Aaj Nu Havaman, Gujarat weather Rain Forecast Update: ગુજરાતમાં વરસાદી સિસ્ટમ ફરી સક્રિય થયું છે ત્યારે રાજ્યમાં ભારે વરસાદ પડી રહ્યો છે. દક્ષિણ અને મધ્ય ગુજરાતમાં વરસાદે ધબધબાટી બોલાવવાનું શરુ કર્યું છે ત્યારે હવામાન વિભાગે આજે શુક્રવાર માટે પણ દક્ષિણ ગુજરાતના 3 જિલ્લાઓમાં વરસાદનું રેડ એલર્ટ આપ્યું છે. આ જિલ્લાઓમાં ભારેથી અતિ ભારે વરસાદની આગાહી કરી છે.
ત્રણ જિલ્લાઓમાં વરસાદ ભુક્કા બોલાવશે
હવામાન વિભાગ પ્રમાણે આજે શુક્રવાર માટે રાજ્યના ત્રણ જિલ્લાઓમાં વરસાદનું રેડ એલર્ટ આપ્યું છે. હવામાન વિભાગે આજે છોટા ઉદેપુર, નર્મદા, ભરૂચમાં વરસાદનું રેડ એલર્ટ આપ્યું હતું. આ જિલ્લાઓમાં ભારેથી અતિ ભારે વરસાદની આગાહી કરી છે.
રાજ્યમાં 11 જિલ્લાઓમાં અતિ ભારે વરસાદની આગાહી કરી
હવામાન વિભાગે આજે પંચમહાલ, દાહોદ, વડોદરા, સુરત, ડાંગ, નવસારી, વલસાડ, તાપી, દમણ, દાદરા નગર હવેલી, અમરેલી અને ભાવનગરમાં અતિ ભારે વરસાદની આગાહી કરી છે. આ જિલ્લાઓમાં વરસાદનું ઓરેન્જ એલર્ટ આપ્યું હતું.
અહીં પડશે છૂટો છવાયો વરસાદ
હવામાન વિભાગ પ્રમાણે આજે બનાસકાંઠા, પાટણ, મહેસાણા, સાબરકાંઠા, ગાંધીનગર, અરવલ્લી, ખેડા, અમદાવાદ, આણંદ, પંચમહાલ, દાહોદ, મહિસાગરમાં હળવાથી સામાન્ય વરસાદ પડશે.
આ ઉપરાંતવડોદરા, છોટા ઉદેપુર, નર્મદા, ભરૂચ, સુરત, ડાંગ, નવસારી, વલસાડ, તાપી, દમણ, દાદરા નગર હવેલી, રાજકોટ, જામનગર, પોરબંદર, જૂનાગઢ, અમરેલી, ભાવનગર, મોરબી, દ્વારકા, ગીર સોમનાથ, બોટાદ, દીવ અને કચ્છમાં હળવાથી સામાન્ય વરસાદ પડશે.
આ પણ વાંચોઃ- NIRF Ranking 2025: IIM અમદાવાદ મોખરે, ગુજરાત બન્યું મેનેજમેન્ટ ગુરુ
ત્રણ દિવસ ભારેથી અતિ ભારે વરસાદની આગાહી
- 6 સપ્ટેમ્બર 2025ના રોજ ડાંગ, નવસારી, વલસાડ, દમમ, દાદરા નગર હવેલીમાં ભારેથી અતિ ભારે વરસાદ પડવાની શક્યતા
- 7 સપ્ટેમ્બર 2025ના રોજ સાબરકાંઠા, અરવલ્લી, મહિસાગર, સુરેન્દ્રનગરમાં ભારેથી અતિ ભારે વરસાદ પડવાની શક્યતા
- 8 સપ્ટેમ્બર 2025ના રોજ કચ્છમાં ભારેથી અતિ ભારે વરસાદ પડવાની શક્યતા
