Gujarat Weather updates : ગુજરાતમાં બે દિવસ બાદ ઠંડી વધશે, નલિયામાં ત્રણ ડિગ્રી તાપમાન વધ્યું, IMD એ શું કરી આગાહી?

Gujarat Weather updates, ગુજરાત વેધર: ગુજરાતમાં અત્યારે તાપમાનમાં વધારો થયો છે. બે દિવસમાં ત્રણ ડિગ્રી જેટલું તાપમાન વધ્યું છે. બેવડી ઋતુ વચ્ચે ફરીથી તાપમાન ઘટવાની શક્યતાઓ હવામાન વિભાગે સેવી છે. ગુજરાતમાં મોટાભાગના વિસ્તારોમાં 17 ડિગ્રીની આસપાસ લઘુતમ તાપમાન રહ્યું હતું. નલિયામાં પણ તાપમાન વધીને 20 ડિગ્રી નજીક પહોંચી ગયું છે.

નલિયામાં ત્રણ ડિગ્રી તાપમાન વધ્યું

અત્યારે શિયાળો હવે અંત તરફ જઈ રહ્યો છે ત્યારે તાપમાનમાં અનિશ્ચિતતા જોવા મળી રહી છે. ક્યારેક વધારો તો ક્યારેક ઘટાડો નોંધાઈ રહ્યો છે. આવી સ્થિતિ વચ્ચે બુધવારે તાપમાનમાં વધારો થયો હતો. હવામાન વિભાગે આપેલા આંકડા પ્રમાણે 17.1 ડિગ્રી લઈને 23.5 ડિગ્રી વચ્ચે લઘુતમ તાપમાન રહ્યું હતું. મહુવામાં 17.1 ડિગ્રી લઘુતમ તાપમાન રહ્યું હતું. જે રાજ્યનું સૌથી ઠંડુ શહેર રહ્યું હતું. જ્યારે ઓખામાં 23.5 ડિગ્રી લઘુતમ તાપમાન નોંધાયું હતું. નલિયામાં ત્રણ ડિગ્રી તાપમાન વધીને 20 ડિગ્રી નજીક પહોંચ્યું હતું.

અમદાવાદમાં તાપમાન ફરી 21 ડિગ્રી પાર

અમદાવાદમાં પણ તાપમાનમાં વધારો નોંધાયો હતો. અમદાવાદમાં એક ડિગ્રી જેટલું તાપમાન ઘટ્યું હતું. અમદાવાદમાં તાપમાન ફરી 21 ડિગ્રી પાર કરીને 21.4 ડિગ્રી પહોંચ્યું હતું. જ્યારે ગાંધીનગરમાં પણ તાપમાન ઉચકાઈને 19.8 ડિગ્રીએ પહોંચ્યું હતું. વડોદરામાં 19 ડિગ્રી અને સુરતમાં 21.8 ડિગ્રી તાપમાનનોંધાયું હતું.

ગુજરાતમાં ક્યાં કેટલું તાપમાન નોંધાયું

ગુજરાતના તમામ સમાચારો વાંચવા માટે અહીં ક્લિક કરો

બે દિવસ બાદ ઠંડી વધશે: હવામાન વિભાગ

અત્યારે તાપમાનમાં વધારો થઈ રહ્યો છે ત્યારે આગામી 48 કલાક સુધી તાપમાનમાં કોઈ મોટો ફેરફાર ન થવાની શક્યતાઓ હવામાન વિભાગે સેવી છે. ત્યારબાદ એટલે કે બે દિવસ બાદ તાપમાનમાં 2-3 ડિગ્રી જેટલું તાપમાન ઘટવાની શક્યતાઓ હવામાન વિભાગે સેવી છે. બે દિવસ બાદ ઠંડીમાં થોડો વધારો થવાની શક્યતાઓ છે.