Gujarat Weather winter updates, winter forecast, ગુજરાત હવામાન ઠંડીની આગાહી : ગુજરાતમાં એક તરફ ફેબ્રુઆરી મહિનો આગળ ધપી રહ્યો છે ત્યારે બીજી તરફ શિયાળો પણ અંત તરફ આગળ વધી રહ્યો છે. ત્યારે અત્યારે ગુજરાતના તાપમાન ચડ ઉતર જોવા મળી રહી છે. એક દિવસ ઠંડી વધે છે અને એક દિવસ ઠંડી ઘટે છે ત્યારે સોમવારે ઠંડીમાં સામાન્ય વધારો નોંધાયો હતો. નલિયામાં તાપમાન ફરીથી તાપમાન ઘટીને 10 ડિગ્રીની સપાટી અંદર આવી ગયું હતું. હવામાન વિભાગે આગામી પાંચ દિવસ તાપમાનમાં કોઈ ફેરફાર ન થવાની શક્યતા વ્યક્ત કરી હતી.
નલિયામાં તાપમાન ઘટીને 10 ડિગ્રીની સપાટી નીચે પહોંચ્યું
અત્યારે ગુજરાતના તાપમાનમાં બે તરફી વલણ જોવા મળી રહ્યું છે ત્યારે હવામાન વિભાગે આપેલા આંકડા પ્રમાણે ગુજરાતમાં સોમવારે 9.8 ડિગ્રીથી લઈને 19.2 ડિગ્રી વચ્ચે લઘુતમ તાપમાન નોંધાયું હતું. જેમાં 9.8 ડિગ્રી લઘુતમ તાપમાન સાથે નલિયા રાજ્યનું સૌથી ઠંડુ શહેર રહ્યું હતું. જ્યારે ઓખામાં 19.2 ડિગ્રી લઘુતમ તાપમાન નોંધાયું હતું. ડિસામાં 13.5 ડિગ્રી જ્યારે કેશોદમાં 13.9 ડિગ્રી લઘુતમ તાપમાન નોંધાયું હતું.
અમદાવાદમાં પણ ઠંડીમાં વધારો નોંધાયો
આખા ગુજરાતમાં ઠંડી ચડઉતર થઈ રહી હતી. ત્યારે ગાંધીનગર અને અમદાવાદમાં પણ ઠંડીમાં સામાન્ય વધારો નોંધાય હતો. અમદાવાદમાં 14.9 ડિગ્રી લઘુતમ તાપમાન અને ગાંધીનગરમાં 12.2 ડિગ્રી લઘુતમ તાપમાન નોંધાયું હતું.વડોદરામાં 15.4 ડિગ્રી, સુરતમાં 18.8 ડિગ્રી લઘુતમ ડિગ્રી નોંધાયું હતું.
ગુજરાતમાં ક્યાં કેટલી ઠંડી નોંધાઈ?
શહેર મહત્તમ તાપમાન (ડિગ્રીમાં) લઘુતમ તાપમાન (ડિગ્રીમાં) અમદાવાદ 33.4 13.8 ડીસા 33.1 13.5 ગાંધીનગર 33.6 12.4 વિદ્યાનગર 32.5 16.4 વડોદરા 33.4 15.4 સુરત 34.2 18.8 વલસાડ – – દમણ 32.4 18.6 ભૂજ 33.2 16.8 નલિયા 31.0 9.8 કંડલા પોર્ટ 32.2 15.6 કંડલા એરપોર્ટ 32.6 12.9 અમરેલી 00 00 ભાવનગર 32.2 17.0 દ્વારકા 25.1 17.6 ઓખા 27.2 19.2 પોરબંદર 30.8 12.6 રાજકોટ 33.1 14.7 વેરાવળ 28.4 19.1 દીવ 33.5 13.8 સુરેન્દ્રનગર 33.7 16.6 મહુવા 33.8 15.6 કેશોદ 32.2 13.9
ગુજરાતના તમામ સમાચારો વાંચવા માટે અહીં ક્લિક કરો
હવામાન વિભાગે શું કરી આગાહી?
ગુજરાતમાં શિયાળો વિદાય તરફ આગળ વધી રહ્યો છે ત્યારે હવે ઠંડીમાં પણ સામાન્ય વધારો નોંધાયો હતો. વહેલી સવારે ઠંડી અને બપોરના સમયે ગરમીનો અહેસાસ થઈ રહ્યો છે ત્યારે આગામી પાંચ દિવસ દરમિયાન રાજ્યના તાપમાનમાં કોઈ ફેરફાર નહીં થવાની શક્યતાઓ હવામાન વિભાગે સેવી છે. માટે હવે પાંચ દિવસ સુધી લોકોને ઠંડીમાં રાહત મળશે.
