Gujarat weather update : ગુજરાતમાં ગરમીનો કહેર યથાવત્, ક્યાં કેટલી ગરમી નોંધાઈ? હિટવેવ વચ્ચે કમોસમી વરસાદની આગાહી

Gujarat Summer weather update, ગુજરાતમાં ઉનાળો : ગુજરાતમાં મે મહિનો શરુ થયો છે ત્યારે ગરમી પણ પોતાનો અસરી રંગ દેખાડી રહી છે. ગુજરાતમાં ગરમી 45 ડિગ્રીની સપાટી વટાવી ગઈ છે. એક તબક્કે 46 ડિગ્રી પણ પહોંચી ગઈ હતી. આગ ઝરતી ગરમીમાં લોકો ત્રાહિમામ પોકારી ઉઠ્યા છે. બપોરના સમયે ગરમલાય જેવા પવનો ફૂકાતા વાહન ચાલકો પણ તોબા પુકારી ગયા હતા. બીજી તરફ હવામાન વિભાગે પણ કચ્છ અને સૌરાષ્ટ્ર વિસ્તારમાં ગરમીનું ઓરેન્જ એલર્ટ આપ્યું હતું.

ગુજરાતમાં મહત્તમ તાપમાન 45.4 ડિગ્રી નોંધાયું

ગરમીની વધતી જતા માર વચ્ચે તાપમાનનો પારો ઉચકાયો હતો.ત્યારે હવામાન વિભાગે આપેલા ગરમીના આંકડા પ્રમાણે રાજ્યમાં મોટાભાગના વિસ્તારોમાં ગરમી 40 ડિગ્રીની આસપાર રહી હતી. જ્યારે રાજ્યમાં 32.4 ડિગ્રીથી લઈને 45.4 ડિગ્રી વચ્ચે મહત્તમ તાપમાન રહ્યું હતું. જેમાં 45.4 ડિગ્રી મહત્તમ તાપમાન સાથે કંડલા એરપોર્ટ રાજ્યનો સૌથી ગરમ વિસ્તાર રહ્યો હતો. જ્યારે દ્વારકામાં 32.4 ડિગ્રી મહત્તમ તાપમાન રહ્યું હતું.

અમદાવાદમાં કાળઝાળ ગરમી યથાવત

રાજ્યમાં કાળઝાળ ગરમી યથાવત રહેવાની સાથે જ અમદાવાદમાં આજ પરિસ્થિતિ રહી છે. અમદાવાદમાં મહત્તમ તાપમાન 43.5 ડિગ્રી રહ્યું હતું. ગરમીએ સામાન્ય લોકોનું જીવવું મુશ્કેલ બનાવી દીધું છે. લોકોએ કામ વગર ઘરની બહાર નીકળવાનું ટાળ્યું હતું. ગાંધીનગરમાં પણ ગરમી 43.3 ડિગ્રી નોંધાઈ હતી.

ગુજરાતમાં ક્યાં કેટલી ગરમી નોંધાઈ?

ગુજરાતના તમામ સમાચારો વાંચવા માટે અહીં ક્લિક કરો

હિટવેવ વચ્ચે કમોસમી વરસાદની આગાહી

ગુજરાતમાં એક તરફ ગરમીનો માર પડી રહ્યો છે તો બીજી તરફ હવામાન વિભાગે કેટલાક વિસ્તારોમાં કમોસમી વરસાદની ધારણાઓ પણ બાંધી છે. આજે હવામાન વિભાગે સૌરાષ્ટ્રમાં ખાસ કરીને રાજકોટમાં ગરમીનું ઓરેન્જ એલર્ટ જાહેર કર્યું છે. આ ઉપરાંત સુરેન્દ્રનગર, મોરબી, બોટાદ અને કચ્છમાં પણ હીટવેવની આગાહી કરી છે.

બીજી તરફ હવામાન વિભાગે આગામી 3 મેથી 6 મે દરમિયાન રાજ્યના છૂટાછવાયા સ્થળોએ ગાજવીજ સાથે હળવાથી મધ્યમ વરસાદની આગાહી કરી છે. આગામી 3 મે, 2025ના રોજ કચ્છ, બનાસકાંઠા અને સાબરકાંઠા અને 4 મેના રોજ કચ્છ, બનાસકાંઠા, પાટણ, મહેસાણા, સાબરકાંઠા, અરવલ્લી, મહીસાગર, દાહોદ, પંચમહાલ, વડોદરા, છોટા ઉદેપુર, અમરેલી અને ભાવનગર જિલ્લાના છૂટાછવાયા સ્થળોએ ગાજવીજ સાથે હળવાથી મધ્યમ કમોસમી વરસાદની આગાહી છે.