Gujarat Summer weather update, ગુજરાતમાં ઉનાળો : ગુજરાતમાં ઉનાળો બરોબર જામી ગયો હતો. રાજ્યમાં ગરમીનો પારો 43 ડિગ્રીની આસપાસ મહત્તમ તાપમાન રહ્યું છે. રાજ્યમાં કાળઝાળ ગરમીના કારણે લોકો ત્રાહિમામ પોકારી ઉઠ્યા છે. ગરમીના કારણે લોકો કામ વગર બહાર નીકળવાનું ટાળે છે. જોકે, અત્યારના દિવસોમાં રાજ્યમાં ગરમીમાં આંશિક ઘટાડો થયો છે. ઉત્તર ભારતમાં દિલ્હી એનસીઆરમાં ભારે વરસાદ પડવાના જનજીવન ઉપર અસર પડી હતી. ત્યારે ગુજરાતમાં પણ હવામાન વિભાગે 24 કલાક બાદ ભારે પવન સાથે કમોસમી વરસાદની આગાહી કરી છે.
અમદાવાદ અને ગાંધીનગર રાજ્યના સૌથી ગરમ શહેર રહ્યા
ગુજરાતમાં બે દિવસથી ગરમીમાં આંશિક ઘટાડો નોંધાયો હતો. એક તબક્કે 46 ડિગ્રી પહોંચેલું મહત્તમ તાપમાન અત્યારે 43.5 ડિગ્રી સુધી નીચે આવી ગયું હતું. હવામાન વિભાગે જાહેર કરેલા તાપમાનના આંકડા પ્રમાણે રાજ્યના મોટાભાગના વિસ્તારોમાં 39 ડિગ્રીની આસપાસ મહત્તમ તાપમાન નોંધાયું હતું.
રાજ્યમાં 33.1 ડિગ્રીથી લઈને 43.5 ડિગ્રી વચ્ચે મહત્તમ તાપમાન નોંધાયું હતું. ગાંધીનગરમાં 43.5 ડિગ્રી અને અમદાવાદમાં 43.4 ડિગ્રી મહત્તમ તાપમાન સાથેરાજ્યના સૌથી ગરમ શહેર રહ્યા હતા. દ્વારકામાં 33.1 ડિગ્રી મહત્તમ તાપમાન રહ્યું હતું.
ગુજરાતમાં ક્યાં કેટલી ગરમી નોંધાઈ?
શહેર મહત્તમ તાપમાન (ડિગ્રીમાં) લઘુતમ તાપમાન (ડિગ્રીમાં) અમદાવાદ 43.4 27.6 ડીસા 40.2 26.3 ગાંધીનગર 43.5 26.5 વિદ્યાનગર 42.9 25.8 વડોદરા 42.2 27.0 સુરત 37.2 25.0 વલસાડ – – દમણ 35.0 25.6 ભૂજ 40.0 25.5 નલિયા 36.4 25.8 કંડલા પોર્ટ 36.7 26.0 કંડલા એરપોર્ટ 41.8 26.0 અમરેલી 42.3 22.6 ભાવનગર 41.6 25.8 દ્વારકા 33.1 27.3 ઓખા 33.8 27.4 પોરબંદર 35.6 21.2 રાજકોટ 43.1 25.0 વેરાવળ 33.6 26.7 દીવ 34.5 23.6 સુરેન્દ્રનગર 42.4 26.2 મહુવા 38.6 19.9 કેશોદ 40.1 23.2
24 કલાક બાદ રાજ્યમાં આ વિસ્તારોમાં કમોસમી વરસાદની આગાહી
હવામાન વિભાગે 24 કલાક બાદ ઉત્તર ગુજરાતના બનાસકાંઠા, સાબરકાંઠા અને કચ્છ જિલ્લામાં ગાજવીજ અને પવન સાથે કમોસમી વરસાદની શક્યતા સેવી છે.
ગુજરાતના તમામ સમાચારો વાંચવા માટે અહીં ક્લિક કરો
ત્યારબાદ બનાસકાંઠા, પાટણ, મહેસાણા, સાબરકાંઠા, અરવલ્લી, પંચમહાલ, દાહોદ, મહિસાગર, વડોદરા, છોટા ઉદેપુર તેમજ કચ્છ અને સૌરાષ્ટ્રના વિસ્તારોમાં ખાસ કરીને અમરેલી, ભાવનગર, ગીર સોમનાથ, દીવમાં પણ ગાજવીજ અને ભારે પવન સાથે વરસાદની આગાહી હવામાન વિભાગે કરી છે.
