ગુજરાત રાજકારણ: વડોદરા ભાજપ અસંતોષ, સાવલી ધારાસભ્ય કેતન ઇનામદારે કેમ રાજીનામું આપ્યું? શું કારણો હોઈ શકે છે

અદિતી રાજા | ગુજરાત રાજકારણ : આગામી લોકસભાની ચૂંટણી પહેલા, ગુજરાત ભાજપના ધારાસભ્ય કેતન ઇનામદારે મંગળવારે સ્પીકર શંકર ચૌધરીને "તેમના અંતરાત્મા" ને ટાંકીને 'રાજીનામું' સબમિટ કરીને ગુજરાત ભાજપા સહિતના નેતૃત્વને આશ્ચર્યચકિત કરી દીધા છે.

સાવલીના ધારાસભ્યના ઈમેલ દ્વારા મોકલવામાં આવેલા 'રાજીનામા'થી ભાજપમાં કથિત અસંતોષ સામે આવ્યો છે, પક્ષના વરિષ્ઠ નેતાઓ પણ તેમને મળવા દોડી આવ્યા છે. ઇનામદાર ટિપ્પણી માટે ઉપલબ્ધ ન હોવા છતાં, રાજ્ય ભાજપના નેતાઓએ જણાવ્યું હતું કે, આ ઘટના આશ્ચર્યજનક છે.

સાવલી ધારાસભ્ય કેતન ઈનામદારના રાજીનામા પત્રમાં શું?

કેતન ઇનામદારના રાજીનામા પત્રમાં લખ્યું છે કે, “હું 135-સાવલી વિધાનસભા મતવિસ્તારનો ચૂંટાયેલ પ્રતિનિધિ છું. હું મારા અંતરાત્માના અવાજને માન આપીને, ધારાસભ્ય પદેથી રાજીનામું આપી રહ્યો છું. કૃપા કરીને મારું રાજીનામું સ્વીકારો.”

ઇનામદારનું રાજીનામું એવા સમયે આવ્યું છે, જ્યારે ભાજપના ગુજરાતના અધ્યક્ષ સી.આર. પાટીલ દ્વારા તેમને સન્માનિત કરવામાં આવ્યા હતા, અને વડોદરા જિલ્લા માટે પાર્ટીના વંદે કમલમ કાર્યાલયના નિર્માણમાં "સર્વોચ્ચ યોગદાન" આપવા બદલ પ્રમાણપત્ર આપવામાં આવ્યાના થોડા દિવસો પછી આવ્યું છે. ઇનામદાર પાટીલની નજીક તરીકે ઓળખાય છે – તેમણે કાર્યક્રમમાં ઇનામદારની પ્રશંસા કરી હતી – અને પાટીલ દ્વારા તેમને ઘણીવાર "સૌથી કાર્યક્ષમ નેતા અને ધારાસભ્ય" તરીકે ઓળખવામાં આવ્યા છે.

“આપણે બધાએ સોશિયલ મીડિયા દ્વારા પત્ર જોયો છે. તેમણે આ પગલું કેમ ભર્યું? તે હજુ પણ સ્પષ્ટ નથી થયું. વડોદરા જિલ્લા ભાજપના પ્રમુખ સતીશ પટેલે ધ ઈન્ડિયન એક્સપ્રેસને જણાવ્યું હતું કે, 'હું નાદુરસ્ત છું અને મારા ઘરે સીમિત છું તેથી મેં જિલ્લાના વરિષ્ઠ નેતાઓને તેમને મળવા અને આ વિશે વાત કરવા મોકલ્યા છે.”

કેતન ઈનામદારની નારાજગી લોકસભા ઉમેદવાર રંજનબેન ભટ્ટ નહી

ઇનામદારના નજીકના સૂત્રોએ જણાવ્યું હતું કે, તેમનું 'રાજીનામું' આગામી લોકસભાની ચૂંટણીમાં ત્રીજી મુદત માટે વર્તમાન સાંસદ રંજન ભટ્ટને પક્ષ દ્વારા મેદાનમાં ઉતારવા સાથે સંબંધિત નથી. “ઈનામદારે તેમના મતવિસ્તારમાં વિકાસ પ્રોજેક્ટ્સ પૂર્ણ કરવામાં અધિકારીઓની અસમર્થતાના મુદ્દાને ટાંક્યો છે. માહી રિવરફ્રન્ટ પ્રોજેક્ટ સહિત કેટલાક પ્રોજેક્ટ્સ છે, જે હજી શરૂ પણ થયા નથી. નેતાઓ તેમને મળશે અને આ મુદ્દાઓને ઉકેલવા માટે તેમની સાથે વાત કરશે.”

