ગુજરાત રાજકારણ માં લોકસભા ચૂંટણી પહેલા વિપક્ષના નેતાઓનો રાજીનામાનો અને ભાજપમાં જોડાવાની હલચલથી ગરમાવો જોવા મળી રહ્યો છે. ત્યારે હવે વડોદરાના વાઘોડિયાના અપક્ષ ધારાસભ્ય ધર્મેન્દ્રસિંહ વાઘેલાએ ગુરુવારે રાજ્યની વિધાનસભામાંથી રાજીનામું આપી દીધું છે. સ્પીકરને પોતાનું રાજીનામું સુપરત કરતાં વાઘેલાએ જણાવ્યું હતું કે, તેમણે “વડાપ્રધાન નરેન્દ્ર મોદીના હાથને મજબૂત કરવા” તેમના મતદારોની ઇચ્છા મુજબ રાજીનામું આપ્યું છે. વાઘેલા ચોથા ધારાસભ્ય છે, જેમણે તાજેતરમાં ગુજરાત વિધાનસભામાંથી રાજીનામું આપ્યું છે. ડિસેમ્બર 2022 માં બનેલી વિધાનસભાના સભ્યોની સંખ્યા હવે 178 છે.
ગુજરાત રાજકારણ માં વિપક્ષ ધારાસભ્યોના રાજીનામા
ગુજરાત રાજકારણ માં વિપક્ષ પક્ષોમાં રાજીનામું આપનારા અન્ય ત્રણ ધારાસભ્યોમાં AAP વિસાવદરના ધારાસભ્ય ભૂપેન્દ્ર ભાયાણી તેમજ કોંગ્રેસના ધારાસભ્યો ચિરાગ પટેલ અને ખંભાત અને વિજાપુર મતવિસ્તારના સીજે ચાવડાનો પણ સમાવેશ થાય છે. હવે વાઘોડિયાના ધારાસભ્ય ધર્મેન્દ્રસિંહ વાઘેલાએ રાજીનામું આપ્યા બાદ આ સંખ્યા 4 થઈ ગઈ છે.
અપક્ષ ધારાસભ્ય ધર્મેન્દ્રસિંહ વાઘેલા રાજીનામું
રાજીનામું આપ્યા બાદ મીડિયા સાથે વાત કરતા ધર્મેન્દ્રસિંહ વાઘેલાએ કહ્યું હતું કે, “મેં મારા મતદારોની ઈચ્છા મુજબ રાજીનામું આપ્યું છે, જેઓ વડાપ્રધાન નરેન્દ્ર મોદીના હાથ મજબૂત કરવા માંગતા હતા.” તેમણે કહ્યું કે, તેમને ભાજપ સામે કોઈ ફરિયાદ નથી અને તેઓ ટૂંક સમયમાં જ પાર્ટીમાં જોડાઈ જશે.
ગુજરાત વિધાનસભા ચૂંટણી 2022 માં જીતેલા અપક્ષ ધારાસભ્યો
વાઘેલા ડિસેમ્બર 2022માં 15મી ગુજરાત વિધાનસભા માટે ચૂંટાયેલા ત્રણ અપક્ષ ઉમેદવારોમાંથી એક હતા. અન્ય ધારાસભ્યોમાં અરવલ્લી જિલ્લાના બાયડથી ધવલ સિંહ અને બનાસકાંઠાના ધાનેરાથી માવજી દેસાઈ હતા. ત્રણેય અપક્ષ ધારાસભ્યો ગુજરાતમાં ભાજપને સમર્થન જાહેર કરી ચૂક્યા છે.
ભાજપ તરફથી ટિકિટ ન મળતા અપક્ષ તરીકે ચૂંટણી લડી
ગુજરાત રાજકારણ માં વિધાનસભા ચૂંટણી 2022ની ચૂંટણીમાં, વાઘેલાએ ભાજપ દ્વારા ટિકિટ નકાર્યા બાદ અપક્ષ ઉમેદવાર તરીકે ચૂંટણી લડી હતી અને ભાજપના અશ્વિન પટેલને 14,000 થી વધુ મતોથી હરાવ્યા હતા.
રાજીનામાઓ બાદ કોંગ્રેસે શું કહ્યું?
ગુજરાત રાજકારણ માં રાજીનામા પર કોંગ્રેસના વરિષ્ઠ નેતા મુકુલ વાસનિકે અમદાવાદમાં જણાવ્યું હતું કે, “વિપક્ષના ધારાસભ્યોને ખરીદવાની ભાજપની વ્યૂહરચના લોકશાહીને નુકસાન પહોંચાડે છે અને રાજકારણને નુકસાન પહોંચાડે છે”.
તેમની ટિપ્પણી ત્રણ વખત કોંગ્રેસના ધારાસભ્ય સીજે ચાવડાએ વિધાનસભામાંથી રાજીનામું આપ્યાના દિવસો બાદ આવી છે. વાઘેલાએ ગુરુવારે રાજીનામું આપ્યું હતું, જ્યારે AAP ધારાસભ્ય ભૂપેન્દ્ર ભાયાણીએ ગયા મહિને રાજીનામું આપ્યું હતું.
“અમે બધાએ જોયું કે કેવી રીતે ભાજપ દેશભરમાં ધારાસભ્યોને ખરીદવામાં વ્યસ્ત છે. આ દેશની રાજનીતિ માટે સારું નથી. ગુજરાતમાં અને કેન્દ્રમાં આવી પાર્ટીની સત્તા હોવી એ માત્ર અન્ય રાજકીય પક્ષો માટે જ નહીં પણ લોકશાહી માટે પણ પડકાર છે, એમ ગુજરાતના કોંગ્રેસના મહાસચિવ પ્રભારીએ ગુરુવારે મીડિયાને જણાવ્યું હતું.
આ પણ વાંચો – લોકસભા ચૂંટણી 2024 : ગુજરાત કોંગ્રેસના પૂર્વ નેતાઓ સહિત અન્ય પક્ષના 1,500 નવા સભ્યો ભાજપમાં જોડાયા
“ભાજપ જે કરી રહ્યું છે તે રાજકારણ અને લોકશાહી માટે નુકસાનકારક છે. ધારાસભ્યોને દબાવવા અને ખરીદવાની ભાજપની રણનીતિ આપણી લોકશાહીને નુકસાન પહોંચાડી રહી છે. કોંગ્રેસ વિચારધારાને સમર્પિત છે અને અમે તેના આધારે લડતા રહીશું. ગુજરાતમાં તમામ 26 લોકસભા બેઠકો જીતવાનો ભાજપનો દાવો તેનો ઘમંડ દર્શાવે છે.” તેમણે વધુમાં કહ્યું હતું કે, પાર્ટી અસંતુષ્ટ નેતાઓ સાથે વાત કરશે અને તેઓ પાર્ટી ન છોડે તે સુનિશ્ચિત કરવાનો માર્ગ શોધશે.
વાસનિક લોકસભાના સંભવિત ઉમેદવારો અંગે ચર્ચા કરવા ગુજરાત પ્રદેશ ચૂંટણી સમિતિની બેઠકમાં હાજરી આપવા અમદાવાદમાં છે. આ બેઠકમાં રાજ્ય એકમના વડા શતકીસિંહ ગોહિલ અને સ્ક્રીનીંગ કમિટીના અધ્યક્ષ રજની પાટીલ અને અન્યો ઉપસ્થિત રહ્યા હતા.
