Gujarat Summer weather update : ગુજરાતમાં ચાર દિવસ બાદ ગરમી ત્રણ ડિગ્રી સુધી વધશે, ક્યાં કેટલી ગરમી નોંધાઈ?

Gujarat Summer weather update, ગુજરાત વેધર : ગુજરાતમાં અત્યારે ઉનાળો ચાલી રહ્યો છે ત્યારે ગરમી પણ પ્રમાણમાં ઓછી થઈ રહી છે. અત્યારે ગુજરાતમાં મોટા ભાગના વિસ્તારોમાં 35 ડિગ્રી મહત્તમ તાપમાન આસપાસ રહ્યું છે. અત્યારે ગુજરાતમાં બેવડી ઋતુનો અહેસાસ થઈ રહ્યો છે. ગુજરાતમાં સવારે એકદમ ઠંડી અને બપોરે ગરમીનો અનુભવ થઇ રહ્યો છે. ગુજરાતમાં આગમી ચાર દિવસ બાદ મહત્તમ તાપમાનમાં ત્રણ ડિગ્રી સુધી ઉછાળો આવી શકે છે.

રાજકોટ સતત રાજ્યનું ગરમ શહેર

ગુજરાતમાં અત્યારે ગરમી પડી રહી છે ત્યારે હવામાન વિભાગે આપેલા તાપમાનના આંકડા પ્રમાણે ગુજરાતમાં 31 ડિગ્રીથી લઈને 38.7 ડિગ્રી વચ્ચે મહત્તમ તાપમાન રહ્યું હતું. રાજકોટમાં થોડા દિવસોથી સતત રાજ્યનું સૌથી ગરમ શહેર રહ્યું છે. રાજકોટમાં 38.7 ડિગ્રી મહત્તમ તાપમાન નોંધાયું હતું. જ્યારે ઓખામાં 31 ડિગ્રી મહત્તમ તાપમાન નોંધાયું હતું.

અમદાવાદમાં બેવડી ઋતુનો અહેસાસ

ઉનાળાની શરૂઆત થવાની સાથે જ ગરમી પડવાનું શરૂ થયું હતું જોકે, હોળી પછી તાપમાનમાં ઘટાડો થયો હતો. અમદાવાદમાં 36.8 ડિગ્રી મહત્તમ તાપમાન નોંધાયું હતું. જ્યારે ગાંધીનગરમાં 36.5 ડિગ્રી મહત્તમ તાપમાન નોંધાયું છે. અમદાવાદમાં સવારે ઠંડી અને બપોરે ગરમીની અસર વર્તાય છે.

ગુજરાતમાં ક્યાં કેટલી ઠંડી નોંધાઈ

ગુજરાતના તમામ સમાચારો વાંચવા માટે અહીં ક્લિક કરો

ગુજરાતમાં ચાર દિવસ બાદ 3 ડિગ્રી તાપમાન વધશે : IMD

ગુજરાતમાં અત્યારે ગરમીમાં રાહત વર્તાઈ રહી છે. ત્યારે હજી ચાર દિવસ આવું જ તાપમાન રહેશે. જોકે, ચાર દિવસ બાદ તાપમાનમાં બેથી ત્રણ ડિગ્રી સુધી તાપમાન વધશે. એટલે આગામી ચાર દિવસ બાદ તાપમાન વધવાથી લોકો ગરમીથી ત્રાહિમામ પોકારી જશે.