જ્યોતી પંડ્યા પણ નારાજ

ઇનામદારનું 'રાજીનામું' બીજેપી મહિલા મોરચાના રાષ્ટ્રીય ઉપાધ્યક્ષ ડૉ. જ્યોતિ પંડ્યાએ "તેમના અંતરાત્માને કારણે રાજીનામું આપવાનો નિર્ણય" કર્યા પછી સસ્પેન્ડ કરવામાં આવ્યાના દિવસો બાદ આવ્યો છે, તેમનો વિરોધ ભટ્ટને ત્રીજી ટર્મ માટે ઉમેદવારી આપવામાં આવતા ઉઠ્યો છે, તેણીએ વિરોધ પણ કર્યો હતો.

સાવલી ધારાસભ્ય કેમ નારાજ?

પાર્ટીના અન્ય સૂત્રોએ એમ પણ જણાવ્યું હતું કે, ઇનામદાર આગામી લોકસભા ચૂંટણી માટે ડભોઈ વિધાનસભા મતવિસ્તારના ચૂંટણી પ્રભારી તરીકે બરોડા ડેરીના ડિરેક્ટર કુલદીપ સિંહ રાઉલજીની નિમણૂકથી નારાજ છે. રાઉલજી કોંગ્રેસમાં જોડાયા હતા અને તાજેતરમાં ભાજપમાં પાછા ફરતા પહેલા 2022 ની ગુજરાત વિધાનસભાની ચૂંટણીમાં ઇનામદાર સામે ચૂંટણી લડ્યા હતા.

કેતન ઈનામદાર પહેલા પણ રાજીનામું આપી ચુક્યા છે

ઇનામદારે 'રાજીનામું' આપ્યું હોય તેવું આ પહેલીવાર નથી. જાન્યુઆરી 2020 માં, ઇનામદારે ગુજરાત વિધાનસભાના અધ્યક્ષને ઇમેઇલ દ્વારા સમાન રાજીનામું પત્ર મોકલ્યું હતું, જેમાં જણાવ્યું હતું કે "ન તો અમલદારો કે મંત્રીઓ" "વિકાસના કામો પૂર્ણ કરવા" તેમની વિનંતીઓ પર કોઈ ધ્યાન આપતા નથી, "લોકોના કર્તવ્યનિષ્ઠ પ્રતિનિધિ" તરીકે બની રહેવા આ બાબતો તેમને "અસ્થિર" બનાવે છે. તેમણે પાર્ટીના વરિષ્ઠ નેતાઓ સાથે કલાકોની બંધ બારણે ચર્ચા કર્યા બાદ રાજીનામું પાછું ખેંચી લીધું હતું.

આ પણ વાંચો - ભાજપમાં ભડકો, વડોદરાના ધારાસભ્ય કેતન ઇનામદારનું રાજીનામું, શંકર સિંહ ચૌધરીને ઇમેલ કર્યો

તેમના પ્રથમ 'રાજીનામા'ના થોડા મહિનાઓ પહેલા ઇનામદારે માંજલપુરના ભાજપના ધારાસભ્ય યોગેશ પટેલ અને વાઘોડિયાના તત્કાલિન ધારાસભ્ય મધુ શ્રીવાસ્તવ સાથે રહી જાહેરમાં વિરોધ કર્યો હતો, જેમાં માંગ કરી હતી કે, વડોદરાના કેટલાક ચૂંટાયેલા પ્રતિનિધિઓને મંત્રી બનાવવામાં આવે. થોડા સમય પછી, પટેલને કેબિનેટ મંત્રી બનાવવામાં આવ્યા અને શ્રીવાસ્તવને ગુજરાત એગ્રો ઇન્ડસ્ટ્રીઝ લિમિટેડના ચેરમેન બનાવવામાં આવ્યા.