Gujarat Unseasonal Rain | ગુજરાત કમોસમી વરસાદ અપડેટ : વીજળી પડવાથી મૃત્યુઆંક વધીને 24 થયો

Gujarat Unseasonal Rain Lightning Deaths : ગુજરાતના 251 તાલુકાઓમાંથી 230 થી વધુ તાલુકાઓમાં ગાજવીજ સાથે કમોસમી વરસાદ પડ્યાના એક દિવસ પછી, સોમવારે રાજ્યભરમાં વીજળી પડવાને કારણે મૃત્યુઆંક વધીને 24 પર પહોંચી ગયો છે. અધિકારીઓના જણાવ્યા અનુસાર, 23 લોકો ઘાયલ થયા છે અને 29 ઘરોને નુકસાન થયું છે.

સ્ટેટ ઇમરજન્સી ઓપરેશન સેન્ટર (SEOC) દ્વારા જાળવવામાં આવેલા ડેટા મુજબ, સોમવારે બપોર સુધીમાં, ગુજરાતમાં વીજળી પડવાને કારણે 71 પ્રાણીઓના પણ મૃત્યુ થયા હતા.

દાહોદના આદિવાસી જિલ્લામાં સૌથી વધુ મૃત્યુ નોંધાયા હતા, જ્યાં વીજળી પડવાથી ચાર લોકોના મોત થયા હતા. બનાસકાંઠા અને ભરૂચમાં ત્રણ અને તાપીમાં બે મોત થયા છે.

અમરેલી, સુરેન્દ્રનગર, મહેસાણા, બોટાદ, પંચમહાલ, ખેડા, સાબરકાંઠા, અમદાવાદ, સુરત, દેવભૂમિ દ્વારકા, આણંદ અને પાટણમાં એક-એક મૃત્યુ નોંધાયા છે.

સોમવારે દક્ષિણના જિલ્લા તાપી, નવસારી, ડાંગ, સુરત, વલસાડ અને છોટા ઉદેપુર સહિત ઉત્તરના બનાસકાંઠા અને સાબરકાંઠાના 24 તાલુકાઓમાં વરસાદ નોંધાયો હતો.

આ પણ વાંચો - Gujarat Hardlook: દારૂ પીવાથી શરૂ, ડ્રગ્સના દુરૂપયોગ તરફ ઈશારો કરે છે, યુવાધન ડ્રગ્સની જકડમાં આવી રહ્યું?

સોમવારે બપોરે 12 વાગ્યા સુધી તાપીના કુકરમુંડામાં સૌથી વધુ 36 મીમી જ્યારે નવસારી જિલ્લામાં 20 મીમી અને ચીખલીમાં 17 મીમી વરસાદ નોંધાયો હતો.