Gujarat Summer weather update : ગુજરાતમાં હીટવેવ અને કમોસમી વરસાદની બેવડી આગાહી, અમદાવાદમાં તાપમાન 40 ડિગ્રી પહોંચ્યું

Gujarat Summer weather update, ગુજરાત વેધર : ગુજરાતમાં અત્યારે વાતાવરણમાં બે તરફી વલણ જોવા મળી રહ્યું છે.સોમવારે રાજ્યમાં તાપમાનમાં વધારો થયો હતો જ્યારે ક્યાંક ક્યાંક માવઠું પણ પડ્યું હતું. અમદાવાદમાં તાપમાન 40 ડિગ્રી પહોંચી ગયું હતું. રાજ્યમાં મોટાભાગના વિસ્તારમાં 38 ડિગ્રી મહત્તમ તાપમાન નોંધાયું હતું. રાજ્યમાં બે દિવસ હીટવેવ વચ્ચે કમોસમી વરસાદની આગાહી કરી હતી.

41.4 ડિગ્રી તાપમાન સાથે મહુવા બન્યું રાજ્યનું સૌથી ગરમ શહેર

ગુજરાતમાં બેતરફી વાતાવરણ વચ્ચે રાજ્યમાં મહત્તમ તાપમાનને 41 ડિગ્રીની સપાટી વટાવી દીધી હતી. હવામાન વિભાગે આપેલા આંકડા પ્રમાણે ગુજરાતમાં 30.8 ડિગ્રીથી લઈને 41.4 ડિગ્રી વચ્ચે મહત્તમ તાપમાન નોંધાયું હતું. 41.4 ડિ્ગરી મહત્તમ તાપમાન સાથે મહુવા સતત રાજ્યનું ગરમ શહેર રહ્યું હતું. જ્યારે દ્વારકામાં 30.8 ડિગ્રી મહત્તમ તાપમાન નોંધાયું હતું.

અમદાવાદ અને ગાંધીનગરમાં મહત્તમ તાપમાન 40 ડિગ્રી પહોંચ્યું

ગુજરાતમાં અત્યારે સવારે ઠંડી અને બપોરે ગરમી અનુભવાઈ રહી છે. ત્યારે અમદાવાદ અને ગાંધીનગરમાં ગરમીમાં વધારો નોંધાયો હતો. અમદાવાદમાં બે ડિગ્રી જેટલી ગરમી વધીને 40 ડિગ્રી મહત્તમ તાપમાન પહોંચ્યું હતું. જ્યારે ગાંધીનગરમાં પણ 40 ડિગ્રી મહત્તમ તાપમાન નોંધાયું હતું. જ્યારે વડોદરામાં 40.2 ડિગ્રી મહત્તમ તાપમાન નોંધાયું હતું.

ગુજરાતમાં ક્યાં કેટલી ઠંડી નોંધાઈ

ગુજરાતના તમામ સમાચારો વાંચવા માટે અહીં ક્લિક કરો

ગુજરાતમાં હીટવેવ અને કમોસમી વરસાદની બેવડી આગાહી

ગુજરાતમાં અપ્રિલ મહિનાની શરુઆત થઈ ગઈ છે ત્યારે ગરમી વધવાની સાથે વાતાવરણમાં ફેરફાર પણ થયો છે. અત્યારે ક્યાંક ગરમી પડી રહી છે તો ક્યાંક માવઠાની શક્યતાઓ પણ સેવાઈ રહી છે. રાજ્યમાં બેવડી ઋતુના માહોલ વચ્ચે હીટવેવ અને કમોસમી વરસાદની બેવડી આગાહી હવામાન વિભાગે કરી છે.

હવામાન વિભાગની આગાહી પ્રમાણે આગામી બે દિવસ સૌરાષ્ટ્રના પોરબંદર, ભાવનગર, ગીર સોમનાથ અને દીવમાં હીટવેવની આગાહી કરી હતી. જ્યારે ત્યારબાદ દક્ષિણ ગુજરાતમાં નર્મદા,વડોદરા,છોટાઉદેપુર, સુરત, તાપી અને ડાંગમાં વાવાઝોડા સાથે કમોસમી વરાસદ પડવાની શક્યતા છે.