Gujarat Summer weather update, red alert, ગુજરાત વેધર, હીટવેવની આગાહી, ગુજરાતમાં ઉનાળો : ગુજરાતમાં હવે ગરમીનો બીજો રાઉન્ડ શરૂ થઈ ગયો છે ત્યારે ધીમે ધીમે તાપમાન ઉંચુ જવા લાગ્યું છે. રાજ્યમાં તાપમાન 43 ડિગ્રી નજીક પહોંચ્યું છે. ગુજરાતમાં અત્યારે મોટાભાગના વિસ્તારોમાં 40 ડિગ્રીની આસપાસ મહત્તમ તાપમાન નોંધાયું હતું. આગામી ચાર દિવસમાં હજી પણ મહત્તમ તાપમાન વધવાની શક્યતા છે.
ગુજરાતમાં સૌથી ઉચું તાપમાન ક્યાં નોંધાયું?
ગુજરાતમાં અત્યારે ગરમી વધવા લાગી છે ત્યારે હવામાન વિભાગે આપેલા તાપમાનના આંકડા પ્રમાણે ગુજરાતમાં 31.6 ડિગ્રીથી 43.6 ડિગ્રી વચ્ચે મહત્તમ તાપમાન નોંધાયું હતું. 43.6 ડિગ્રી મહત્તમ તાપમાન સાથે કંડલા એરપોર્ટ ફરી રાજ્યનું સૌથી ગરમ શહેર રહ્યું હતું. જ્યારે દ્વારકામાં 31.67 ડિગ્રી મહત્તમ તાપમાન નોંધાયું હતું.
અમદાવાદ બન્યું રાજ્યનું બીજું સૌથી ગરમ શહેર
અમદાવાદમાં ધીમે ધીમે ગરમી વધી રહી છે. શહેર હવે આગના ગોળામાં ફેરવાયું છે. આવી સ્થિતિમાં અમદાવાદ રાજ્યનું બીજું સૌથી ગરમ શહેર રહ્યું હતું. અમદાવાદમાં 42.9 ડિગ્રી મહત્તમ તાપમાન નોંધાયું હતું. જ્યારે ગાંધીનગરમાં 42.5 ડિગ્રી મહત્તમ તાપમાન નોંધાયું હતું.
શહેર મહત્તમ તાપમાન (ડિગ્રીમાં) લઘુતમ તાપમાન (ડિગ્રીમાં) અમદાવાદ 42.9 26.5 ડીસા 41.1 25.3 ગાંધીનગર 42.5 27.4 વિદ્યાનગર 39.7 24.8 વડોદરા 40.8 24.8 સુરત 40.1 25.8 વલસાડ – – દમણ 35.4 24.8 ભૂજ 40.8 25.0 નલિયા 34.8 23.5 કંડલા પોર્ટ 39.4 24.4 કંડલા એરપોર્ટ 43.6 23.3 અમરેલી 00 22.2 ભાવનગર 42.2 24.8 દ્વારકા 31.6 26.2 ઓખા 32.6 26.0 પોરબંદર 33.6 23.0 રાજકોટ 42.2 22.6 વેરાવળ 31.0 25.3 દીવ 37.9 23.6 સુરેન્દ્રનગર 42.7 25.4 મહુવા 40.2 22.7 કેશોદ 39.0 24.4
ગુજરાતમાં ચાર જિલ્લામાં ફરી ભીષણ ગરમી પડશે : હવામાન વિભાગ
કમોસમી વરસાદ બાદ હવામાન વિભાગે ફરી એકવાર ભીષણ ગરમીની આગાહી કરી છે. વિભાગના જણાવ્યા અનુસાર, આગામી બે દિવસ પછી રાજ્યમાં તાપમાન ફરી વધશે. આનો અર્થ એ થયો કે નાગરિકોને ફરી એકવાર એપ્રિલની કાળઝાળ ગરમી સહન કરવી પડશે. 15 થી 17 એપ્રિલ દરમિયાન રાજ્યના શહેરોમાં ભીષણ ગરમીની અસર જોવા મળી શકે છે.
ગુજરાતના તમામ સમાચારો વાંચવા માટે અહીં ક્લિક કરો
હવામાન વિભાગની આગાહી મુજબ 15 થી 17 એપ્રિલ દરમિયાન કચ્છ, બનાસકાંઠા, સાબરકાંઠા અને રાજકોટમાં ગરમીને લઈને યલો એલર્ટ જારી કરવામાં આવ્યું છે. આ સમય દરમિયાન દરિયાકાંઠાના વિસ્તારોમાં હવામાન ગરમ અને ભેજવાળું રહેશે. જોકે, 18 અને 19 એપ્રિલે હવામાન સામાન્ય રહેશે અને લોકોને ગરમીથી રાહત મળી શકે છે.
