Gujarat weather update : ગુજરાતમાં ગરમી 46 ડિગ્રી પાર, રાજકોટ આગની ભઠ્ઠીમાં ફેરવાયું, અહીં હિટવેવની આગાહી

Gujarat Summer weather update, ગુજરાતમાં ઉનાળો : ગુજરાતમાં ઉનાળો આકરો બની રહ્યો છે. તાપમાનનો પારો ઉચકાઈ રહ્યો છે. રાજ્યમાં ગરમીનો પારો 46 ડિગ્રીની સપાટી વટાવી ચુક્યો છે. જ્યારે હવામાન વિભાગે કચ્છ અને સૌરાષ્ટ્રના વિસ્તારોમાં હિટવેવની આગાહી પણ કરી હતી. જોકે બીજી તરફ હવામાન નિષ્ણાંત અંબાલાલ પટેલ રાજ્યમાં મેની શરુઆતમાં વાતાવરણમાં પલટાની આગાહી કરી છે.

46.2 ડિગ્રી સાથે રાજકોટ આગની ભઠ્ઠીમાં ફેરવાયું

મે મહિનાની શરુઆત બે દિવસમાં થઈ જશે ત્યારે ઉનાળાએ રૌદ્ર સ્વરૂપ ધારણ કરી લીધું છે. તાપમાનના ઉચકાતા પારા વચ્ચે હવામાન વિભાગે આપેલા તાપમાનના આંકડા પ્રમાણે રાજ્યમાં મોટાભાગના વિસ્તારોમાં તાપમાન 40 ડિગ્રી વટાવી ગયું હતું. ગુજરાતમાં 32.5 ડિગ્રીથી લઈને 46.2 ડિગ્રી વચ્ચે મહત્તમ તાપમાન નોંધાયું હતું.

અમદાવાદમાં તાપમાન 44 ડિગ્રી પહોંચ્યું

રાજ્યમાં તાપમાન વધવાની સાથે અમદાવાદમાં પણ ગરમીનો પારો વધ્યો હતો. અમદાવાદમાં બપોરના સમયે ગરમ પવનો ફૂંકાઈ રહ્યા હતા. ગરમ પવનોના કારણે રસ્તા ઉપર લોકોની અવરજવર ઓછી થઈ હતી. લોકોએ કામ વગર ગરમાંથી બહાર નીકળવાનું ટાળ્યું હતું. અમદાવાદમાં 44 ડિગ્રી મહત્તમ તાપમાન નોંધાયું હતું. જ્યારે રાજ્યમાં ગાંધીનગરમાં 43.2 ડિગ્રી મહત્તમ તાપમાન નોંધાયું હતું.

ગુજરાતમાં ક્યાં કેટલી ગરમી નોંધાઈ?

ગુજરાતના તમામ સમાચારો વાંચવા માટે અહીં ક્લિક કરો

આ વિસ્તારોમાં હિટવેવની આગાહી

ગુજરાતમાં ગરમી વધી રહી છે. ઉનાળો પોતાની ચરમ સીમા ઉપર પહોંચી ગયો છે ત્યારે હવામાન વિભાગે કચ્છ અને સૌરાષ્ટ્રના વિસ્તારોમાં હિટવેવની આગાહી કરી હતી. બે દિવસ આ વિસ્તારોમાં હિટવેવ રહેશે. સૌરાષ્ટ્રમાં ખાસ કરીને રાજકોટ, સૌરાષ્ટ્ર અને મોરબીમાં હિટવેવ રહેશે.