપ અને કોંગ્રેસ બન્નેએ આ બેઠક માટે ઠાકોર સમાજના નેતાને મેદાને ઉતાર્યા છે. આ બેઠક પર કુલ મતદાર 20,19,203 છે. જેમાંથી 10,39,108 પુરુષ મતદાર તથા 9,80,064 સ્ત્રી મતદાર અને અન્ય મતદાર 31 છે.

પાટણ લોકસભા બેઠક 10 ઉમેદવારો

1957થી પાટણ બેઠક પર યોજાયેલી 16 ચૂંટણીઓમાં છ વાર કોંગ્રેસ, છ વાર ભાજપ, એક-એક વખત સ્વતંત્ર પક્ષ, જનતા પક્ષ અને જનતા દળ ચૂંટણી જીત્યા છે.