Gujarat Winter weather Update : ગુજરાતમાં ઠંડીનો ચમકારો, નલિયામાં તાપમાન 3 ડિગ્રી ગગડ્યું, કયાં કેટલી ઠંડી નોંધાઈ?

Gujarat Weather winter updates, winter forecast, ગુજરાત હવામાન ઠંડીની આગાહી : ઉત્તર ભારતના પહાડી વિસ્તારોમાં ફરીથી બરફ વર્ષા થવાના કારણે બર્ફિલા પવનો ફૂંકાઈ રહ્યા છે. જેના પગલે ગુજરાતમાં પણ ઠંડીનો ચમકારો ફરી જોવા મળ્યો હતો. ગુજરાતના તાપમાનમાં પણ મોટો ઘટાડો નોંધાયો હતો. ગુજરાતના તાપમાનમાં ત્રણ ડિગ્રીની આસપાસ ઘટાડો નોંધાતા કાતિલ ઠંડીનો અહેસાસ થવા લાગ્યો હતો. રાજ્યમાં નલિયમાં ત્રણ ડિગ્રીથી વધુ તાપમાન ઘટતાં પારો 6 ડિગ્રી પહોંચ્યો હતો. જોકે, હવામાન વિભાગે આગામી 48 કલાકમાં પણ 3 ડિગ્રી જેટલું તાપમાન વધવાની આગાહી કરી છે.

નલિયામાં ઠંડીનો પારો ત્રણ ડિગ્ ગગડ્યો

ગુજરાતમાં બે દિવસની રાહત બાદ ઠંડીએ ફરીથી જોર પકડ્યું છે. રાજ્યમાં ઠંડા પવનો ફૂંકાતા તાપમાનમાં નોંધનીય ઘટાડો થયો છે. શુક્રવારે રાજ્યમાં 6 ડિગ્રીથી 18.9 ડિગ્રી વચ્ચે લઘુતમ તાપમાન નોંધાયું હતું. નલિયામાં ત્રણ ડિગ્રીથી વધુ તાપમાન ઘટીને 6 ડિગ્રી લઘુતમ તાપમાન સુધી પહોંચ્યું છે. જ્યારે ઓખામાં 18.9 ડિગ્રી લઘુતમ તાપમાન નોંધાયું હતું.

અમદાવાદમાં તાપમાનમાં એક ડિગ્રી જેટલો વધારો નોંધાયો

સમગ્ર ગુજરાતમાં ઠંડીનું મોજું ફરી વળ્યું છે. જોકે, રાજ્યના અમદાવાદમાં પણ એક ડિગ્રી જેટલું તાપમાન વધ્યું હતું. શુક્રવારે અમદાવાદમાં 13.7 ડિગ્રી લઘુતમ તાપમાન નોધાયું હતું. જ્યારે અમરેલીમાં પણ તાપમાન વધીને 13.8 ડિગ્રી પહોંચ્યું હતું. રાજકોટમાં 10.7 ડિગ્રી, પોરબંદરમાં 14 ડિગ્રી, વડોદરામાં 15.8 ડિગ્રી લઘુતમ તાપમાન નોંધાયું હતું.

ક્યાં કેટલી ઠંડી નોંધાઈ?

• ગુજરાતના તમામ સમાચારો વાંચવા માટે અહીં ક્લિક કરો

24 કલાકમાં ત્રણ ડિગ્રી જેટલું તાપમાન વધશે

ઉત્તર ભારતના પહાડી વિસ્તારોમાં ફરીથી હિમ વર્ષા થતાં તેની અસર મેદાની વિસ્તારોમાં થઈ રહી છે. ગુજરાતમાં ફરીથી ઠંડીનો જોર વધ્યું છે. ગુજરાતમાં આગામી 48 કલાકમાં 2-3 ડિગ્રી જેટલું તાપમાન ઘટવાની આગાહી હવામાન વિભાગે કરી છે. માટે ગુજરાત વાસીઓને 48 કલાકમાં કડકડતી ઠંડીમાંથી આંશિક રાહત મળશે.