Patan Lok Sabha constituency : પાટણ લોકસભા ચૂંટણી 2024 પરિણામ જાહેર થઇ રહ્યા છે. સવારથી મત ગણતરી ચાલી રહી છે. પ્રારંભિક વલણમાં કોંગ્રેસ ઉમેદવાર ચંદુજી ઠાકોર હરિફ ભાજપ ઉમેદવાર ભરતસિંહ ડાભીને ટક્કર આપી રહ્યા છે. ચંદુજી ઠાકોર આગળ ચાલી રહ્યા છે. છેલ્લા કેટલાર સમયથી ભાજપનો ગઢ મનાતી આ બેઠક ફરી એકવાર કોંગ્રેસ પોતાના હાથમાં લે એવા સંકેત જોવા મળી રહ્યા છે. પાટણ લોકસભાની સીટ પર ભાજપે વર્તમાન સાંસદ ભરતસિંહ ડાભીને ટિકિટ આપી છે. જ્યારે કોંગ્રેસે સિદ્ધપુરના પૂર્વ ધારાસભ્ય ચંદનજી ઠાકોરને ટિકિટ આપી છે.
પાટણ લોકસભા સીટમાં કુલ 7 વિધાનસભા સીટ
પાટણ લોકસભા વિસ્તારમાં કુલ 7 વિધાનસભા સીટો આવે છે. જેમાં પાટણ, રાધનપુર, વડગામ, કાંકરેજ, ચાણસ્મા, સિદ્ધપુર અને ખેરાલુનો સમાવેશ થાય છે. જેમાં 3 બેઠકો પર ભાજપ પાસે છે. જ્યારે 4 બેઠકો કોંગ્રેસ પાસે છે.
પાટણ લોકસભા ચૂંટણી પરિણામ 2024: કોંગ્રેસ મજબૂત
ઉમેદવાર પક્ષ મળેલ મત હાર જીત ચંદુજી ઠાકોર કોંગ્રેસ 244988 આગળ ભરતસિંહ ડાભી ભાજપ 234433 પાછળ
2019માં શું હતું પરિણામ
2019 લોકસભા ચૂંટણીની વાત કરવામાં આવે તો ભાજપે વર્તમાન ઉમેદવાર ભરતસિંહ ડાભીને ઉમેદવાર બનાવ્યા હતા. જ્યારે જગદીશ ઠાકોરને ટિકિટ આપી હતી. જેમાં ભાજપના ઉમેદવાર ભરતસિંહનો 1,93,879 મતોથી વિજય થયો હતો. ભરતસિંહને 56.24 ટકા અને જગદીશ ઠાકોરને 39.02 ટકા વોટ મળ્યા હતા.
પાટણ લોકસભા બેઠક પર ચૂંટાયેલા સંસદ સભ્યો
વર્ષ ચૂંટાયેલા સંસદ સભ્ય પાર્ટી 1957 ઠાકોર મોતીસિંહ કોંગ્રેસ 1962 પરષોત્તમદાસ પટેલ કોંગ્રેસ 1967 ડીઆર પરમાર સ્વતંત્ર પાર્ટી 1971 ખેમચંદ ચાવડા કોંગ્રેસ 1977 ખેમચંદ ચાવડા જનતા પાર્ટી 1980 હીરાલાલ પરમાર કોંગ્રેસ 1984 પૂનમચંદ વણકર કોંગ્રેસ 1989 ખેમચંદ ચાવડા જનતાદળ 1991 મહેશ કનોડિયા ભાજપ 1996 મહેશ કનોડિયા ભાજપ 1998 મહેશ કનોડિયા ભાજપ 1999 પ્રવિણ રાષ્ટ્રપાલ કોંગ્રેસ 2004 મહેશ કનોડિયા ભાજપ 2009 જગદીશ ઠાકોર કોંગ્રેસ 2014 લીલાધર વાઘેલા ભાજપ 2019 ભરતસિંહ ડાભી ભાજપ
આ પણ વાંચો – પીએમ નરેન્દ્ર મોદીનો ગુજરાતમાં ચૂંટણી પ્રચારનો કાર્યક્રમ, બે દિવસમાં 6 સભા સંબોધશે
સૌથી વધુ મતદારો ઠાકોર જ્ઞાતિના
પાટણ લોકસભા મતક્ષેત્રમાં જ્ઞાતિ સમીકરણ સૌથી મહત્વની ભૂમિકા ભજવે છે. પાટણ બેઠક પર સૌથી વધુ મતદારો ઠાકોર જ્ઞાતિના છે, જે ઓબીસી કેટેગરીમાં આવે છે. ભાજપ અને કોંગ્રેસ બન્નેએ આ બેઠક માટે ઠાકોર સમાજના નેતાને મેદાને ઉતાર્યા છે. આ બેઠક પર કુલ મતદાર 20,19,203 છે. જેમાંથી 10,39,108 પુરુષ મતદાર તથા 9,80,064 સ્ત્રી મતદાર અને અન્ય મતદાર 31 છે.
પાટણ લોકસભા બેઠક 10 ઉમેદવારો
ક્રમ ઉમેદવાર પાર્ટી 1 ચંદનજી ઠાકોર કોંગ્રેસ 2 ભરતસિંહજી ડાભી ભાજપા 3 બળવંત છત્રાલીયા બસપા 4 મસીહુલ્લાહ ઘાઘા સોશિયલ ડેમોક્રેટિક પાર્ટી ઓફ ઈન્ડિયા 5 રાકેશભાઈ શર્મા રાષ્ટ્રીય સમાજ પક્ષ 6 અબ્દુલકુદ્દુસ અપક્ષ 7 અબ્દુલહક ઈસ્માઈલ નેદારીયા અપક્ષ 8 ધનજીભાઈ ચંદુરા અપક્ષ 9 કિશનભાઈ ઠાકોર અપક્ષ 10 સોયબ હાસમ ભોરણીયા અપક્ષ
1957થી પાટણ બેઠક પર યોજાયેલી 16 ચૂંટણીઓમાં છ વાર કોંગ્રેસ, છ વાર ભાજપ, એક-એક વખત સ્વતંત્ર પક્ષ, જનતા પક્ષ અને જનતા દળ ચૂંટણી જીત્યા છે.
