ગુજરાત શપથ ગ્રહણ : મંત્રી મંડળમાં 16 નેતાઓનો સમાવેશ કરાયો – કઈ-કઈ બેઠકના ધારાસભ્યને પસંદ કરાયા

Gujarat Cabinet Oath Taking: ગુજરાત વિધાનસભા ચૂંટણી (Gujarat Election 2022) માં ભાજપે (BJP) મોટા બહુમત સાથે જીત મેળવ્યા બાદ આજે ભુપેન્દ્ર પટેલે (Bhupendra Patel) મુખ્યમંત્રી પદ માટે શપથ લીધા, તેમની સાથે કેબિનેટ મંત્રી (Cabinet Minister) તરીકે 8 ધારાસભ્યો, રાજ્યકક્ષાનો (સ્વતંત્ર હવાલો) માટે 2, તો રાજ્યકક્ષાના મંત્રી તરીકે 6 ધારાસભ્યોએ શપથ ગ્રહણ કર્યા. ભાજપે તેના મંત્રી મંડળમાં રાજ્યના ચારે ઝોન, ઉત્તર ગુજરાત, મધ્ય ગુજરાત, દક્ષિણ ગુજરાત અને સૌરાષ્ટ્રના નેતાઓનો સમાવેશ કરવાનો પ્રયાસ કર્યો છે. તો જોઈએ કયા વિસ્તારમાંથી કયા નેતાની મંત્રીમંડળમાં પસંદગી થઈ

મંત્રી મંડળમાં ઉત્તર ગુજરાતમાંથી કોની પસંદગી

મંત્રી મંડળમાં ઉત્તર ગુજરાતના ત્રણ નેતાઓનો સમાવેશ થયો છે. જેમાં વિસનગરથી ધારાસભ્ય ઋષિકેષ પટેલ, સિદ્ધપુરથી બળવંતસિંહ રાજપુતનો કેબિનેટ મંત્રીમાં સમાવેશ કરવામાં આવ્યો છે, તો મોડાસથી ભાજપ તરફથી જીતેલા ભીખુસિંહ પરમારને રાજ્યકક્ષાના મંત્રી મંડળમાં સમાવેશ કરવામાં આવ્યો છે.

Also Read

ગુજરાત: નર્મદા પ્રોજેક્ટ માટે માંગવામાં આવેલા રૂ. 1,491 કરોડમાંથી કેન્દ્રએ માત્ર 35 ટકા જ આપ્યા

ગુજરાતના અનુભવી CMO અધિકારીએ આપ્યું રાજીનામું, પુત્રના કિરણ પટેલ સાથેના સંબંધો કબૂલ્યા

ગુજરાત વિધાનસભા : ગુજરાતમાં ડ્રગ્સની તસ્કરી : બનાસકાંઠા ચેકપોસ્ટ પર અદ્યતન સ્કેનર લગાવાશે

RMC Recruitment 2023 : રાજકોટ મ્યુનિસિપલ કોર્પોરેશનમાં વોક-ઇન-ઇન્ટરવ્યૂ, અહીં વાંચો સંપૂર્ણ માહિતી

મંત્રી મંડળમાં દક્ષિણ ગુજરાતમાંથી કોની પસંદગી

મંત્રી મંડળમાં દક્ષિણ ગુજરાતમાંથી 5 ધારાસભ્યોને મંત્રી મંડળમાં સ્થાન મળ્યું જેમાં પારડી (વલસાડ)ને ધારાસભ્ય કનુભાઈ દેસાઈનો કેબિનેટ મંત્રી તરીકે, મજુરા (સુરત)થી હર્ષ સંઘવીનો રાજ્ય કક્ષાના (સ્વતંત્ર હવાલો) મંત્રી તરીકે, તો ઓલપાડથી મુકેશ જીણાભાઈ પટેલ, કામરેજથી પ્રફૂલ પાનસેરિયા અને માંડવીથી કુંવરજી હળપતિનો સમાવેશ કરવામાં આવ્યો છે.

આ પણ વાંચો – ગુજરાત શપથ ગ્રહણ સમારોહ : સીએમ પદ માટે ભુપેન્દ્ર પટેલે, મંત્રી મંડળ માટે આ નેતાઓએ લીધા શપથ

મંત્રી મંડળમાં સૌરાષ્ટ્રમાંથી કોની પસંદગી

ગુજરાતના નવા મંત્રી મંડળમાં સૌરાષ્ટ્રમાંથી પણ 5 ધારાસભ્યોને મંત્રી મંડળ માટે પસંદ કરવામાં આવ્યા છે. જેમાં જામનગર ગ્રામ્યથી રાઘવજી પટેલ, જસદણથી કુંવરજી બાવળીયા, રાજકોટ ગ્રામ્ય ભાનુબેન બાબરિયા અને ખંભાળીયાથી મળુભાઈ બેરાનો કેબિનેટ મંત્રીમાં સમાવેશ થયો છે તો, ભાવનગર ગ્રામ્યના નેતા પરષોત્તમ સોલંકીને રાજ્ય કક્ષાના મંત્રી બનાવવામાં આવ્યા છે.

કેબિનેટ કક્ષાના નવા મંત્રી

રાજ્ય કક્ષાના નવા મંત્રી (સ્વતંત્ર હવાલો)

રાજ્યકક્ષાના નવા મંત્રી

મધ્ય ગુજરાતમાંથી કોની મંત્રી મંડળમાં પસંદગી

ગુજરાત મંત્રી મંડળમાં મધ્ય ગુજરાતના પણ નેતાઓનો સમાવેશ કરવામાં આવ્યો છે, જેમાં સંતરામપુર બેઠકના ધારાસભ્ય કુબેરભાઈ ડિંડોરને કેબિનેટ મંત્રી તરીકે, દેવગઢ બારિયાથી બચુભાઈ ખાબડની રાજ્ય કક્ષાના મંત્રી તરીકે પસંદગી કરવામાં આવી છે, તો અમદાવાદમાંથી નિકોલના ધારાસભ્ય જગદીશ વિશ્વકર્માને રાજ્ય કક્ષાના (સ્વતંત્ર હવાલો) મંત્રી તરીકે પસંદ કરવામાં આવ્યા છે.